Vadodara Crime News: સુરતથી વડોદરમાં લગ્ન પ્રસંગમાં આવેલા શખ્સે મિત્રની પુત્રી પર દાનત બગાડી હતી. બાળકીને ખૂણામાં લઈ જઈ ગુપ્તાંગમાં અડપલા કર્યા હતા. 4 વર્ષિય દિકરીને દુખાવો થતાં સમગ્ર ઘટના બહાર આવી હતી. જેથી પીએચડી થયેલા આરોપી ડો. પિયુષ અંજીરીયાની વરણામા પોલીસે ધરપકડ કરી છે. આરોપી પુત્રીના પિતાનો મિત્ર થતો હોવાનું બહાર આવ્યું છે.
સુરત કતારગામ ખાતે રહેતો પરિવાર બહેનના લગ્નમાં વડોદરા આવ્યો હતો. 39 વર્ષિય ડો. પયુષ અંજીરીયા(રહે.ઓલપાડ) ઘર નજીક રહેતો હોવાથી તેને પણ આમંત્રણ મળ્યું હતુ. જેથી તે પણ લગ્નમાં ગયો હતો. 2 ફેબ્રુઆરી વડોદરાના કપુરાઈ ડભોઈ રોડ રતપુર ગામે એક પાર્ટી પ્લોટમાં ગરબાનું આયોજન કરાયું હતું. તે દરમિયાન ડૉ.પિયુષ સુરેશ અંજીરીયા(રહે, ઓલપાડ રોડ, સુરત) મહિલાની 4 વર્ષીય બાળકી પર નજર બગાડી હતી. અને એકલતામાં લઈ જઈ બાળકી સાથે શારિરીક અડલા કર્યા હતા.
બાળકીને ગુપ્તાંગના ભાગે અસહ્ય દુઃખાવો થતાં સમગ્ર કારસ્તાનનો ભાંડો ફૂટ્યો હતો. માતાએ આ બાબતે પુત્રીને પૂછતા બાળકીએ તેની સાથે બનેલી ઘટના વર્ણવી હતી. સાથે જ લગ્નના ફોટાના આધારે આરોપીને ઓળખી બતાવ્યો હતો. દુઃખાવાને કારણે બાળકીને સુરત સિવિલ હોસ્પિટલમાં દાખલ કરાઈ હતી. ત્યારે આ મામલે વરણામા પોલીસે પોક્સો એક્ટ સહિતના ગુના નોંધીને પિયુષ અંજીરાયાની ધરપકડ કરી છે.
આ પણ વાંચોઃ Dahod: ખોટી રીતે જમીન NA કરવાના કૌભાંડમાં 4 લોકોને જામીન, એક હજુ ફરાર, ગુજરાતની કચેરીઓ શંકાના ઘેરામાં?
આ પણ વાંચોઃ SURAT: અડાજણમાં કાળ બનીને આવેલું પાલિકાનું ડમ્પર વિદ્યાર્થિનીને ભરખી ગયું
