Terrorist Rauf Azhar : ઓપરેશન સિંદૂરના (Operation Sindoor) બીજા દિવસે મોટા સમાચાર સામે આવ્યા છે. મસૂદ અઝહર (Masood Azhar) ભલે ભાગી ગયો હોય, પરંતુ ભારતીય સેના દ્વારા કરવામાં આવેલી સર્જિકલ સ્ટ્રાઈકમાં આતંકવાદી રઉફ અઝહર માર્યો ગયો છે. આ એ જ આતંકવાદી રૌફ અઝહર છે જે કંધાર પ્લેન હાઇજેકિંગનો માસ્ટરમાઈન્ડ હતો. 1999 માં ઇન્ડિયન એરલાઇન્સની ફ્લાઇટ IC-814 ના હાઇજેકમાં રૌફ અઝહરે મુખ્ય ભૂમિકા ભજવી હતી. ઓપરેશન સિંદૂર દ્વારા, ભારતે માત્ર પહેલગામ આતંકવાદી હુમલાનો બદલો જ લીધો નહીં પરંતુ જૂના હિસાબો પણ પૂર્ણ કર્યા છે.
અટલ બિહારી વાજપેયીના સમયનો બદલો પૂર્ણ
તમને જણાવી દઈએ કે જ્યારે અટલ બિહારી વાજપેયી દેશના વડાપ્રધાન હતા, ત્યારે આ વિમાનને આતંકવાદીઓએ હાઇજેક કરી લીધું હતું. જે પછી, મુસાફરોના જીવ બચાવવા માટે, ત્રણેય આતંકવાદીઓને છોડી દેવાનો નિર્ણય લેવામાં આવ્યો. ભારતીય જેલમાં બંધ આતંકવાદી મૌલાના મસૂદ અઝહર, મુશ્તાક અહેમદ ઝરગર અને અહેમદ ઓમર સઈદ શેખને કંદહાર લઈ જવામાં આવ્યા. – આ પછી, 31 ડિસેમ્બરે મુસાફરોને મુક્ત કરવામાં આવ્યા, જેમને ખાસ વિમાન દ્વારા પાછા લાવવામાં આવ્યા.
ફ્લાઇટ IC-814 ના હાઇજેકની કહાની
24 ડિસેમ્બર1999 ના રોજ, કાઠમંડુ (નેપાળ) થી દિલ્હી જતી ઇન્ડિયન એરલાઇન્સની ફ્લાઇટ IC-814 નું પાંચ માસ્ક પહેરેલા આતંકવાદીઓ દ્વારા અપહરણ કરવામાં આવ્યું હતું. વિમાનમાં176 મુસાફરો અને 15 ક્રૂ સભ્યો સવાર હતા. અપહરણકર્તાઓ વિમાનને અમૃતસર, લાહોર, દુબઈ અને અંતે કંદહાર, અફઘાનિસ્તાન લઈ ગયા. દરમિયાન, ફ્લાઇટ IC-814 દુબઈમાં ઉતરતી વખતે 27 મુસાફરો (મહિલાઓ અને બાળકો) અને રુપિન કાત્યાલના મૃતદેહને નીચે ઉતારવામાં આવ્યા હતા. અપહરણકર્તાઓ સાથેની અથડામણમાં કાત્યાલનું મોત થયું.કંધારમાં તાલિબાન દ્વારા મધ્યસ્થી કરાયેલી લાંબી વાટાઘાટો પછી, ભારત સરકારે મુસાફરોની સુરક્ષા માટે મૌલાના મસૂદ અઝહર (જૈશ-એ-મોહમ્મદના સ્થાપક), અહેમદ ઓમર સઈદ શેખ અને મુશ્તાક અહેમદ ઝરગર સહિત 3 આતંકવાદીઓને મુક્ત કરવાનો નિર્ણય લીધો હતો.
કંદહાર વિમાન અપહરણમાં આતંકવાદી અબ્દુલ રઉફ અઝહરની ભૂમિકા શું હતી?
અબ્દુલ રઉફ અઝહર 1999ના કંદહાર વિમાન હાઇજેક (IC-814)નો માસ્ટરમાઇન્ડ હતો. તે જૈશ-એ-મોહમ્મદના સ્થાપક મૌલાના મસૂદ અઝહરનો નાનો ભાઈ હતો. રઉફે પોતાના ભાઈને ભારતીય જેલમાંથી મુક્ત કરાવવા માટે હરકત-ઉલ-મુજાહિદ્દીન અને ISI સાથે મળીને હાઇજેકિંગનું કાવતરું ઘડ્યું હતું. તેણે કાઠમંડુમાં ઓપરેશનની યોજના બનાવી અને તેના ભાઈ ઇબ્રાહિમ અતહર સહિત અપહરણકારો સાથે સંકલન કર્યું. રૌફ જૈશ-એ-મોહમ્મદના આતંકવાદી હુમલાઓમાં સક્રિય હતો. તે ભારતમાં ‘મોસ્ટ વોન્ટેડ’ રહ્યો છે.
આ પણ વાંચો :
ભારતના 5 પ્લેન તોડી પાડવાના દાવા પર પાકિસ્તાની રક્ષામંત્રી ફસાયા | Khawaja Asif
Firing at LOC: ઓપરેશન સિંદૂરથી બોખલાયેલ પાકિસ્તાની સેનાએ આ વિસ્તારોમાં કર્યો ગોળીબાર, 1 જવાન શહીદ
