અમેરિકાના પૂર્વ રાષ્ટ્રપતિ બિલ ક્લિન્ટનને વોશિંગ્ટનની જ્યોર્જટાઉન યુનિવર્સિટી મેડિકલ સેન્ટરમાં દાખલ કરાયા છે. પૂર્વ રાષ્ટ્રપતિને લથડતાં હોસ્પિટલમાં દાખલ કરવામાં આવ્યા છે. ક્લિન્ટનના ડેપ્યુટી ચીફ ઓફ સ્ટાફ એન્જલ યુરેનાએ એક નિવેદનમાં જણાવ્યું હતું કે પૂર્વ રાષ્ટ્રપતિને સોમવારે સારવાર માટે હોસ્પિટલમાં દાખલ કરવામાં આવ્યા હતા. યુરેનાએ કહ્યું કે તેમની હાલ હોસ્પિટલમાં સારવાર ચાલી રહી છે.
બેવાર રહી ચૂક્યા છે રાષ્ટ્રપતિ
બિલ ક્લિન્ટને જાન્યુઆરી 1993 થી જાન્યુઆરી 2001 સુધી રાષ્ટ્રપતિ તરીકે બે ટર્મ સેવા આપી હતી. તેમણે તાજેતરમાં ચૂંટણી દરમિયાન શિકાગોમાં ડેમોક્રેટિક નેશનલ કન્વેન્શનને સંબોધિત કર્યું હતું અને કમલા હેરિસની વ્હાઇટ હાઉસ બિડ માટે પ્રચાર કર્યો હતો.
બિલ ક્લિન્ટનને સ્વાસ્થ્ય સમસ્યાઓ હતી
વ્હાઈટ હાઉસ છોડ્યા પછીના વર્ષોમાં ક્લિન્ટને અનેક સ્વાસ્થ્ય સમસ્યાઓનો સામનો કરવો પડ્યો છે. 2004માં શ્વાસ લેવામાં તકલીફ થતાં તેમની બાયપાસ સર્જરી થઈ હતી. 2021માં ક્લિન્ટનને ચેપ લાગ્યો હતો જેના માટે તેમને કેલિફોર્નિયામાં 6 દિવસ સુધી હોસ્પિટલમાં દાખલ થવું પડ્યું હતું.
