India Economy: જાપાનને પાછળ છોડી વિશ્વની ચોથી સૌથી મોટી અર્થવ્યવસ્થા બન્યું ભારત: નીતિ આયોગના સીઈઓ સુબ્રમણ્યમ

India Fourth Largest Economy: અર્થતંત્રની દ્રષ્ટિએ, ભારતનું નામ ફરી એકવાર સમગ્ર વિશ્વમાં સંભળાઈ રહ્યું છે. ભારતે મોટી સફળતા મેળવી છે. ભારત હવે વિશ્વની ચોથી સૌથી મોટી અર્થવ્યવસ્થા બની ગયું છે. ભારતે જાપાનને પાછળ છોડી દીધું છે. આ માહિતી નીતિ આયોગના સીઈઓ બીવીઆર સુબ્રમણ્યમે એક કાર્યક્રમ દરમિયાન આપી હતી.

અર્થતંત્રના ક્ષેત્રમાં ભારતે મોટી સિદ્ધિ હાંસલ કરી

નીતિ આયોગની 10મી ગવર્નિંગ કાઉન્સિલ બેઠક 25 મે 2025 ના રોજ નવી દિલ્હીના ભારત મંડપમ ખાતે યોજાઈ હતી. જેની અધ્યક્ષતા પ્રધાનમંત્રી નરેન્દ્ર મોદી દ્વારા કરવામાં આવી હતી. આ બેઠકમાં, 2027 સુધીમાં ભારતને વિશ્વની ત્રીજી સૌથી મોટી અર્થવ્યવસ્થા અને 2047 સુધીમાં વિકસિત રાષ્ટ્ર બનાવવાની વ્યૂહરચના પર ઊંડાણપૂર્વક ચર્ચા કરવામાં આવી હતી. નીતિ આયોગના સીઈઓ બીવીઆર સુબ્રમણ્યમે જણાવ્યું હતું કે ભારત હાલમાં ટેકઓફ મોમેન્ટમાં છે. આપણે ફક્ત વસ્તીની દ્રષ્ટિએ સૌથી મોટો દેશ જ નથી, પરંતુ પાંચમી સૌથી મોટી અર્થવ્યવસ્થા પણ છીએ. આગામી થોડા વર્ષોમાં આપણે ત્રીજા સ્થાને પહોંચીશું.

ભારતનું હાલનું અર્થતંત્ર કેટલું છે ?

તેમણે કહ્યું કે હાલમાં વાતાવરણ ભારત માટે સારું છે. દેશની આર્થિક સ્થિતિ મજબૂત છે. મીડિયા સાથે વાત કરતા સુબ્રમણ્યમે કહ્યું કે હાલમાં આપણે વિશ્વની ચોથી સૌથી મોટી અર્થવ્યવસ્થા છીએ. આપણું અર્થતંત્ર $4,000 બિલિયન ($4 ટ્રિલિયન)નું છે.

ભારતની આર્થિક પ્રગતિ માટેનો રોડમેપ

MF ડેટા ટાંકીને સુબ્રમણ્યમે કહ્યું કે ભારત આજે જાપાન કરતા મોટું છે. તેમણે વધુમાં કહ્યું કે વૈશ્વિક અને આર્થિક વાતાવરણ ભારત માટે અનુકૂળ રહે છે. ભારતે ચોથી સૌથી મોટી અર્થવ્યવસ્થાનો દરજ્જો પ્રાપ્ત કરીને ઇતિહાસ રચ્યો છે. હવે અર્થતંત્રની દ્રષ્ટિએ ભારતથી આગળ ફક્ત અમેરિકા, ચીન અને જર્મની છે.
ભારતની આર્થિક પ્રગતિને વેગ આપવા માટે બેઠકમાં ઘણા મહત્વપૂર્ણ મુદ્દાઓ પર ચર્ચા કરવામાં આવી. નીતિ આયોગે 2027-28 સુધીમાં ભારતને 5 ટ્રિલિયન ડોલરની અર્થવ્યવસ્થા બનાવવાનું લક્ષ્ય રાખ્યું છે, જે જર્મની અને જાપાનને પાછળ છોડી દેશે. સુબ્રમણ્યમે કહ્યું કે હાલમાં ભારતનું અર્થતંત્ર 4.3 ટ્રિલિયન ડોલરનું છે. આવતા વર્ષે આપણે ચોથું સૌથી મોટું અર્થતંત્ર બનીશું અને તે પછીના વર્ષે, ત્રીજું સૌથી મોટું અર્થતંત્ર બનીશું. આ માટે, સરકારની નીતિ સ્થિરતા, માળખાગત વિકાસ અને ગ્રીન એનર્જી પર ભાર જેવા પગલાં પર પ્રકાશ પાડવામાં આવ્યો હતો.

#WATCH | Delhi: After 10th NITI Aayog Governing Council Meeting, BVR Subrahmanyam, CEO of NITI Aayog, says, “The agenda for the meeting was two items apart from an action taken report. Firstly, the theme of the meeting itself and the first item in the agenda was ‘Viksit Rajya for… pic.twitter.com/cOpsGszudj
— ANI (@ANI) May 24, 2025

યુએસ ટેરિફની કોઈ અસર થઈ નહીં

આવા સમયે ભારતે વિશ્વની ચોથી અર્થવ્યવસ્થાનો દરજ્જો પ્રાપ્ત કર્યો છે. જ્યારે તે અમેરિકા સાથે ટેરિફ યુદ્ધનો સામનો કરી રહ્યું છે. અહીં, પહેલગામ આતંકવાદી હુમલાના જવાબમાં શરૂ કરાયેલા ઓપરેશન સિંદૂરથી પડોશી દેશો સાથેના સંબંધોમાં તિરાડ પડી ગઈ છે. પરંતુ ન તો ટેરિફ ભારતના વિકાસ દરને રોકી શક્યો કે ન તો પાકિસ્તાન સાથેના તણાવની કોઈ અસર પડી.

ભારત ઉત્પાદન માટે સસ્તું સ્થળ

ઇકોનોમિક ટાઇમ્સમાં પ્રકાશિત થયેલા સમાચાર અનુસાર, સુબ્રમણ્યમે આઇફોન ઉત્પાદક કંપની એપલ અંગે પણ પ્રતિક્રિયા આપી છે. યુએસ રાષ્ટ્રપતિ ડોનાલ્ડ ટ્રમ્પના તાજેતરના નિવેદન પર, સુબ્રમણ્યમે કહ્યું, ‘ટેરિફ શું હશે તે અનિશ્ચિત છે. પરંતુ જે રીતે પરિસ્થિતિ બદલાઈ રહી છે, તે જોતાં ઉત્પાદનના દૃષ્ટિકોણથી ભારત એક યોગ્ય સ્થળ રહેશે.

ટ્રમ્પના સવાલનો જવાબ

ટ્રમ્પે કહ્યું હતું કે તેમને આશા છે કે અમેરિકામાં વેચાતા આઇફોનનું ઉત્પાદન ભારતમાં કે બીજે ક્યાંય નહીં પણ અમેરિકામાં જ થશે. તે જ સમયે, નીતિ આયોગના સીઈઓએ એમ પણ કહ્યું કે સંપત્તિ મુદ્રીકરણનો બીજો રાઉન્ડ તૈયાર કરવામાં આવી રહ્યો છે અને તેની જાહેરાત ઓગસ્ટમાં કરવામાં આવશે.

GDP વૃદ્ધિ દર 6.8% રહી શકે છે

નાણાકીય વર્ષ 2025 ના ચોથા ક્વાર્ટરમાં દેશનો GDP વૃદ્ધિ દર 6.8 ટકા રહી શકે છે. આનો અર્થ એ થયો કે આ સમયગાળા દરમિયાન દેશની અર્થવ્યવસ્થામાં ઝડપથી વૃદ્ધિ થઈ છે. આ વધારા પાછળનું કારણ કૃષિ, હોટલ, પરિવહન અને બાંધકામ જેવા ક્ષેત્રોનું મજબૂત પ્રદર્શન છે. કેરએજ રેટિંગ્સ નામની સંસ્થાના અહેવાલમાં આ માહિતી આપવામાં આવી છે. રિપોર્ટ અનુસાર, ગામડાઓમાં લોકોની ખરીદીમાં વધારો થયો છે, જેના કારણે વપરાશનો મોરચો મજબૂત બન્યો છે. જોકે, શહેરી વિસ્તારોમાં ખરીદીનો ટ્રેન્ડ મિશ્ર રહ્યો છે.