Bharuch News: ભરુચ જીલ્લામાં વારંવાર દારુની રેલમછેલ થતી ઝડપાતી હોય છે. છતાં પોલીસની ઊંઘ ઉડતી નથી. દારુ અંગે અહીં ઘણા પત્રકારોએ ઈન્વેસ્ટિગેશન કર્યા છે. તો તેમના વિરુધ્ધ કાર્યવાહી પણ કરાઈ છે. ત્યારે ભરુચ પોલીસના નાક નીચેથી મોટી દારુની હેરાફેરીનો પર્દાફાશ થયો છે.
પાનોલી પોલીસે બસમાં થતી દારૂની હેરાફેરીનો ખુલાસો કર્યો છે. લકઝરી બસમાં વિદેશી દારૂની હેરાફેરી થતી હતી. મુંબઈથી અમદાવાદ જઈ રહેલી બસમાંથી વિદેશી દારૂનો જથ્થો પકડ્યો છે. 12.14 લાખનો મુદ્દામાલ જપ્ત કરવામાં આવ્યો છે. આ મામલામાં રાજસ્થાનના આશાપુરા તાલુકાના ઇન્દોડા ગામના રહેવાસી નવીન રામજી પટેલ અને જગદીશચંદ્ર પ્યારચંદ્ર આચાર્યની ધરપકડ કરવામાં આવી છે. તેમના વિરુદ્ધ પ્રોહિબિશન એક્ટ હેઠળ ફરિયાદ દાખલ કરવામાં આવી છે.
ઉલ્લેખનીય છે ભરુચ જીલ્લામાં દારુ વેચાણના અનેક વિડિયો વાઈરલ થઈ ચૂક્યા છે. ગત વર્ષે પણ ભરુચ બી ડીવીઝન પોલીસ સ્ટેશનની હદમાં લીંબુ છાપરી વિસ્તારના દારુ વેચાણના ઘણા વિડિયો વાઈરલ થયા હતા. જેથી પોલીસની કામગીરી પર પણ સવોલો ઉભા થતાં હોય છે.
આ પણ વાંચોઃ Rerelease: ‘સનમ તેરી કસમ’ 9 વર્ષ બાદ ફરી રિલિઝ, પાકિસ્તાની અભિનેત્રી આ વખતે ચમકી!
