Ahmedabad: અમદાવાદના વિરમગામમાં એક ચોંકાવનારો કિસ્સો પ્રકાશમાં આવ્યો છે, જ્યાં એક ફરસાણના વેપારીને ભૂવીએ રુ. 67 લાખની છેતરપિંડીનો ભોગ બનાવ્યો. આ ઘટનામાં વેપારીની દુકાન નીચે ધન છુપાયેલું હોવાનો દાવો કરીને ભૂવીએ લાખો રૂપિયા અને દાગીના પડાવી લીધા. છેતરપિંડીનો ભાગ ખુલતાં વેપારીએ પોલીસમાં ફરિયાદ નોંધાવી, જેના આધારે પોલીસે આરોપી ભૂવી કોમલ રાઠોડની ધરપકડ કરી છે.
વિરમગામના માંડલ રોડ પર ફરસાણની દુકાન ધરાવતા આ વેપારી નાણાકીય તંગીનો સામનો કરી રહ્યા હતા. તેમની દુકાન હાલમાં દબાણમાં આવવાને કારણે તૂટવાની હતી, જેના લીધે તેમણે દુકાન વેચવાનો નિર્ણય લીધો. જોકે, નવી દુકાનનો સોદો કર્યા બાદ પણ દસ્તાવેજ તેમના નામે થયો ન હતો, જેના કારણે તેઓ માનસિક અને આર્થિક રીતે પરેશાન હતા. આ દરમિયાન તેમનો સંપર્ક ગોધરાની રહેવાસી કોમલ રાઠોડ નામની ભૂવી સાથે થયો.
કોમલ રાઠોડે વેપારીને કહ્યું કે, “તમારી દુકાન નીચે મોટા પ્રમાણમાં ધન છુપાયેલું છે, અને હું તે ધન પાછું મેળવવામાં તમને મદદ કરી શકું છું.” આ દાવાએ વેપારીને લલચાવ્યા, અને તેમણે ભૂવી પર ભરોસો મૂકીને તેમની વિધિ માટે લાખો રૂપિયા અને દાગીના આપવાનું શરૂ કર્યું.
છેતરપિંડીનો ખુલાસો
એક દિવસ જ્યારે ભૂવીએ વિધિ કરવાના નામે વેપારીના ઘરે આવી, ત્યારે વેપારીને શંકા જાગી. તેઓ અચાનક તે ઓરડામાં પહોંચી ગયા જ્યાં વિધિ થઈ રહી હોવાનું કહેવાયું હતું. જોકે, ત્યાં ન તો કોઈ વિધિ થઈ રહી હતી કે ન તો ભૂવી કોમલ રાઠોડ હાજર હતી. આ ઘટનાએ વેપારીને સ્પષ્ટ કરી દીધું કે તેમની સાથે છેતરપિંડી થઈ રહી છે.
આ ઘટના બાદ વેપારીએ તાત્કાલિક વિરમગામ પોલીસ સ્ટેશનમાં કોમલ રાઠોડ સામે છેતરપિંડીની ફરિયાદ નોંધાવી. ફરિયાદમાં જણાવાયું કે, ભૂવી ખોટા દાવાઓ કરીને રુ. 67 લાખની રકમ અને દાગીના પડાવી લીધા.
વેપારીની ફરિયાદના આધારે વિરમગામ પોલીસે તાત્કાલિક તપાસ શરૂ કરી અને આરોપી ભૂવી કોમલ રાઠોડની ધરપકડ કરી. પોલીસે જણાવ્યું કે આવા કિસ્સાઓમાં તાંત્રિકો લોકોની નાણાકીય અને માનસિક નબળાઈઓનો લાભ લઈને છેતરપિંડી આચરે છે. પોલીસે લોકોને આવી ભૂવીઓ અને અંધશ્રદ્ધાળુ વિધિઓથી દૂર રહેવાની અપીલ કરી છે.
આ પણ વાંચો:
Arvind Ladani: સામાન્ય લાગતા ધારાસભ્ય અરવિંદ લાડાણી સરકાર સામે લડી પડ્યા
Ahmedabad: BRTS કોરિડોરમાં કાર, ટુ વ્હીલર વચ્ચે ભયંકર અકસ્માત, બે લોકોના દર્દનાક મોત
UP: પીધેલી પત્નીએ મચાવ્યો હોબાળો, પતિના વાળ પકડીને કર્યા બેહાલ, વીડિયો વાયરલ
Surat: ભૂવાએ મહિલા પર ચાલુ બસમાં દુષ્કર્મ આચર્યું, પિતૃદોષ દૂર કરાવવા જવું મોંઘુ પડ્યુ, જાણો
