Police family opposes Jignesh Mevani: દારૂબંધીના અમલ મામલે કોંગ્રેસ દ્વારા નિકળેલી રેલી દરમિયાન ગતરોજ થરાદમાં જીજ્ઞેશ મેવાણીના પોલીસના પટ્ટા ઉતારી દેવાનું નિવેદન ખૂબ ચાલ્યું અને પોલીસ પરિવારે રેલીઓ કાઢી ઠેરઠેર વિરોધ કર્યો અને આવેદનપત્ર પણ આપ્યા હવે આજે જ્યારે કોંગ્રેસની જન આક્રોશ યાત્રા સાબરકાંઠા જિલ્લામાં પ્રવેશી અને હિંમતનગરના ન્યાય મંદિર વિસ્તારમાં પહોંચી ત્યારે ત્યાં આવી પહોંચેલી પોલીસ પરિવારની મહિલાઓએ યાત્રા રોકીને ઉગ્ર વિરોધ કરી જિજ્ઞેશ મેવાણી હાય હાયના નારા લગાવ્યા હતા.
જ્યારે બીજી તરફ કોંગ્રેસનાં મહિલા અને પુરુષ કાર્યક્રરોએ પણ સામે દારૂના વેચાણ સામે નારા લગાવ્યા હતા.
જ્યાંથી જન આક્રોશ યાત્રા ટાવરથી રેલવે ઓવરબ્રિજ પર થઈને મહાવીરનગર ચાર રસ્તે પહોંચી ત્યારે ત્યાં પણ પોલીસ પરિવારની મહિલાઓએ બેનરો સાથે વિરોધપ્રદર્શન શરૂ કર્યું હતું અને સૂત્રોચ્ચાર કર્યા હતા. મહિલાઓએ આખી યાત્રાને ચારે તરફથી ઘેરી લીધી હતી. કોંગ્રેસના કાર્યકરોએ મહિલાઓને વિરોધ કરતાં રોકવાનો પ્રયાસ કરતા અફરા તફરી મચી હતી.
ગત તા.21 નવેમ્બરે વડગામના ધારાસભ્ય જિજ્ઞેશ મેવાણીએ થરાદ પોલીસ સ્ટેશન ખાતે દારૂ અને ડ્રગ્સ મુદ્દે નિવેદન આપી પોલીસના પટ્ટા પરના વિવાદિત નિવેદનને લઇને હિંમતનગરમાં પોલીસ પરિવાર દ્વારા રેલી યોજી વિરોધ કરાયો હતો. હિંમતનગરના આંબાવાડી વિસ્તાર પાસે આવેલા પોલીસ ક્વાર્ટર્સથી અહિંસા સર્કલ સુધી પોલીસપરિવાર દ્વારા રેલી યોજી વિરોધ કરાયો હતો ત્યારબાદ ઉત્તર ગુજરાતથી કચ્છ સુધી શરૂ થયેલું વિરોધ પ્રદર્શન ચર્ચામાં રહ્યું હતું.
દરમિયાન,આજેપણ કોંગ્રેસની જન આક્રોશ રેલી અટકાવી પોલીસ પરિવારે વિરોધ કરતા અને સામસામે નારા લાગતા એક તરફ દારૂનો વિરોધ અને એક તરફ દારૂ મુદ્દે પટ્ટા ઉતારી લેવાનો વિવાદ બરાબરનો વકર્યો છે અને જાહેર જનતામાં આ દ્રશ્યો તમાશો બની રહ્યા છે.
આ પણ વાંચો:
Rupee Hits Record Low Against Dollar: ભારતના ઇતિહાસમાં પ્રથમવાર રૂપિયો આટલો નબળો પડયો:મોંઘવારી વધશે
