BIHAR: મતદાર યાદીમાંથી સૌથી વધુ મહિલાઓ અને મુસ્લિમ પ્રભુત્વ ધરાવતા જીલ્લાઓના લોકોને હટાવાયા

BIHAR: બિહારમાં ચૂંટણીપંચ દ્વારા હાથ ધરવામાં આવેલા મતદાયાદી સુધારણાનો રિપોર્ટ તૈયાર કરી દીધો છે. જે તેની વેબસાઈટ પર પણ મૂક્યો છે. ચૂંટણી પંચે જણાવ્યું કે મતદાર યાદીમાંથી લગભગ 65.64 લાખ મતદારોને દૂર કરવામાં આવ્યા છે. તેમાંથી 22.3 લાખ મૃત્યુ પામ્યા હતા, 36.3 લાખ કાયમી રીતે સ્થળાંતરિત થયા હતા અથવા ગેરહાજર હતા, અને 7 લાખ મતદારો અનેક સ્થળોએ નોંધાયેલા હતા.

સૌથી વધુ મહિલાને હટાવાઈ

સ્પેશિયલ ઇન્ટેન્સિવ રિવિઝન પછી બિહારની ડ્રાફ્ટ મતદાર યાદીમાંથી હટાવવામાં આવેલા 55% મતદારો મહિલાઓ છે, આ માહિતી ભારતના ચૂંટણી પંચ દ્વારા 1 ઓગસ્ટના રોજ પ્રકાશિત થયેલા ડેટામાંથી બહાર આવી છે. ડેટા એ પણ દર્શાવે છે કે રાજ્યના 10માંથી 5 જીલ્લાઓમાં મુસ્લિમ વસ્તીનો સૌથી વધુ હિસ્સો ધરાવતા મતદારોને હટાવવામાં આવ્યા છે.

સ્ક્રોલના રિપોર્ટ અનુસાર પશ્ચિમ બિહારના ગોપાલગંજ જિલ્લામાં રાજ્યમાં સૌથી વધુ 15.1% મતદાર યાદીમાં લોકોને હટાવવાનો દર જોવા મળ્યો. જિલ્લાના ગોપાલગંજ વિધાનસભા મતવિસ્તારમાં મતદાર યાદીમાં 18.25% ઘટાડો થયો, જે રાજ્યમાં સૌથી વધુ છે.

સીમાંચલમાં પણ મોટી સંખ્યામાં મતદારને હટાવવામાં આવ્યા છે આ બિહારનો તે વિસ્તાર છે જે નેપાળને અડીને આવેલો છે અને તેને મુસ્લિમ બહુમતી ધરાવતો વિસ્તાર માનવામાં આવે છે. ત્યાંથી પણ વધુ લોકોને મતદાર યાદીમાંથી હટાવવામાં આવ્યા છે. સીમાંચલના ચાર જિલ્લાઓ એટલે કે અરરિયા, કિશનગંજ, પૂર્ણિયા અને કટિહારમાંથી 9.8 ટકા મતદારોને હાટાવી દેમાં આવ્યા છે.

સીમાંચલના અગાઉના ચૂંટણી પરિણામો

આ પ્રદેશના 2020 ના ચૂંટણી પરિણામો પર નજર કરીએ તો સીમાંચલ પ્રદેશમાં કુલ 24 બેઠકો છે, જેમાંથી 12 NDA ને અને 7 મહાગઠબંધનને મળી હતી અને 5 બેઠકો ઓવૈસીના AIMIM એ જીતી હતી. આ પ્રદેશ મુસ્લિમ પ્રભુત્વ ધરાવતો છે અને ભાજપ માટે સતત પડકાર રહેલો છે.

મિથિલાંચલમાંથી રસપ્રદ માહિતી બહાર આવી

બીજો રસપ્રદ આંકડા બિહારના મિથિલા પ્રદેશનો છે. મિથિલાને સામાન્ય રીતે ભાજપ પ્રભુત્વ ધરાવતો પ્રદેશ માનવામાં આવે છે, ત્યાંથી 8.6% મતદારોને મતદાર યાદીમાંથી હટાવવામાં આવ્યા. વ્યાપક રીતે કહીએ તો મિથિલા પ્રદેશ ઘણો વિશાળ છે અને તેમાં દરભંગા, મુઝફ્ફરપુર, વૈશાલી, સમસ્તીપુર, મધુબની, સીતામઢી અને શિવહર જેવા જિલ્લાઓનો સમાવેશ થાય છે. આ સમગ્ર પ્રદેશમાં કુલ 58 વિધાનસભા બેઠકો છે, જેમાંથી 38 NDA ને ગઈ હતી અને 2020 ની ચૂંટણીમાં મહાગઠબંધને જીતી હતી.

ભોજપુર વિસ્તારમાં 8.54 ટકા મતદારોને હટાવાયા

બિહારનો ભોજપુર પ્રદેશ મતદાર યાદીમાંથી નામ કાઢી નાખવામાં આવેલા લોકોની સંખ્યામાં ત્રીજા ક્રમે છે. જો તમે ભોજપુર પ્રદેશની વાત કરો તો ભોજપુર જિલ્લા સિવાય, તેમાં બક્સર, કૈમૂર, રોહતાસ, સારણ, સિવાન, ગોપાલગંજ જેવા જિલ્લાઓનો સમાવેશ થાય છે, એટલે કે, તે બધા જિલ્લાઓ જ્યાં ભાષા મૂળભૂત રીતે ભોજપુરી છે. ભોજપુર પ્રદેશના 8.54% લોકોના નામ મતદાર યાદીમાંથી કાઢી નાખવામાં આવ્યા છે.

ભોજપુર મહાગઠબંધનનો ગઢ

જો આપણે 2020 ના ડેટા પર નજર કરીએ તો આ વિસ્તારમાં કુલ 46 વિધાનસભા મતવિસ્તારો છે, જેમાં NDA ને કારમી હારનો સામનો કરવો પડ્યો હતો અને તે ફક્ત 11 બેઠકો જીતી શક્યું હતું. તે જ વખતે મહાગઠબંધનનું આ સમગ્ર વિસ્તારમાં પ્રભુત્વ હતું અને 34 બેઠકો પર કબજો હતો. 2020 ના ડેટા અનુસાર, ભોજપુર વિસ્તારને મહાગઠબંધનનો પ્રભાવશાળી વિસ્તાર ગણી શકાય અને NDA ને અહીં સખત મહેનત કરવાની જરૂર છે. આવી સ્થિતિમાં 2025 માં મતદાર યાદીમાંથી 8.57% મતદારોને બાકાત રાખવાથી ચૂંટણી પરિણામો પર શું અસર પડશે તે જોવું રસપ્રદ રહેશે.

કોસી વિસ્તારની સ્થિતિ સમજો

માહિતી અનુસાર, બિહારનો કોસી વિસ્તાર ચોથા સ્થાને છે. આ વિસ્તાર પૂરથી શાપિત છે. સહરસા, મધેપુરા અને સુપૌલ જિલ્લાઓ કોસી ક્ષેત્રમાં આવે છે. આ વિસ્તાર સીમાંચલ અને મિથિલા બંને વિસ્તારોને અડીને આવેલો છે. 2020 ના ડેટા અનુસાર, આ વિસ્તાર NDA નો ગઢ ગણી શકાય. કુલ મળીને, 13 વિધાનસભા બેઠકો ધરાવતો આ વિસ્તાર મહાગઠબંધનને 3 બેઠકો આપે છે અને NDA 10 બેઠકો લે છે. કોસીમાંથી આ મતદાર યાદીના સંપૂર્ણ સુધારા પછી, 8% મતદારોને બહારનો રસ્તો બતાવવામાં આવ્યો છે.

વિગત	સંખ્યા
બિહારમાં પહેલાં મતદારો	78,96,9844
ડ્રાફ્ટ યાદીમાં હવે મતદારો	72,40,5756
દૂર કરવામાં આવેલા મતદારો	65,64,075
બિહારમાં મૃત મતદારો	22,34,501
મતદારોનો સ્થળાંતર	36,28,210
અન્ય જગ્યાએ મળેલા મતદારો	7,01,364

ચંપારણમાંથી 7.2 ટકા મતદારોના નામ કાઢી નાખવામાં આવ્યા

ફેલાવા અને વિસ્તારની દ્રષ્ટિએ બિહારના સૌથી મોટા જિલ્લાઓ પશ્ચિમ ચંપારણ અને પૂર્વ ચંપારણ છે, જ્યાં કુલ 21 વિધાનસભા બેઠકો છે, જેમાંથી 17 બેઠકો 2020 માં NDA ને અને 4 બેઠકો મહાગઠબંધનને મળી હતી. ચંપારણ વિસ્તારના 7.2 ટકા મતદારો આ યાદીમાંથી બાકાત રાખવામાં આવ્યા છે.

આંગ પ્રદેશમાંથી 7.12 ટકા મતદારોના નામ કાઢી નાખવામાં આવ્યા છે.

હવે વાત કરીએ બિહારના આંગ પ્રદેશની જ્યાં ભાગલપુરને વ્યાપકપણે આંગ પ્રદેશની રાજધાની ગણી શકાય. તેની નજીકના જિલ્લાઓ ખાગરિયા, બાંકા, મુંગેર, લખીસરાય, જમુઇ, બેગુસરાય અને શેખપુરા છે. આંગ પ્રદેશમાંથી 7.12% મતદારોને બાકાત રાખવામાં આવ્યા છે.

2020ની ચૂંટણીના ડેટા અનુસાર, અહીં વિધાનસભા બેઠકોની કુલ સંખ્યા 34 છે, જેમાંથી 20 એટલે કે અડધાથી થોડી વધુ NDA પાસે ગઈ અને 12 બેઠકો મહાગઠબંધન પાસે ગઈ, જ્યારે એક બેઠક અપક્ષ ઉમેદવારે અને એક LJPએ જીતી.

મગધ પ્રદેશ સૌથી ઓછો પ્રભાવિત, માત્ર 6.98 ટકા મતદારો ઘટ્યા

જો બિહારમાં મતદાર યાદીના સઘન સુધારાથી સૌથી ઓછો પ્રભાવિત વિસ્તાર મગધ પ્રદેશ માનવામાં આવે તો. મગધ એટલે ગયા, નવાદા, ઔરંગાબાદ, જહાનાબાદ, અરવલ, પટના અને નાલંદા. રાજકારણનું કેન્દ્ર રહેલા આ વિસ્તારમાં કુલ 47 બેઠકો છે અને 2020 માં NDA ને અહીં કારમી હારનો સામનો કરવો પડ્યો હતો. 47 બેઠકોમાંથી 17 NDA ના છાવણીમાં ગઈ, જ્યારે મહાગઠબંધને 30 બેઠકો પર કબજો કર્યો, એટલે કે મહાગઠબંધનનો હાથ ઉપર હતો. અહીં કુલ 6.98% મતદારોને બહારનો રસ્તો બતાવવામાં આવ્યો છે.

આગળ શું થશે?

હવે જ્યારે આ બધા આંકડા ચૂંટણી પંચની વેબસાઇટ પર ઉપલબ્ધ છે અને રાજકીય પક્ષોને સોંપવામાં આવ્યા છે, તો તેનું તમામ રાજકીય પક્ષો દ્વારા સંપૂર્ણ વિશ્લેષણ કરવામાં આવશે. લોકો આ આંકડાઓને પોતાની સમજણ મુજબ તોલશે અને તેનું વિશ્લેષણ કરશે.

આ આંકડાઓના પરિણામો પણ તમામ રાજકીય પક્ષો માટે તેમની પોતાની સમજ મુજબ અલગ અલગ અર્થ ધરાવતા હશે. એકંદરે, એ સ્પષ્ટ છે કે 2025 ની બિહાર ચૂંટણીમાં મતદાર યાદીનું સઘન સુધારણા એક મોટો ચૂંટણી મુદ્દો હશે અને જેમ દિલ્હીની સંસદ, બિહારની વિધાનસભા અને બિહારની શેરીઓમાં આ મુદ્દા પર હોબાળો થઈ રહ્યો છે, તેવી જ રીતે તેનો અવાજ ચૂંટણી રેલીઓ અને સભાઓમાં ગુંજી ઉઠશે.