કઝાકિસ્તાનના અક્તાઉ શહેર નજીક એક પેસેન્જર પ્લેન ક્રેશ થવા રિપોર્ટ મળી રહ્યા છે. આ પ્લેનમાં 110 મુસાફરો હોવાનું કહેવામાં આવી રહ્યું છે. દુર્ઘટનામાં ઘણા લોકોના મોતની આશંકા છે. દુર્ઘટના પહેલા પ્લેને અક્તાઉ એરપોર્ટ પર ઘણી વખત ચક્કર લગાવ્યા હતા. આ પ્લેન અઝરબૈજાન એરલાઈન્સનું હતું.

કઝાકિસ્તાનના ઇમરજન્સી મંત્રાલયે પુષ્ટી કરી છે કે વિમાન બાકુથી રશિયાના ચેચન્યાના ગ્રોઝની જઇ રહ્યું હતું અને અક્તાઉ નજીક ક્રેશ થયું હતું. ટેકઓફ કર્યા બાદ પ્લેન અક્તાઉ એરપોર્ટ પાસે ઘણી વખત ચક્કર લગાવતું જોવા મળ્યું હતું. શંકાસ્પદ તકનીકી ખામીને કારણે વિમાને ઇમરજન્સી લેન્ડિંગ કરવાનો પ્રયાસ કર્યો પરંતુ તે સફળ થઈ શક્યું નહીં.

કઝાકિસ્તાનના અક્તાઉમાં પ્લેન ક્રેશ થયું છે. ન્યૂઝ એજન્સી રોયટર્સે કઝાક મીડિયાને ટાંકીને જણાવ્યું હતું કે, પ્લેનમાં 105 મુસાફરો અને 5 ક્રૂ મેમ્બર હતા. વિમાન અઝરબૈજાનથી રશિયાના ગ્રોઝની જઈ રહ્યું હતું. એજન્સીઓના જણાવ્યા અનુસાર ગાઢ ધુમ્મસને કારણે ફ્લાઈટનો રૂટ બદલવામાં આવ્યો હતો.

પ્લેન ક્રેશ થયું તે પહેલા તેણે એરપોર્ટના અનેક ચક્કર લગાવ્યા હતા અને ઈમરજન્સી લેન્ડિંગની પરવાનગી માગી હતી. આ પ્લેન અઝરબૈજાન એરલાઈન્સનું હોવાનું કહેવાય છે. સોશિયલ મીડિયા પર વાઇરલ થઈ રહેલા વીડિયોમાં જોવા મળી રહ્યું છે કે પ્લેન ક્રેશ થઈ રહ્યું છે અને તેમાં આગ લાગી છે. બીબીસીના જણાવ્યા પ્રમાણે પ્લેનમાં લાગેલી આગ ઓલવાઈ ગઈ છે.