Surat: છૂટાછેડા બાદ પણ મહિલાએ ત્રાસ આપવાનું ન છોડ્યું , કંટાળીને યુવકે જીવન ટુંકાવી લીધું, મહિલા પ્રેમી સાથે હોટેલમાંથી ઝડપાઈ - thegujaratreport.com Surat: છૂટાછેડા બાદ પણ મહિલાએ ત્રાસ આપવાનું ન છોડ્યું , કંટાળીને યુવકે જીવન ટુંકાવી લીધું, મહિલા પ્રેમી સાથે હોટેલમાંથી ઝડપાઈ

Surat: દેશમાં પત્નીના કારણે આપઘાતની ઘટનાઓમાં વધારો થઈ રહ્યો છે. જનું કારણ મોટા ભાગે આડા સબંધો હોય છે. ત્યારે સુરતમાં (Surat) પણ આવી જ એક ઘટના સામે આવી છે. જેમાં પૂર્વ પત્નીને કારણે યુવાને જીવન ટુંકાવ્યું છે.

પૂર્વ પત્નીના કારણે યુવકે જીવન ટુંકાવ્યું

મળતી માહિતી મુજબ 4 એપ્રિલની રાત્રે સુરતના મોટા વરાછા અબ્રામા રોડ ખાતે રહેતા અને મૂળ રાજકોટના 30 વર્ષીય યુવાને ઝેરી દવા પી આપઘાત કરી લીધો હતો. જ્યારે યુવાનનો પરિવાર લગ્નપ્રસંગમાં વતન ગયા હતા ત્યારે ઝેરી દવા પીને આપઘાત કરી લીધો હતો. જે બાદ યુવાનને હોસ્પિટલમાં ખસેડવામા આવ્યો હતો જ્યાં ટૂંકી સારવાર બાદ તેનું મોત થયું હતું.

યુવાને સુસાઈડ નોટમાં કર્યો ખુલાસો

આપઘાત બાદ પરિવારે તેના મોપેડની ડિક્કી ચેક કરતા તેમાંથી સુસાઈડ નોટ મળી હતી. તેમજ યુવકના મોબાઈલમાંથી કેટલાક વીડિયો પણ મળી આવ્યા હતા. જેમાં પૂર્વ પત્ની અને તેનો પ્રેમી સહિતના 12 જેટલા યુવાનને માર મારી હેરાન પરેશાન કરતા હોવાથી આ પગલું ભર્યું હોવાનો ઉલ્લેખ કરવામાં આવ્યો હતો.

યુવાને સુસાઈડ નોટમાં લખ્યું હતું કે, મમ્મી પાપા મને માફ કરજો, હું હારી ગયો છું. મારી લાઈફ બગાડી નાખી અને મેં એને બોવ મોકા આપ્યા, એણે મારી સાથે ખોટુ કર્યું, બધાએ ના પાડી છતાં મેં એને પાછો મોકો આપ્યો અને તેણે મારી ગેમ રમી. મારા મરવા પાછળ બોવ બધા લોકો છે. તેમ જણાવી જયદીપે કેટલાક નામોનો ઉલ્લેખ કર્યો હતો અને લખ્યું કે, આ લોકોના લીધે મારી લાઈફ ખરાબ થઈ ગઈ, મેં બહુ બધુ સહન કર્યું. હવે મારામાં હિમ્મત નથી.જયદીપે આક્ષેપ કર્યો કે, તે લોકો તેને મારતા હતા. તેમજ મારી પાસેથી ખોટા કેસ કરાવ્યા , મારા ઘરે આવીને મમ્મી-પપ્પા, બહેનને ધમકી આપે છે…

નાની નાની વાતે ઝઘડો કરી લીધા છૂટાછેડા

મહત્વનું છે કે, જયદીપ અને શીતલના 30 ઓક્ટોબર 2023 ના રોજ પ્રેમ લગ્ન કર્યા હતા. પરંતુ લગ્ન બાદ શીતલ નાની નાની વાતે ઝઘડા કરતી હતી. તેમજ દહેજ સહિતના ખોટા કેસમાં ફસાવવાની ધમકી પણ આપતી હતી જે બાદ 15 ફેબ્રુઆરી 2024 ના રોજ બંનેના છુટાછેડા થઈ ગયા હતા.

મહિલાને પોલીસે હોટલમાંથી પ્રેમી સાથે ઝડપી

આ મામલે પોલીસે પૂર્વ પત્ની શીતલ, તેનો પ્રેમી અને તેના 10 સ્ત્રી-પુરુષ મિત્રો વિરુદ્ધ આપઘાતની દુષ્પ્રરણાનો ગુનો નોંધ્યો હતો જે બાદ પોલીસે શીતલ અને તેના પ્રેમીને નવસારીની એક હોટલમાંથી ઝડપી પાડ્યા હતા તેમજ અન્ય આરોપીઓની શોધખોળ હાથ ધરી હતી. ત્યારે પોલીસે શીતલ રાઠવા અને તેનો પ્રેમી મોહસીન ટાઈગર નવસારી ખાતેની એક હોટલમાંથી ઝડપી પાડી હતી. હાલ પોલીસે બંનેની ધરપકડ કરીને વધુ પુછપરછ હાથ ધરી છે.