Telangana: તેલંગાણાના રંગારેડ્ડી જિલ્લામાંથી બાળ લગ્નનો એક ચોંકાવનારો કિસ્સો પ્રકાશમાં આવ્યો છે, જ્યાં 13 વર્ષની છોકરીના લગ્ન 40 વર્ષના પરિણીત પુરુષ સાથે કરાવવામાં આવ્યા હતા. પીડિતાએ તેના શિક્ષકને લગ્ન વિશે જણાવ્યું, જેના પગલે શિક્ષકે તહસીલદાર રાજેશ્વર અને પોલીસને જાણ કરી.
શું છે આખો મામલો?
ધોરણ 8 માં ભણતી આ વિદ્યાર્થીનીએ 28 મેના રોજ કાંદીવાડાના રહેવાસી 40 વર્ષીય શ્રીનિવાસ ગૌડ સાથે લગ્ન કર્યા હતા. પોલીસના જણાવ્યા અનુસાર, છોકરી તેની માતા અને ભાઈ સાથે રહે છે. પરિવારે મધ્યસ્થી દ્વારા 40 વર્ષીય વ્યક્તિનો સંપર્ક કર્યો અને બંનેએ મે મહિનામાં લગ્ન કર્યા. છોકરીની માતાએ તે ઘરના મકાન માલિકને કહ્યું કે તે આર્થિક પરિસ્થિતિને કારણે તેની પુત્રીના લગ્ન કરાવવા માંગે છે. મકાન માલિકે મધ્યસ્થી દ્વારા માતા સમક્ષ પ્રસ્તાવ રજૂ કર્યો અને પછી લગ્નની તૈયારીઓ કરવામાં આવી.
શિક્ષિકાએ ફોડ્યો ભાંડો
લગ્નના એક અઠવાડિયા પછી, છોકરી ઘરે પાછી આવી અને મંગળસૂત્ર વગેરે કાઢીને પાછી શાળાએ ગઈ. આ પછી, જ્યારે શિક્ષિકાએ તેને પૂછ્યું, ત્યારે તેણે તેને આખી વાત કહી. શિક્ષિકાએ તરત જ પોલીસને જાણ કરી. પોલીસે ઘટનાસ્થળે પહોંચી કાર્યવાહી કરી અને વરરાજા, તેની પહેલી પત્ની, લગ્ન કરાવનાર દલાલ અને પૂજારીની ધરપકડ કરી.
લગ્નમાં પહેલી પત્ની પણ હાજર હતી
પોલીસને સુપરત કરાયેલા ફોટા અને વીડિયોમાં સ્પષ્ટપણે જોઈ શકાય છે કે સગીર છોકરી આધેડ વયના પુરુષની સામે હાથમાં લગ્નની માળા લઈને ઉભી છે. તેમની સાથે એક મહિલા, જે તે પુરુષની પત્ની હોવાનું કહેવાય છે, અને એક પુજારી પણ દેખાય છે જે લગ્નની વિધિઓ કરી રહી હતી. પોલીસ ઇન્સ્પેક્ટરે જણાવ્યું હતું કે લગ્ન કરાવનાર વ્યક્તિ, શ્રીનિવાસ ગૌડ, મધ્યસ્થી પેન્ટૈયા (મકાનમાલિક), તેની પત્ની, છોકરીની માતા અને ગેરકાયદેસર લગ્ન કરાવનાર પુજારી પર બાળ લગ્ન નિવારણ કાયદા હેઠળ આરોપ મૂકવામાં આવ્યો છે.
આ પણ વાંચો:
Madhya Pradesh: 12 વર્ષના બાળકે ઓનલાઈન ગેમમાં રૂપિયા ગુમાવતા માતા-પિતાના ડરથી જીવન ટુંકાવ્યું
Junagadh: મોડી રાત્રે ધારાસભ્ય ગોપાલ ઈટાલિયાએ કેમ પોલીસ સ્ટેશન માથે લીધું? કોને બચાવે છે પોલીસ?
Surendranagar: મૂકબધિર પિતાએ સગી દીકરીને જ હવસનો શિકાર બનાવી, સગીરા ગર્ભવતી થતા ફૂંટ્યો ભાંડો
