• દિલ્હી કોર્ટે જાહેર ભંડોળના દુરુપયોગ બદલ કેજરીવાલ સામે FIR નોંધવા આપ્યો આદેશ

આમ આદમી પાર્ટીના રાષ્ટ્રીય સંયોજક અરવિંદ કેજરીવાલને દિલ્હીની રાઉઝ એવન્યુ કોર્ટમાંથી મોટો ઝટકો લાગ્યો છે. કોર્ટે દિલ્હી પોલીસને તેમના અને AAP પાર્ટીના અન્ય નેતાઓ વિરુદ્ધ જાહેર નાણાંનો દુરુપયોગ કરીને વિશાળ હોર્ડિંગ્સ લગાવવા બદલ FIR નોંધવાનો નિર્દેશ આપ્યો છે.

દિલ્હી કોર્ટે અરવિંદ કેજરીવાલ અને પાર્ટીના અન્ય નેતાઓ વિરુદ્ધ FIR નોંધવાની અરજી સ્વીકારી લીધી છે. કોર્ટે પોલીસને 18 માર્ચ સુધીમાં આ આદેશનું પાલન રિપોર્ટ દાખલ કરવાનો નિર્દેશ આપ્યો છે.

દિલ્હી કોર્ટે પોલીસને દિલ્હીના ભૂતપૂર્વ મુખ્યમંત્રી અરવિંદ કેજરીવાલ અને અન્ય લોકો સામે જાહેર સંપત્તિને નુકસાન પહોંચાડવાના આરોપમાં આ FIR નોંધવાનો આદેશ આપ્યો છે.

આ કેસ 2019 માં દાખલ થયેલી ફરિયાદ સાથે સંબંધિત છે, જેમાં દાવો કરવામાં આવ્યો હતો કે કેજરીવાલે, AAPના ભૂતપૂર્વ ધારાસભ્ય ગુલાબ સિંહ અને દ્વારકા કાઉન્સિલર નીતિકા શર્મા સાથે મળીને, સમગ્ર વિસ્તારમાં વિશાળ હોર્ડિંગ્સ લગાવીને જાહેર નાણાંનો દુરુપયોગ કર્યો હતો.

આ પણ વાંચો- ચિંતા ન કરો મહેનત રંગ લાવશે! માત્ર 355 કરોડ રૂપિયામાં પીએમ મોદીએ 52 દેશો સાથે બનાવ્યા સારા સંબંધ