Uttarkashi Accident: ગુજરાતના 33 યાત્રીઓને કેદારનાથ લઈ જઈ રહેલી બસ પલટી, 18 ઈજાગ્રસ્ત

Uttarkashi Accident: ઉત્તરકાશીથી કેદારનાથ જતી ગુજરાતી શ્રદ્ધાળુઓથી ભરેલી બસને અકસ્માત નડ્યો હોવાના સમાચાર સામે આવ્યા છે. અહીં એક બસ અચાનક પલટી ગઈ અને રસ્તા પર અથડાઈ ગઈ. આ બસમાં 30 થી વધુ લોકો સવાર હતા ત્યારે બસ પલટી જતા 18 લોકોને ઈજા પહોંચી છે. આ ઘટનાની માહિતી મળતા જ પોલીસ ટીમ અને SDRF ટીમ ઘટનાસ્થળે પહોંચી ગઈ અને ઘાયલોને હોસ્પિટલ લઈ ગઈ હતી.

ઉત્તરકાશી નજીક બસનો અકસ્માત

મળતી માહિતી મુજબ, આજે બુધવારે એક બસ ઉત્તરકાશીથી કેદારનાથ જઈ રહી હતી. આ દરમિયાન નવા ટિહરી-ઘંસાલી મોટર રોડ પર ટીપરીથી લગભગ 1.5 કિમી આગળ ડાબા ખાલે નામના સ્થળે પહોંચતા, બસ નિયંત્રણ બહાર ગઈ અને રસ્તા પર પલટી ગઈ. આ અકસ્માત દરમિયાન બસમાં લગભગ 35 મુસાફરો હતા. જેમાંથી લગભગ 18લોકો ઘાયલ થયા છે.

પોલીસ ટીમ અને SDRF ટીમ ઘટનાસ્થળે પહોંચી

સ્થાનિક લોકોએ આ અકસ્માત અંગે પોલીસ પ્રશાસનને જાણ કરી હતી, અકસ્માતની માહિતી મળતા જ પોલીસ ટીમ અને SDRF ટીમ ઘટનાસ્થળે પહોંચી ગઈ હતી. પોલીસ ટીમ અને SDRF ટીમ ઘટનાસ્થળે પહોંચી હતી અને ઘાયલોને બચાવ્યા હતા. આ અકસ્માતમાં બસ ખરાબ રીતે ક્ષતિગ્રસ્ત થઈ છે.

ત્રણ મુસાફરો ગંભીર રીતે ઘાયલ

આ અકસ્માતમાં બસમાં સવાર ત્રણ મુસાફરો ગંભીર રીતે ઘાયલ થયા છે, જેમાં એક પુરુષ, એક મહિલા અને એક બાળકનો સમાવેશ થાય છે. બચાવ ટીમે તેમને બચાવી લીધા હતા અને તાત્કાલિક 108 એમ્બ્યુલન્સ સેવાની મદદથી પ્રાથમિક આરોગ્ય કેન્દ્ર નંદગાંવમાં સારવાર માટે મોકલ્યા હતા. આ ઉપરાંત, આ બસ અકસ્માતમાં લગભગ 15 મુસાફરોને નાની-મોટી ઇજાઓ થઈ છે, આ બધા મુસાફરો ગુજરાતના રહેવાસી હોવાનું સામે આવ્યું છે.

ગુજરાતથી 33 યાત્રીઓને કેદારનાથ લઈ જઈ રહેલી બસ પલટી, 18 ઈજાગ્રસ્ત #uttarkashi #Kedarnath #Gujarat #UttarakhandPolice #passengers #Ahmdabad #gujaratiNews #accident #thegujaratreport pic.twitter.com/hLYWcEyNwa

— The Gujarat Report (@TGujarat_Report) June 12, 2025