TATA નો દ્વારકામાં કહેર, વીજ થાંભલા નાખવામાં કરી દાદાગીરી!, TATA ને કાયદો નડતો નથી!

દ્વારકાના મીઠાપુરમાં આવેલી ટાટા કેમિકલ કંપનીથી સ્થાનિક ખેડૂતો, માછીમારો તોબા પોકારી ગયા છે. TATA એ અહીંના લોકોનું જીવન બરબાદ કર્યું છે. જમીન અને દરિયામાં કેમિકલયુક્ત પાણી છોડી લોકોને પાયમાલ કર્યા છે. જમીનનો અનાજ પકવવા લાયક અને દરિયો માછીમારી માટે રહેવા દીધો નથી. TATA કંપનીના પ્રદૂષણથી આસાપાસના વિસ્તારો બરબાદ થયા છે.

અહીં પ્રદૂષણ જ નહીં કંપની લોકો પર જોરહુકમી પણ કરે છે. જો પ્રદૂષણ સામે પડે તો લોકોના મોં બંધ કરાવી દેવામાં આવે છે. જેમ દ્વારકામાં સરકારનું ચાલતુ ન હોય તેમ TATA કેમિકલ કંપની નિર્ણયો લઈ રહી છે.

સ્થાનિક વકીલના આક્ષેપ છે કે મીઠાપુરમાં રોડના સેન્ટરથી 12 મીટર દૂરના બદલે 8 જ મીટર દૂર વીજ થાંભલા ઉભા કરી દેવામાં આવ્યા છે. જેથી અહીં બ્લાસ્ટ થાય તો મોટા નુકસાનની ભીતી રહેલી છે. આ થાંભલા દ્વારા TATA કંપનીમાં વીજળી પહોંચે છે. જો કે તે કાયદાના લીરેલીરા ઉડાવી ઉભા કરાયા છે. અહીં સ્થાનિક લોકોને કંપની ખૂબ પજવી રહી છે. છતાં સરકાર આંખ આડા કાન કરી હી છે. સરકાર મોટા મોટા શહેરોમાં પર્યાવરણ જાણવણીના બણગાં ફૂકી રહી છે. પણ દ્વારકાના મીઠાપુર ગામની હાલત પર નજર પણ ફરકાવતી નથી. આક્ષેપ છે કે ખેડૂતોને વળતર ન આપવું પડે એટલે રોડની નજીક જ વીજ થાંભલા નાખી દેવામાં આવ્યા છે.

આ જ મુદ્દે જુઓ ચર્ચા આ વીડિયોમાં