ગુજરાતમાં વારંવાર દુષ્કર્મ, હત્યા જેવી ઘટનાઓમાં બની રહી છે. ત્યારે સુરતમાંથી આવી જ વધુ એક ઘટના પ્રકાશમાં આવી છે. સુરતના ગોડાદરા વિસ્તારમાં પતિએ સૂતેલી પત્નીનું ચાકુથી ગળું કાપી નાખી હત્યાને અંજામ આપ્યો છે. રૂમમાં બે દીકરીની નજર સામે જ પત્નીની હત્યા કરવામાં આવી હતી. દીકરી એ માતાનું ગળું કપાયેલું જોઈને ધ્રુજી ગઈ હતી અને બૂમાબૂમ કરી મૂકી હતી. પત્નીને હોસ્પિટલમાં ખસેડતાં મૃત જાહેર કરવામાં આવી હતી.
મૂળ અમરેલી જિલ્લાના અને ગોડાદરા પોલીસ સ્ટેશન હદ વિસ્તારમાં આવેલા દેવદગામની સન્ડે લગુન હાઈટ્સમાં 35 વર્ષીય નમ્રતા જયસુખભાઈ વાણીયા પરિવાર સાથે રહેતા હતા. પરિવારમાં સાસુ, સસરા, દેરાણી, પતિ, એક 3 વર્ષની અને એક 8 વર્ષની એમ બે દીકરી છે. નમ્રતાબેન સાડી અને ચણીયા ચોલીના વ્યવસાય સાથે સંકળાયેલા હતા.
ગત રાત્રે રાત્રે જમ્યા બાદ તમામ પરિવારના સભ્યો સૂઈ ગયા હતા. તે દરમિયાન નમ્રતાબેન અને જયસુખભાઈનો કોઈ બાબતે ઝઘડો થયો હતો. જેથી આવેશમાં આવેલા જયસુખભાઈએ ચપ્પુ વડે નમ્રતાબેનનું ગળું કાપી નાખ્યું હતું, જેના પગલે રૂમ લોહીલુહાણ થઈ ગયો હતો. બંને દીકરીઓની સામે જ પિતાએ માતાની હત્યા કરી નાખી હતી.
પત્નિને તાત્કાલિક નજીકની હોસ્પિટલમાં લઈ જવામાં આવી હતી. જ્યાં ફરજ પરના ડોક્ટરે મૃત જાહેર કર્યા હતા. આ અંગે ગોડાદરા પોલીસે તપાસ હાથ ધરી પતિની ધરપકડ કરી લઈ વધુ કાર્યવાહી હાથ ધરી છે.
