Mahakumbh 2025: પ્રયાગરાજમાં ચાલી રહેલા મહાકુંભમાં બુધવારે માઘ પૂર્ણિમા નિમિત્તે ભક્તોની ભારે ભીડ ઉમટી પડી છે. નાગા તપસ્વીઓ અને અખાડાઓના સંતોએ સૌપ્રથમ ત્રિવેણી સંગમમાં પવિત્ર સ્નાન કર્યું છે, ત્યારબાદ ભક્તોને પણ વિવિધ ઘાટ પર સ્નાન કરવાની મંજૂરી આપવામાં આવી છે. મુખ્યમંત્રી યોગી આદિત્યનાથે આ શુભ તહેવાર પર રાજ્યના લોકો અને ભક્તોને શુભેચ્છા પાઠવી અને મહાકુંભમાં સ્નાન કરવા પહોંચેલા સંતો અને કલ્પવાસીઓનું સ્વાગત કર્યું છે.
ભક્તો તેમના પરિવારો સાથે મોટી સંખ્યામાં સંગમ પહોંચી રહ્યા છે અને પવિત્ર સ્નાન કરી રહ્યા છે. સવાર સુધીમાં, લગભગ 74 લાખ લોકોએ સંગમમાં પવિત્ર ડૂબકી લગાવી છે, અને દિવસભર આ સંખ્યા વધતી રેહવની છે.
મેળા વહીવટીતંત્રે માઘી પૂર્ણિમાના સ્નાન માટે એક ખાસ ટ્રાફિક યોજના અમલમાં મૂકી છે, જે હેઠળ સમગ્ર શહેરને નો-વ્હીકલ ઝોન જાહેર કરવામાં આવ્યું છે. કલ્પવાસીઓના વાહનોના પ્રવેશ પર સંપૂર્ણપણે પ્રતિબંધ મૂકવામાં આવ્યો છે. સીએમ યોગી આદિત્યનાથ પોતે મહાકુંભની વ્યવસ્થા પર નજર રાખી રહ્યા છે. જેથી અસુવિધા ઉભી ન થાય.
પ્રયાગરાજના ડીઆઈજી વૈભવ કૃષ્ણાએ એમ પણ કહ્યું કે સુરક્ષા અને ટ્રાફિક વ્યવસ્થા સંપૂર્ણપણે નિયંત્રણમાં છે અને ભક્તો નિયમોનું પાલન કરી રહ્યા છે.
આ પણ વાંચોઃ Ahmedabad: નરેન્દ્ર મોદી સ્ટેડિયમમાં આજે મેચઃ ભારત અને ઇંગ્લેન્ડ વચ્ચે મુકાબલો
