• રાષ્ટ્રીય રમતોમાં સુવર્ણ ચંદ્રક વિજેતા મહિલા પાવરલિફ્ટરનું અવસાન; જીમમાં પ્રેક્ટિસ દરમિયાન અકસ્માત

રાજસ્થાનના બિકાનેરમાં એક ભયાનક અકસ્માત થયો છે. રાષ્ટ્રીય ખેલાડી યશ્તિકા આચાર્યનું જીમમાં પાવરલિફ્ટિંગની પ્રેક્ટિસ કરતી વખતે દર્દનાક મોત થયું છે. યશ્તિકાએ પોતાની ગરદન પર 270 કિલો વજન ઉપાડ્યું હતું. આ દરમિયાન અચાનક તેનો હાથ લપસી ગયો અને તેણે પોતાનું સંતુલન ગુમાવ્યું અને વજન તેની ગરદન પર આવી ગયું હતું. વજન વધવાના કારણે તેની ગરદન તૂટી ગઈ હતી. અકસ્માત પછી યશ્તિકાને હોસ્પિટલ લઈ જવામાં આવી હતી. જ્યાં ડોક્ટરે તેને મૃત જાહેર કરી હતી.

અકસ્માત કેવી રીતે થયો?

બિકાનેરની રાષ્ટ્રીય મહિલા પાવરલિફ્ટર 17 વર્ષીય યશ્તિકા આચાર્ય, રાજસ્થાનના બિકાનેરમાં નથ્થુસર ગેટ ખાતે બડા ગણેશ મંદિર પાસે સ્થિત ધ પાવર હેક્ટર જીમમાં પ્રેક્ટિસ કરી રહી હતી. તેણે પોતાના ગળા પરના 270 કિલો વજનનો રૉડ ઉપાડ્યો હતો. આ દરમિયાન યશ્તિકાના ગળા પર રૉડ પડતાં તેનું મોત થયું. જીમમાં તેની સાથે પ્રેક્ટિસ કરનારા અન્ય ખેલાડીઓએ જણાવ્યું કે યશ્તિકા દરરોજની જેમ કોચની હાજરીમાં પ્રેક્ટિસ કરી રહી હતી.

પ્રેક્ટિસ દરમિયાન તેનો હાથ લપસી ગયો અને તેણીએ અચાનક પોતાનું સંતુલન ગુમાવ્યું અને 270 કિલોનો રૉડ યશ્તિકાના ગળા પર પડ્યો હતો. આ સમય દરમિયાન એક જોરદાર આંચકો લાગ્યો. જોરદાર આંચકાને કારણે યશ્તિકાની પાછળ ઉભેલા કોચ પણ પાછળ પડી ગયા હતા. અકસ્માત બાદ યશ્તિકા બેભાન થઈ ગઈ. જીમમાં જ તેમને પ્રાથમિક સારવાર આપવાનો પ્રયાસ કરવામાં આવ્યો. ત્યાં હાજર ખેલાડીઓ તેને સારવાર માટે હોસ્પિટલ લઈ ગયા. ત્યાં ડોક્ટરોએ તેમને મૃત જાહેર કર્યા હતા.

આ પણ વાંચો-ડોનાલ્ડ ટ્રમ્પ ઓટોમોબાઈલ, ફાર્માસ્યુટિકલ્સ અને ચિપ્સ પર લાદશે 25% ટેરિફ