Rajkot: ગોંડલના રિબડામાં અનિરુદ્ધસિંહ જાડેજાના સમર્થનમાં એક મહાસંમેલનનું આયોજન કરવામાં આવ્યું છે. આ સંમેલનનો હેતુ પોપટ સોરઠીયા હત્યા કેસમાં અનિરુદ્ધસિંહની સજા માફીની માગણીને લઈ સરકાર સમક્ષ રજૂઆત કરવાનો છે. આ કાર્યક્રમમાં ક્ષત્રિય સમાજની મોટી સંખ્યામાં ભાગીદારીની અપેક્ષા છે, જે એક પ્રકારનું શક્તિ પ્રદર્શન ગણાશે.
અનિરુદ્ધસિંહ જાડેજા અને રાજદીપસિંહ જાડેજા ફરાર
અનિરુદ્ધસિંહ જાડેજા અને તેમના પુત્ર રાજદીપસિંહ જાડેજા હાલ અમિત ખૂંટ આત્મહત્યા કેસમાં ફરાર છે. આ કેસમાં બે દિવસ પહેલાં ગુજરાત હાઇકોર્ટમાં તેમની આગોતરા જામીન અરજી પર સુનાવણી હાથ ધરાઈ હતી, જેમાં કોર્ટે ચુકાદો અનામત રાખ્યો છે. આ પહેલાં ગોંડલ સેશન કોર્ટમાંથી જામીન ન મળતાં બંનેએ હાઇકોર્ટનો સંપર્ક કર્યો હતો.
ચાર મહિનાથી શોધી રહી છે પોલીસ
પોલીસના જણાવ્યા મુજબ, અમિત ખૂંટની આત્મહત્યાની ઘટનામાં મળેલી સુસાઇડ નોટના આધારે અનિરુદ્ધસિંહ, રાજદીપસિંહ અને તેમના ડ્રાઇવર રહીમ મકરાણીને આરોપી તરીકે ચિહ્નિત કરવામાં આવ્યા છે. રાજકોટ ગ્રામ્ય પોલીસ છેલ્લા ચાર મહિનાથી તેમની શોધમાં સક્રિય છે, જેમાં FSLની મદદ પણ લેવામાં આવી છે.
સોશિયલ મીડિયા પર પોસ્ટર્સ વાયરલ
આ ઘટનાએ ક્ષત્રિય સમાજમાં રોષ ફેલાવ્યો છે, કારણ કે અનિરુદ્ધસિંહ અગાઉ પોપટ લાખા સોરઠીયા હત્યા કેસમાં 18 વર્ષની સજા ભોગવી ચૂક્યા છે. સમાજના લોકો આ કેસને અન્યાય ગણાવી રહ્યા છે અને સોશિયલ મીડિયા પર તેમના સમર્થનમાં પોસ્ટર્સ અને અભિયાનો વાયરલ થઈ રહ્યા છે. જાણવા મળ્યું છે કે અનિરુદ્ધસિંહે 18 સપ્ટેમ્બર સુધીમાં સરેન્ડર કરવાનું છે, અને તે પહેલાં જ સમર્થકો દ્વારા આ મહાસંમેલન અને પત્રકાર પરિષદનું આયોજન કરવામાં આવ્યું છે.
આ પણ વાંચો:
Britain-China: બ્રિટને કઈ રીતે ચીનની પ્રાચીન સભ્યતાને અફીણના નશામાં ડૂબાડી દીધી?
Love and War controversy: ‘લવ એન્ડ વૉર’ મુશ્કેલીમાં, વિશ્વાસઘાત અને દુર્વ્યવહારની ફરિયાદ
Ahmedabad: AMCની બોટ પલટતાં ત્રણ યુવકોનું મોત, એકનો બચાવ
Afghanistan earthquake: અફઘાનિસ્તાનમાં આવેલા વિનાશક ભૂકંપમાં 1,400 થી વધુ લોકોના મોત, 3124 લોકો ઘાયલ
Gujarat Weather Update: ગુજરાતના 6 જિલ્લામાં ભારે વરસાદની આગાહી, IMD એ આપ્યું ઓરેન્જ એલર્ટ
Rajasthan: ધાર્મિક હોવાનો ઢોંગ કરતા મૌલાનાની ખૂલી પોલ, મહિલાઓ સાથેના અશ્લીલ વીડિયો વાયરલ
