અહેવાલ:  સરિતા ડાભી

BJP News:છેલ્લા કેટલાક સમયથી ભાજપના નેતાઓ કોઈને કોઈ રીતે વિવાદોમાં આવી રહ્યા છે ક્યાંક કોઈ અશ્લીલ હરકતો કરતા ઝડપાય છે તો કોઈના પર દુષ્કર્મના આરોપ લાગે છે. તો વળી કોઈ વિવાદાસ્પદ નિવેદનો આપે છે. જ્યાં એક બાજુ પાર્ટી ‘સંસ્કાર અને સુશાસન’ના નારા લગાવે છે, ત્યાં બીજી બાજુ તેના કેટલાક નેતાઓ અશ્લીલ હકકતો કરી પાર્ટીમાં ગંદકી ફેલાવી રહ્યા છે. આ બધું જોઈને લાગે છે કે ભાજપના નેતાઓએ કોણ સૌથી વધુ બદનામ થાય છે કે પછી કોનો વીડિયો સૌથી વધુ વાયરલ થાય છે તેનું સ્પર્ધા ચાલુ કરી છે. ભાજપના કેટલાક નેતાઓએ ‘સોશિયલ મીડિયા સ્ટાર’ બનવાની નવી રીત શોધી કાઢી છે. બસ રસ્તો બદનામીનો શોધ્યો છે. ત્યારે આ અહેવાલમાં આપણે એવા નેતાઓ વિશે વાત કરવામાં આવી છે જેમને ભાજપ પાર્ટીના સંસ્કારની ધૂળધાણી કરી નાખી છે.

સંજય જોશી સીડી કાંડ

સંજય જોશી સીડી કાંડથી ભાજપના નેતાઓના અશ્લીલ વીડિયો વાયરલ થવાની શરુઆત થઈ હતી. ભાજપના સૌથી શક્તિશાળી નેતાઓમાંના એક સંજય જોશીની કારકિર્દીનો અંત એક સેક્સ સીડીએ લાવી દીધો હતો.જે સમયે સંજય જોશી મધ્યપ્રદેશ ભાજપના સંગઠન મહાસચિવ હતા ત્યારે સંજય જોશીએ માત્ર શિવરાજને તાજ પહેરાવ્યો જ નહીં, પરંતુ ઉમાના ભાજપ છોડવામાં પણ મહત્વપૂર્ણ ભૂમિકા ભજવી. આ પછી તેઓ લાંબા સમય સુધી રાજકારણમાં સક્રિય રહી શક્યા નહીં. એક સેક્સ સીડીએ તેમની રાજકીય કારકિર્દીનો અંત લાવ્યો. બાદમાં, તેમને આ કેસમાં ઘણી હદ સુધી ક્લીનચીટ મળી, પરંતુ તેઓ સક્રિય રાજકારણમાં પાછા ફરી શક્યા નહીં.સંજય જોશીના કથિત સેક્સ કૌભાંડની આ સીડી 2005માં મુંબઈમાં ભાજપના રાષ્ટ્રીય અધિવેશન પહેલા સામે આવી હતી. તે આવતાની સાથે જ દેશના રાજકારણમાં ખળભળાટ મચી ગયો હતો. આજીવન બ્રહ્મચર્યનું વ્રત લેનાર સંજય જોશીને આ સીડીમાં એક મહિલા સાથે ઘનિષ્ઠ ક્ષણો વિતાવતા જોવા મળ્યા હોવાનો આરોપ છે. દોઢ કલાક લાંબી આ સીડી ગુજરાતની એક હોટલમાં સ્પાય કેમેરા દ્વારા રેકોર્ડ કરવામાં આવી હતી. એવું કહેવાય છે કે તે કુરિયર કંપની દ્વારા ગુજરાતથી દેશભરમાં મોકલવામાં આવ્યું હતું. તેના પર ભોપાલના એમપી નગરની કુરિયર કંપનીનું સરનામું પણ લખેલું હતું.એવું કહેવાય છે કે તે મહિલા બરોડાની રહેવાસી હતી. સાંસદ બનતા પહેલા સંજય જોશી ગુજરાતમાં ભાજપના પદાધિકારી હતા. આ મહિલા સાથે જોશીના કથિત સંબંધો ગુજરાતના સ્થાનિક ભાજપ નેતાઓને પહેલાથી જ ખબર હતી. પાર્ટીમાં જોશીના વધતા જતા દરજ્જાથી નાખુશ આ નેતાઓએ કદાચ આ સીડી બનાવી હશે. ઘણા વર્ષો પછી, વિશ્વ હિન્દુ પરિષદના શક્તિશાળી નેતા પ્રવીણ તોગડિયાએ ખુલાસો કર્યો હતો કે સંજય જોશીની સીડી ગુજરાતમાં જ બનાવવામાં આવી હતી.

મનોહર લાલ ધાકડનો વિવાદ

મધ્ય પ્રદેશના એક ભાજપ નેતા મનોહર લાલ ધાકડનો એક વીડિયો દિલ્હી-મુંબઈ એક્સપ્રેસવે પર CCTV દ્વારા રેકોર્ડ થયો, જેમાં તે એક મહિલા સાથે અશ્લીલ કૃત્ય કરતા નજદરે પડ્યા હતા. આ વીડિયો સોશિયલ મીડિયા પર વાયરલ થયો, જેના કારણે જાહેર આક્રોશ ફેલાયો. ધાકડની પત્ની સોહન બાઈ ભાજપ સમર્થિત જિલ્લા પંચાયત સભ્ય છે, પરંતુ ભાજપે દાવો કર્યો કે ધાકડ પાર્ટીના પ્રાથમિક સભ્ય નથી. પોલીસે ભારતીય ન્યાય સંહિતાની કલમ 296 (જાહેર સ્થળે અશ્લીલ કૃત્ય), 285 (જાહેર માર્ગમાં અવરોધ) અને 3(5) હેઠળ ધાકડની ધરપકડ કરી. ધાકડને મહાસભા યુવા સંગઠન દ્વારા રાષ્ટ્રીય મહાસચિવના પદ પરથી હટાવવામાં આવ્યા.

બબ્બન સિંહ રઘુવંશી

બીજી બાજુ, ઉત્તર પ્રદેશના બલિયામાં બબ્બન સિંહ રઘુવંશીએ લગ્ન સમારોહમાં ડાન્સર સાથે એવું ‘પરફોર્મન્સ’ આપ્યું કે વીડિયો વાયરલ થઈ ગયો. તેઓ બિહારના દુર્ગીપુર ગામના લગ્ન સમારોહમાં એક મહિલા ડાન્સર સાથે અશ્લીલ ડાંસ કરતા નજરે પડ્યા હતા. રઘુવંશીનો દાવો છે કે આ તેમને બદનામ કરવાનું ષડયંત્ર છે, પણ પાર્ટીએ તો તેમને બહારનો રસ્તો બતાવી દીધો.

અમર કિશોર કશ્યપ

ગોંડા જિલ્લાના ભાજપ જિલ્લા પ્રમુખ અમર કિશોર કશ્યપનો CCTV દ્વારા રેકોર્ડ થયેલો વીડિયો વાયરલ થયો, જેમાં તેઓ ભાજપના જિલ્લા કાર્યાલયમાં એક મહિલા કાર્યકર સાથે અયોગ્ય વર્તન કરતા જોવા મળ્યા. કશ્યપે દાવો કર્યો કે મહિલાને ચક્કર આવતા હતા, તેથી તેમણે તેને ટેકો આપ્યો હતો. ભાજપે કશ્યપને શો-કોઝ નોટિસ જારી કરી, અને એક સપ્તાહમાં લેખિત સ્પષ્ટીકરણ માંગ્યું. એક પાર્ટી કાર્યકરે આ વીડિયોને “શરમજનક” ગણાવીને ફરિયાદ નોંધાવી હતી.

સુરત બળાત્કાર કેસ

સુરતના ભાજપ મહામંત્રી અને અન્ય એક ભાજપ નેતાએ 23 વર્ષની યુવતીને નશીલું પીણું પીવડાવીને બેભાન કરીને હોટેલમાં બળાત્કાર ગુજાર્યો આ મામલે પોલીસે કાર્યવાહી કરતા ભાજપે આ નેતાને પાર્ટીમાંથી કાઢી મુક્યો હતો.

ગજેન્દ્રસિંહ પરમાર

ગાંધીનગરના સેક્ટર 21 પોલીસ સ્ટેશનમાં ગજેન્દ્રસિંહ પરમાર સામે દુષ્કર્મનો ગુનો નોંધાયો. આરોપો પછી તેઓ ફરાર થયા, અને ગાંધીનગર પોલીસ હજુ સુધી તેમને પકડી શકી નથી. આ ઘટનાએ સ્થાનિક સ્તરે ભારે ચર્ચા જગાવી, અને ભાજપની આંતરિક શિસ્ત પર સવાલો ઉઠ્યા.

રમેશ જરકિહોલી (2021)

કર્ણાટકમાં ભાજપ ધારાસભ્ય અને પૂર્વ જળસંપદા મંત્રી રમેશ જરકિહોલી પર એક યુવતી સાથે સેક્સ-ફોર-જોબ સ્કેન્ડલનો આરોપ લાગ્યો. એક વીડિયો લીક થયો, જેમાં તે યુવતી સાથે અશ્લીલ સ્થિતિમાં દેખાયા. યુવતીએ આરોપ લગાવ્યો કે તેનું શોષણ કરવામાં આવ્યું અને તેને નોકરીની લાલચ આપવામાં આવી. જરકિહોલીએ 3 માર્ચ, 2021ના રોજ મંત્રી પદેથી રાજીનામું આપ્યું, પરંતુ પોલીસે તેમની સામે FIR નોંધવામાં વિલંબ કર્યો. યુવતીએ દાવો કર્યો કે તેના પરિવારની સુરક્ષા માટે તે SIT સમક્ષ હાજર થશે. આ કેસમાં કોંગ્રેસ નેતા ડી.કે. શિવકુમાર પર પણ આરોપ લાગ્યા કે તેમણે આ વીડિયો લીક કરવામાં ભૂમિકા ભજવી, જે તેમણે નકાર્યું હતું.

ભાજપે નેતાઓ માટે ‘સંસ્કાર શિબિર’ યોજવું પડશે

આ બધું જોઈને લાગે છે કે ભાજપના કેટલાક નેતાઓએ ‘વાયરલ’ થવાનો નવો રેકોર્ડ બનાવવાનું નક્કી કર્યું છે. એક બાજુ પાર્ટી ‘નારી શક્તિ’ની વાત કરે છે, અને બીજી બાજુ આવા કૃત્યો પાર્ટીની છબિ પર ડાઘ લગાવે છે. પણ સવાલ એ છે કે આ ‘વિવાદોનું નાટક’ ક્યાં સુધી ચાલશે? શું આ નેતાઓને ખરેખર લાગે છે કે ‘સુશાસન’નો અર્થ ‘સોશિયલ મીડિયા પર વાયરલ’ થવું છે? જો આવું જ ચાલતું રહ્યું, તો લાગે છે કે ભાજપે તેના નેતાઓ માટે ‘સંસ્કાર શિબિર’ યોજવું પડશે, અને CCTVની ટ્રેનિંગ પણ આપવી પડશે – કેમેરા હવે દરેક જગ્યાએ છે, અને જનતા પણ જાગૃત છે! કેટલાક નેતાઓને લાગે છે કે હોટેલના રૂમમાં CCTV નથી હોતા, પણ આજકાલ દરેક ખૂણે કેમેરા છે, અને સોશિયલ મીડિયા તો એની રાહ જ જોતું હોય છે!

આ પણ વાંચો:

Surendranagar: વૃદ્ધે સમસ્યા સાંભળાવી, ધારાસભ્ય જગદીશ મકવાણાએ ઠઠ્ઠા મશ્કરી કરી ચાલતી પકડી

Rajkot: બન્ની ગજેરા અને પીયૂષ રાદડિયા સામે 6 કેસમાં નિખિલ દોંગા નામ ખુલ્યું, પોલીસને ધરપકડનો આદેશ

Jigisha Patel અને Banni Gajera એ કઈ વાતને લઈને નરેશ પટેલને બ્લેકમેઇલ કરવાનો બનાવ્યો પ્લાન?

PM MOdi ને ગુજરાતના પીડિત પરિવારોને મળવાનો સમય ન મળ્યો !

‘Ghar Ghar Sindoor’ અભિયાન મામલે ભાજપે મારી પલટી, દાવો નકારવામાં આટલા દિવસો કેમ?

Mainpuri Case: ભાજપ મહિલા નેતાના વ્યભિચારી પુત્રના 130 અશ્લીલ વીડિયો વાયરલ, યુવતીએ નોંધાવી ફરિયાદ

Gujarat Weather: આજે ગુજરાતના 15 જિલ્લાઓમાં પડશે વરસાદ, હવામાન વિભાગે આપ્યું એલર્ટ

આજે ગુજરાત સહિતના રાજ્યોમાં સિવિલ ડિફેન્સની “Operation Shield” મોકડ્રિલ

Gujarat Weather: આજે ગુજરાતના 15 જિલ્લાઓમાં પડશે વરસાદ, હવામાન વિભાગે આપ્યું એલર્ટ