સુરેન્દ્રનગરને મનપાનો દરજ્જો મળતાં ફૂગ્ગાની જેમ ફૂલ્યું, મેદાન છીનવી લીધુ?

Surendranagar: 1 જાન્યુઆરી 2025થી સુરેન્દ્રનગર શહેરને મનપાનો દરજ્જો મળ્યો ત્યારથી લોકોને કનડગત ઉભી થાય તેવા નિર્ણયો તંત્ર લઈ રહ્યું છે. જેથી લોકોમાં રોષ જોવા મળ્યો છે. લોકો ધાર્મિક, સામજિક પ્રસંગોની ઉજવણી કરતાં હતા તે મેદાન છીનવી લેવામાં આવ્યું છે. જેથી અહીં મેદને જંગ આંદોલન શરુ થયું છે.

મેદાને જંગ કેમ?

સુરેન્દ્રનગર સ્થિત મારૂતી મેદાનમાં ધાર્મિક, સામાજિક, લગ્ન, મરણ, નવરાત્રી પ્રસંગો થતાં હતા. જો કે હવે રોડ-રસ્તાઓ પરથી શાકભાજી વેચનારાઓને મેદાનમાં ખદેડ્યા છે. માર્ગો પરના ધંધા રોજગાર બંધ કરાવી દેવાયા છે. અયોધ્યા નગરના શાકભાજીની લારીઓવળાઓને પ્રજાના ઉત્સવના મેદાનમાં ખેદેડી દેવાયા છે. જેથી મેદાન નજીક રહેતાં સ્થાનિકો હવે તેમના ઉત્સવો, કાર્યક્રમો અહીં યોજી શકશે નહીં. જેથી સ્થાનિકોએ મનપા વિરુધ્ધ ભારે વિરોધ નોંધાવ્યો છે.

30 સોસાયટીના લોકો અંતે મેદાન માટે જંગ લડવા આંદોલન કરી રહ્યા છે. 30 સોસાટીઓની વસતી 8 હજાર લોકોની છે. પહેલા મારુતિ મેદાન વઢવાણ નગરપાલિકામાં આવતું હતું. હવે સુરેન્દ્રનગર મહાનગરપાલિકામાં આવે છે.