ISI Linked Terrorist Arrested: ગુજરાત ATS અને ફરીદાબાદ સ્પેશિયલ ટાસ્ક ફોર્સ (STF)એ સંયુક્ત તપાસ હાથ ધરી ફરીદાબાદથી રામ મંદિર પર હુમલો કરવાના ઈરાદે આવેલા શખ્સને ઝડપી પાડ્યો છે. તે રામ મંદિર પર હુમલો કરવાનું સડયંત્ર રચી રહ્યો હતો. જો કે સુરક્ષા ટીમોએ હુમલો કરે તે પહેલા જ ઝડપી લીધો છે.
શખ્સ પાસેથી શું મળ્યું?
ઝડપાયેલો શખ્સ આંતકી સંગઠન ISI સાથે સંબંધ થરાવતો હોવાનું બહાર આવ્યું છે. આ શખ્સ પાસેથી બે હેન્ડ ગ્રેનેડ પણ જપ્ત કરાયા છે. આ શખ્સ અયોધ્યામાં રામ મંદિર પર હુમલો કરવાનું કાવતરું ઘડી રહ્યો હતો.
19 વર્ષિય આરોપી કોણ છે?
શંકાસ્પદ વ્યક્તિની ઓળખ અબ્દુલ રહેમાન (ઉ.વ. 19) તરીકે થઈ છે. તે ઉત્તર પ્રદેશના ફૈઝાબાદનો રહેવાસી હોવાનું સામે આવ્યું છે. હરિયાણા પોલીસ અને કેન્દ્રીય એજન્સીઓ વધારાની માહિતી માટે અબ્દુલ રહેમાનની સઘન પૂછપરછ કરી રહી છે. રહેમાનના મોબાઇલ અને અન્ય મળી આવેલી સામગ્રીની પણ તપાસ કરવામાં આવી રહી છે.
ગુજરાત ATS એ ફરીદાબાદ STFની ટીમે શખ્સને દબોચ્યો
તપાસ એજન્સીઓ હવે અબ્દુલ રહેમાનના સંપર્કોને શોધવા અને તેના ઇરાદા જાણવાનો પ્રયાસ કરી રહી છે. કલાકોની પૂછપરછ બાદ, આરોપીને વધુ પૂછપરછ માટે કસ્ટડીમાં લેવામાં આવ્યો છે.
સુરક્ષા એજન્સીઓના સૂત્રોના જણાવ્યા અનુસાર, અબ્દુલ રહેમાન ISIના ISKP (ઇસ્લામિક સ્ટેટ ખોરાસન પ્રાંત) મોડ્યુલ સાથે સંકળાયેલો છે. એવું માનવામાં આવે છે કે અબ્દુલ રહેમાન ઉપરાંત, આ મોડ્યુલમાં અન્ય લોકો પણ સામેલ હોઈ શકે છે, જેમની શોધખોળ ચાલી રહી છે.
આ પણ વાંચોઃ Swami Gyanprakash: સ્વામિનારાયણના સ્વામીની જલારામ બાપા અંગે વિવાદસ્પદ ટીપ્પણી, ‘આ વખતે માફી નહીં ચાલે’
આ પણ વાંચોઃ Accident: બેફામ આવતી કારે બે બાઈકસવારોને ઉલાળ્યા, રિક્ષામાં જઈ ભટકાયા, ક્યાનો Video?
આ પણ વાંચોઃ સુપ્રીમ કોર્ટે અલ્હાબાદિયાને શૉ કરવાની છૂટ અને ફટકાર બંને આપી; જાણો કેમ?
