મુંબઈ કરન્સી બજાર આજે રૂપિયા સામે ડોલરના ભાવ ઝડપી ઉછળતાં રૂપિયો નવા નીચા સ્તરે જતો રહ્યો છે. યુએસ ડૉલર સામે તેમાં 12 પૈસાનો ઘટાડો જોવા મળ્યો હતો અને તે 85.06 રૂપિયા પ્રતિ ડોલરની નીચી સપાટીએ ખુલ્યો હતો. જ્યારે 85.13ના સ્તરે બંધ થયો. અગાઉ 18 ડિસેમ્બરે ડોલર સામે રૂપિયો 84.94 ના સ્તરે બંધ થયો હતો.
નિષ્ણાતોના મતે રૂપિયામાં આ ઘટાડાનું કારણ ભારતીય શેરબજારમાં વિદેશી રોકાણકારો દ્વારા તાજેતરમાં કરાયેલી વેચવાલી છે. આ સિવાય ભૌગોલિક રાજકીય તણાવની પણ રૂપિયા પર નકારાત્મક અસર પડી છે.
વિદેશી ચીજ વસ્તુઓ મોંઘી થવાની આશંકા
રૂપિયામાં ઘટાડો થતાં માલની આયાત ભારત માટે મોંઘી થઈ રહી છે. ઉપરાંત વિદેશ પ્રવાસ અને અભ્યાસ પણ મોંઘો થઈ ગયો છે. હવે 1 ડોલર માટે 85.06 રૂપિયા ખર્ચવા પડશે. આના કારણે રહેઠાણ, ભોજન અને અન્ય વસ્તુઓ મોંઘી થઈ જશે.
સાથે જ રૂપિયો નવા તળિયે ઉતરી ગયો હોવાથી દેશમાં આયાત થતી ક્રૂડતેલ સહિતની વિવિધ ચીજોની ઈમ્પોર્ટ કોસ્ટ ઉંચી જતાં હવે દેશમાં ફુગાવો તથા મોંઘવારી વધુ ઉંચી જવાની નિષ્ણાંત જણાવી રહ્યા છે.
