સરકારે કોરોનાકાળમાં કામ કરાવી પૈસા ન આપ્યા?
ચાર વર્ષથી સતત કર્મચારીઓની માગ
સરકારે નિર્ણય ન લેતાં કર્મચારીઓ આંદોલન પર
Lab Technician Movement 2025: ગુજરાતના પંચાયત લેબ ટેક્નિશિયન કર્મચારીઓએ આજે ગાંધીનગરની સત્યાગ્રહ છાવણી ખાતે ઉપવાસ આંદોલનો પ્રારંભ કર્યો છે. ગુજરાતભરમાં પ્રાથમિક આરોગ્ય કેન્દ્રોમાં ફરજ બજાવતા 1400 લેબ ટેક્નિશિયનોના પ્રશ્નોનું છેલ્લા 4 વર્ષથી નિરાકરણ કરવામાં આવ્યું નથી. ત્યારે ‘પગારમાં વિસંગતતા દૂર કરો દૂર કરો’ ના નારા સાથે સરકારના આરોગ્ય વિભાગ સામે બાયો ચઢાવી છે.
તાજેતરમાં જ ગાંધીનગર જિલ્લા લેબોરેટરી ટેક્નિશિયન મંડળ દ્વારા જિલ્લા વિકાસ અધિકારી અને જિલ્લા આરોગ્ય અધિકારીને આવેદન અપાયું હતું. જેમાં લેબોરેટરી ટેક્નિશિયનને પગારમાં રહેલી વિસંગતતા દૂર કરવા કરવા સહિતની માંગણી કરી હતી. સાથે જ કોરોના મહામારી દરમિયાન 130 દિવસ સુધી સતત કામ કર્યા છતાં તેનો પગાર હજુ મળ્યો નથી. તેની ચૂકવણી કરવા પણ માગ કરાઈ હતી.
આ પણ વાંચોઃ જ્ઞાનપ્રકાશ સ્વામીના નિવેદન સામે વીરપુરમાં ભારે વિરોધ, બે દિવસ રહેશે સજ્જડ બંધ |Swami Gyanprakash
ગુજરાત પંચાયતના લેબોરેટરી ટેક્નિશિયનોએ આ અંગે છેલ્લા 4 વર્ષથી લેખિત અને મૌખિક રજૂઆતો કરી છે. જો કે સરકારના આરોગ્ય વિભાગે વાત ધ્યાને ન લેતાં કર્મચારીઓએ આંદોલનનો માર્ગ અપનાવ્યો છે. આંદોલન દરમિયાન એક કર્મચારી ઉપવાસ પર રહેશે અને દરરોજ 200 જેટલા કર્મચારીઓ પ્રતીક ઉપવાસમાં જોડાશે. જો સરકાર તરફથી હકારાત્મક પ્રતિસાદ નહીં મળે તો 11 માર્ચે સત્યાગ્રહ છાવણીથી સચિવાલય સુધી રેલી યોજવાની ચીમકી ઉચ્ચારી છે.
આ પણ વાંચોઃ અપંગ પતિને પીઠ પર ઉપાડીને પત્ની CMO ઓફિસ પહોંચી, વીડિયો થયો વાયરલ
આ પણ વાંચોઃ Surat: સિવિલ હોસ્પિટલમાં 17 વર્ષિય બાળકનું મોત, હોસ્પિટલ પર શું લાગ્યા આક્ષેપ?
આ પણ વાંચો: BHARUCH: લગ્નમાં બેન્ડના અવાજથી ભેંસ ભડકી, વર પરણવા જાયે તે પહેલા વરઘોડામાં મારામારી
