- ટ્રમ્પની જાહેરાત: કેનેડા-ચીન સહિત 3 દેશો પર 25 ટકા ટેરિફ- ભારતીય શેરમાર્કેટ પર શું થશે અસર?
- યુએસ માર્કેટમાં રેડ ઝોનમાં
- ભારતીય બજાર ટેરિફ અને વેચાણથી ડરી ગયું છે
અમેરિકન પ્રમુખ રાષ્ટ્રપતિ ડોનાલ્ડ ટ્રમ્પે સોમવારે (ત્રીજી માર્ચ) જાહેરાત કરી હતી કે મેક્સિકો અને કેનેડાથી થતી આયાત પર 25% ટેરિફ મંગળવાર (ચોથી માર્ચ)થી લાગુ કરાશે. આ ઉપરાંત તેમણે ચેતવણી આપી હતી કે આ દેશ પાસે હવે અમેરિકન વેપાર કાર્યવાહીથી બચવા માટે કોઈ રસ્તો બચ્યો નથી. આ જાહેરાત બાદ એક મહિના માટે ટેરિફ અગાઉ બંધ કરવામાં આવ્યા હતા, જેથી કેનેડા અને મેક્સિકો સાથે રાજદ્વારી વાટોઘાટો કરવાનો સમય મળી રહે.
અમેરિકા આજથી કેનેડા અને મેક્સિકો પર ભારે ટેરિફ લાદવા જઈ રહ્યું છે અને આ એક દિવસ પહેલા એટલે કે સોમવારે કરવામાં આવ્યું હતું. આ બંને દેશો પર 25% નો ઊંચો ટ્રમ્પ ટેરિફ લાદવામાં આવી રહ્યો છે. અમેરિકાના રાષ્ટ્રપતિ ડોનાલ્ડ ટ્રમ્પની જાહેરાત બાદ અમેરિકાના શેરબજારોમાં અંધાધૂંધી જોવા મળી હતી. ડાઉ જોન્સથી લઈને S&P-500 સુધી મોટો ઘટાડો જોવા મળ્યો, જ્યારે મંગળવારે ટેરિફ ડે પર, એશિયન બજારોમાં પણ તીવ્ર ઘટાડો જોવા મળ્યો, એટલું જ નહીં, ગિફ્ટ નિફ્ટી પણ લાલ રંગમાં ટ્રેડ થઈ રહ્યો છે. આ વૈશ્વિક સંકેતો વચ્ચે સપ્તાહના બીજા દિવસે પણ ભારતીય શેરબજારમાં સુસ્તી જોવા મળી શકે છે.
વિશ્વભરના શેરબજારો ડોનાલ્ડ ટ્રમ્પના ટેરિફ યુદ્ધથી ડરી ગયા છે અને તે મંગળવારથી શરૂ થવા જઈ રહ્યું છે. સૌ પ્રથમ કેનેડા અને મેક્સિકો નિશાના પર છે, ફક્ત શેરબજાર જ નહીં પરંતુ બંને દેશોના ચલણ પૈસો અને કેનેડિયન ડોલરમાં પણ ઘટાડો નોંધાયો છે. સોમવારે ટ્રમ્પે ફેન્ટાનાઇલ (દવા) વિશે વાત કરતી વખતે ચીન પર નિશાન સાધ્યું અને કહ્યું કે અમેરિકા ચીનથી ફેન્ટાનાઇલના શિપમેન્ટને રોકવામાં નિષ્ફળ ગયું છે, તેથી તમામ ચીની આયાત પર ટેરિફ 10 ટકાથી વધારીને 20 ટકા કરી શકાય છે.
આ પણ વાંચો-રોહિત શર્મા ઓસ્ટ્રેલિયા સામે બનાવશે ‘ચક્રવ્યૂહ’! જાણો કેવી હશે પ્લેઇંગ-11
યુએસ માર્કેટમાં રેડ ઝોનમાં
પહેલા અમે તમને અમેરિકન બજારોની સ્થિતિ વિશે જણાવીએ, સોમવારે ડાઉ જોન્સથી લઈને S&P સુધી રેડ ઝોનમાં બંધ થયા. ડાઉ જોન્સ 1.48% ઘટીને 43,191.24 પર બંધ થયો તો બીજી તરફ S&P 1.76% ઘટીને 5849.72 પર બંધ થયો. આ ઉપરાંત, જો આપણે નાસ્ડેક વિશે વાત કરીએ તો આ ઇન્ડેક્સ 2.64% અથવા 497.09 પોઈન્ટના ઘટાડા સાથે 18,350.19 પર બંધ થયો.
ભારતીય બજાર ટેરિફ અને વેચાણથી ડરી ગયું છે
ટ્રમ્પ ટેરિફ પહેલા પણ, ભારતીય શેરબજાર ભયભીત દેખાઈ રહ્યું છે અને FII દ્વારા કરવામાં આવતી વેચાણને કારણે સેન્સેક્સ અને નિફ્ટી રિકવર થઈ શકતા નથી. છેલ્લા 9 ટ્રેડિંગ સત્રોથી બજારમાં શ્રેણીબદ્ધ મોટા ઘટાડા જોવા મળી રહ્યા છે. છેલ્લા ટ્રેડિંગ દિવસે મજબૂત શરૂઆત છતાં શેરબજારે અચાનક યુ-ટર્ન લીધો અને સેન્સેક્સ અને નિફ્ટી બંને સૂચકાંકો લાલ નિશાનમાં બંધ થયા.
બોમ્બે સ્ટોક એક્સચેન્જનો 30 શેરનો સેન્સેક્સ 112 પોઈન્ટ ઘટીને બંધ થયો. હવે મંગળવારે પણ બજારમાં અમંગળના સંકેતો દેખાઈ રહ્યા છે, જ્યારે વિદેશી રોકાણકારો દ્વારા કરવામાં આવેલી વેચવાલી વિશે વાત કરીએ તો સોમવારે પણ તેમણે ભારતીય શેરબજારોમાંથી 4,788 કરોડ રૂપિયા પાછા ખેંચી લીધા હતા.
અર્થશાસ્ત્રીઓ શું કહી રહ્યા છે?
ડોનાલ્ડ ટ્રમ્પના ટેરિફ યુદ્ધ અંગે, અર્થશાસ્ત્રીઓ કહે છે કે કેનેડા અને મેક્સિકો પર ટ્રમ્પનો ટેરિફ વાર્ષિક $900 બિલિયનથી વધુ મૂલ્યની અમેરિકન આયાતને આવરી લેશે અને આનાથી ઉત્તર અમેરિકાના અર્થતંત્રને ગંભીર ફટકો પડી શકે છે. અહેવાલો અનુસાર, મેક્સિકો અને કેનેડા પર વાર્ષિક 1.5 ટ્રિલિયન ડોલરના માલ પર 25% ટેરિફ લાદવામાં આવશે. જોકે, કેનેડાથી થતી ઉર્જા આયાત પર માત્ર 10% ટેરિફ વસૂલવામાં આવશે.
Q: “On the tariffs, is there any room left for Canada and Mexico to make a deal before midnight?”
President Trump: “No room left for Mexico or for Canada. No. The tariffs you know, they’re all set. They go into effect tomorrow.” pic.twitter.com/Ou4ssKMtmt
— CSPAN (@cspan) March 3, 2025
ચીની આયાત પર 20% ટેરિફ વધારવા આદેશ
પત્રકાર પરિષદમાં સંબોધન અમેરિકન પ્રમુખ રાષ્ટ્રપતિ ડોનાલ્ડ ટ્રમ્પે જણાવ્યું હતું કે,’ચોથી માર્ચથી કેનેડા અને મેક્સિકો પર 25% ટેરિફ લાદવામાં આવશે. તે પહેલાથી જ શરૂ થઈ ગયું છે.’ આ ઉપરાંત ટ્રમ્પે ચીની આયાત પર પહેલાથી જ લાદવામાં આવેલા 10% ટેરિફને 20% સુધી વધારવાનો આદેશ પણ આપ્યો છે. આ આદેશ પણ આજથી અમલમાં આવશે. ફેન્ટાનાઈલના ગેરકાયદે વેપાર સામે લડવા માટે ચીને હજુ સુધી કોઈ નક્કર વ્યૂહરચના વિકસાવી નથી.
કેનેડાના વિદેશ મંત્રી મેલાની જોલીનો વળતો પ્રહાર
કેનેડાના વિદેશ મંત્રી મેલાની જોલીએ કહ્યું કે, ‘જો ટ્રમ્પ તેમની ટેરિફ યોજના લાગુ કરશે તો તેમની સરકાર બદલો લેવા તૈયાર છે. અમે 155 બિલિયન ડોલરના ટેરિફ સાથે તૈયાર છીએ. અમે ટેરિફના પ્રથમ તબક્કા સાથે તૈયાર છીએ, જે 30 બિલિયન ડોલર છે.’
‘ટ્રમ્પની ધમકીઓનો જવાબ આપીશું’
મેક્સીકન પ્રમુખ ક્લાઉડિયા શેનબૌમે કહ્યું કે, ‘અમે ડોનાલ્ડ ટ્રમ્પની ટેરિફ અંગેની ધમકીઓનો જવાબ આપી છું. આ એક એવો નિર્ણય છે જે યુનાઇટેડ સ્ટેટ્સની સરકાર અને યુનાઇટેડ સ્ટેટ્સના પ્રમુખ પર આધાર રાખે છે. તેથી તેમનો નિર્ણય જે પણ હશે, અમે પણ અમારો નિર્ણય લઈશું. અમારી પાસે પણ એક યોજના છે.’
આ પણ વાંચો- વરરાજાને ગાડીની લ્હાયમાં લાડી પણ ન મળી અને 73 લાખ રૂપિયાનો ચાંદલો આવ્યો કપાળે
