Odisha rape case: ઓડિશાના મયુરભંજ જિલ્લામાંથી એક ખૂબ જ શરમજનક ઘટના પ્રકાશમાં આવી છે. જેમાં ખુંટા પોલીસ સ્ટેશન વિસ્તારમાં 10 વર્ષની સગીર બાળકી પર દુષ્કર્મ ગુજારવામાં આવ્યું હતું. પોલીસે આ ઘટનામાં ત્રણ આરોપીઓની ધરપકડ કરી છે, જેમાંથી એક પીડિતાનો બનેવી છે. આ ઉપરાંત, આ જઘન્ય ગુનામાં એક સગીર છોકરો અને બીજો યુવક સામેલ છે. મળતી માહિતી મુજબ, છેલ્લા એક મહિના દરમિયાન, આ ત્રણ આરોપીઓએ પીડિતા પર અલગ અલગ સમયે બળાત્કાર ગુજાર્યો હતો.
આ મામલો કેવી રીતે સામે આવ્યો?
આ જઘન્ય ગુનો ત્યારે પ્રકાશમાં આવ્યો જ્યારે ઘટનાના લગભગ દોઢ મહિના પછી છોકરીની તબિયત અચાનક બગડી ગઈ. તેને સારવાર માટે બારીપાડા પીઆરએમ મેડિકલ કોલેજ લઈ જવામાં આવી. હોસ્પિટલમાં સારવાર દરમિયાન, છોકરીએ તેની માતાને આખી વાત કહી. આ પછી, છોકરીની માતાએ તાત્કાલિક ખુંટા પોલીસ સ્ટેશનમાં ત્રણેય આરોપીઓ વિરુદ્ધ અલગ-અલગ એફઆઈઆર નોંધાવી.
બનેવી છોકરીને પોતાના ઘરે લઈ ગયો
ફરિયાદ મળતાં જ પોલીસે તપાસ શરૂ કરી અને ત્રણેય આરોપીઓની ધરપકડ કરી. તપાસમાં જાણવા મળ્યું કે પીડિતાની બહેનના પતિએ પીડિતાને લલચાવીને તેના ઘરે લઈ ગયો અને તેના પર દુષ્કર્મ ગુજાર્યું. તપાસમાં એ પણ બહાર આવ્યું કે આ પહેલી વાર નથી થયું, આરોપી સંબંધીએ અગાઉ પણ આવા જઘન્ય કૃત્યો કર્યા હતા. અન્ય બે આરોપીઓ, એક સગીર છોકરો અને એક યુવાન, એ પણ અલગ અલગ સમયે છોકરીને પોતાનો શિકાર બનાવ્યો.
અલગ અલગ સમયે આચર્યું દુષકર્મ
એસડીપીઓ ઋષિકેશ નાયકે જણાવ્યું હતું કે આરોપના આધારે, ખુંટા પોલીસ સ્ટેશનમાં કેસ નંબર 257, 258 અને 259 હેઠળ બળાત્કારનો કેસ નોંધવામાં આવ્યો છે. આરોપીઓમાંથી એક સગીર છે, જેને કસ્ટડીમાં લેવામાં આવ્યો છે, જ્યારે અન્ય બે આરોપીઓની ધરપકડ કરીને કોર્ટમાં રજૂ કરવામાં આવશે. છોકરી પર અલગ અલગ સમયે ત્રણ લોકોએ બળાત્કાર કર્યો હોવાથી, ત્રણ અલગ અલગ કેસ નોંધવામાં આવ્યા છે અને તપાસ ચાલુ છે.
આ પણ વાંચો:
UP: ધો. 10માં ભણતી વિદ્યાર્થિની થઈ ગુમ, પછી મુસ્લીમ મહિલાના કાસ્તાનનો થયો મોટો ખૂલાસો!
Himachal Pradesh: કાર 500 મીટર ઊંડી ખીણમાં પડી, એક જ પરિવારના 6 લોકોના મોત
Bharuch: 35થી વધુ આંગણવાડી બહેનોને આવ્યા ન્યૂડ વીડિયો કોલ, મહિલાઓ વિફરી , પછી જુઓ શું કર્યું
Aajab Gajab: એક એવું ગામ જ્યાં એક પણ રસ્તો નથી, જાણો કયાં છે આ અનોખું ગામ?
