Bhavnagar unseasonal rain: ભાવનગરમાં આજે  ગાજવીજ સાથે કમોસમી વરસાદ પડ્યો છે. જેથી ભાવગનરના માર્કેટ યાર્ડમાં રહેલું અનાજ અને શાકભાજી પલડ્યું છે.  ખુલ્લામાં મૂકેલી શાકભાજીની ગુણીમાં પાણી ઘૂસી ગયું છે. બીજી તરફ ખેડૂતોએ વાવેલા પાકને પણ નુકસાન થયુ છે.

હવામાનની આગાહી અનુસાર આજે ભાવનગરમાં એકાએક વરસાદ તૂટી પડ્યો છે. જેથી લોકોને ગરમીથી રાહત તો મળી છે પણ ખેડૂતો અને વેપારીઓને નુકસાન થયું છે. બપોર બાદ એકાએક આવેલા વરસાદમાં માર્કેટયાર્ડમાં રહેલી ડુંગળી, લસણ ભીંજાઈ ગયા છે. કમોસમી વરસાદથી નુકસાની વેઠવાનો વારો આવ્યો છે.

વરસાદ શરૂ થતા ખેડૂતો અને વેપારીઓનો માલ ભીંજાઈ ગયો હતો. આ અણધાર્યા વરસાદના કારણે ખેડૂતો અને વેપારીઓમાં ભારે નિરાશા જોવા મળી રહી છે. ભાવગનર શહેરમાં થોડા સમય માટે વીજળી પણ બંધ થઈ ગઈ હતી. હાલ સૌરાષ્ટ્રમાં વરસાદી માહોલ સર્જાતાં ખેડૂતો ચિંતમાં મૂકાયા છે.

હજુ 14 એપ્રિલ સુધી વરસાદની આગાહી

અંબાલાલ પટેલની આગાહી અનુસાર 11થી 14 એપ્રિલ સુધી ગુજરાતમાં વાવાઝોડા સાથે વરસાદ પડી શકે છે. મધ્ય ગુજરાતના ભાગોમાં પવનનું જોર વધી રહ્યું છે. જેથી 11 એપ્રિલે કચ્છ, સૌરાષ્ટ્રના ભાગોમાં ગાજવીજ સાથે વરસાદ પડી શકે છે. આ સાથે લીમખેડા, દાહોદ, વડોદરા, નડિયાદ અને સૌરાષ્ટ્રનાના હવામાન પલટો આવી શકે છે. ત્યારે અંબાલાલની આગાહી અનુસાર સૌરાષ્ટ્રનું વાતાવરણ બદલાયું છે. ઘણી જગ્યાએ વરસાદ પડી રહ્યો છે.