Kheda: ખેડા જીલ્લાના માતર તાલુકામાં આવેલા ભલાડા ગામામાંથી 19 વર્ષિય યુવકનો મૃતદેહ ગઈકાલે કૂવામાંથી મળી આવતાં ખળભળાટ મચી ગયો છે. યુવકનો મૃતદેહ હોસ્પિટલમાં ખસેડાયો હતો. આ મામલે પિતાએ લીંબાસી પોલીસ મથકે જાણ કરતી હતી. જો કે પિતાએ આક્ષેપ કર્યા છે કે પોલીસે ત્વરિત કાર્યવાહી કરી ન હતી. પિતાએ પોલીસ પર ગંભીર આક્ષેપ મૂકતાં કહ્યું છે કે બે દિવસથી જાણ કરી હોવા છતાં પોલીસ કોઈ જવાબ લેવા કે કાર્યવાહી કરવા આવી ન હતી. કે કોલ્સ ડિટેલ્સ પણ શોધી ન હતી.
માતરના ભલાડા ગામનો 19 વર્ષીય યુવક જયદીપ રાવળ ઉર્ફે જલ્લુનો મૃતદેહ અવાવરુ કુવામાંથી મળી આવતાં ખળભળાટ મચી ગયો છે. જયદીપ 14મી એપ્રિલે સવારના સમયે વાગ્યે કોઈને કહ્યા વગર ઘરેથી નકળી ગયો હોવાનું કહેવાઈ છે. પરિવારજનોએ તેની ગુમ થવા અંગેની ફરિયાદ લીંબાસી પોલીસ મથકે નોંધાવી હતી. ત્યારે ગઈકાલે બુધવારે તેનો મૃતદેહ ગામના ભાગોળે આવેલા કૂવામાંથી મળી આવ્યો હતો. આ ઘટનાની જાણ થતાં જ લોકોના ટોળેટોળા એકઠા થઈ ગયા હતા અને કૂવામાંથી મૃતદેહ બહાર કાઢવામાં આવ્યો હતો. ત્યારબાદ પોસ્ટમોર્ટ માટે ખસેડ્યો હતો.
પિતાના આક્ષેપ છે કે લીંબાસી પોલીસે તપાસમાં ગંભીર બેદરકારી દાખવી છે. જો સમયસર કાર્યવાહી થઈ હોત તો મારા દિકરાની જીંદગી બચી ગઈ હોત. જોકે 19 વર્ષિય યુવકે કેમ આપઘાત કરી લીધો તેનું ચોક્કસ કારણ બહાર આવ્યું નથી. જયદિપના પિતાએ પોલીસને મોબાઈલનું લોકેશન શોધવા સતત આજીજી કરી હતી. જો કે પોલીસે ઝડપી કાર્યવાહી ન કરી હોવાના આક્ષેપ કર્યા છે.
કૂવામાં કોઈએ મૃતદેહ નાખ્યાની આશંકા
19 વર્ષિય યુવકના મોત મામલે અનેક તર્કવિતર્ક થઈ રહ્યા છે, ભલાડા ગામની ભાગોળે આવેલા કૂવા નજીક સતત લોકોની અવરજ જવર રહેતી હોય છે. જેથી જયદીપનો મૃતદેહ રાત્રે કોઈએ કૂવામાં નાખ્યો હોવાની શક્યતાઓ વ્યક્ત કરાઈ રહી છે.
ધારાસભ્ય અને પોલીસને લોકોએ ઘેર્યા
આ ઘટનાના પંથકમાં ઘેરા પ્રત્યાઘાત પડતાં પોલીસ સહિત ધારાસભ્ય ઘટનાસ્થળે દોડી ગયા હતા. ધારાસભ્ય કલ્પેશ પરમાર પણ ભલાાડા ગામના જ છે. ત્યારે પરિવારે ઉહાપોહ મચાવ્યો હતો અને ધારાસભ્ય અને પોલીસને ઘેર્યા હતા.
US: હવે ટ્રમ્પને તેમના માનિતા પત્રકારો જ સવાલ કરી શકશે, શું આપ્યું કારણ?
UP: પ્રેમમાં પડેલા સાસુ-જમાઈ પોલીસ સમક્ષ હાજર, કહ્યું હવે અમે બંને….
Surat reconstruction: કાપોદ્રામાં કિશોરની હત્યા કરનાર નશાખોર પ્રભુનું રિકન્સ્ટ્રક્શન
Junagadh: અકસ્માતમાં ત્રણ યુવકના મોત, એક સાથે 3 જનાજા નીકળ્યા
