Indian Rupee record low:આજે સવારે ભારતીય ચલણ બજારને મોટો આંચકો લાગ્યો છે, અમેરિકન ડોલર સામે રૂપિયો પહેલી વાર ₹90 પ્રતિ ડોલરને પાર થયો છે, જે અત્યાર સુધીનો સૌથી નબળુ સ્તર મનાય છે.
ભારતીય રૂપિયો પ્રથમ વખત ₹90/$ ની નીચે ગગડ્યો અને બજાર ખુલતાની સાથે જ રેકોર્ડ નબળાઈ નોંધાવી હતી જે 89.87 પ્રતિ ડોલરના અગાઉના બંધ સામે 89.97 પર ખુલ્યો, પરંતુ થોડી જ વારમાં ગગડીને ₹90.14/$ ના ઓલ-ટાઇમ નીચલા સ્તરે પહોંચી ગયો હતો વિદેશી માંગ, ડોલરની મજબૂતાઈ અને વૈશ્વિક અનિશ્ચિતતાઓએ રૂપિયા પર ભારે દબાણ બનાવ્યું હોવાનું સ્પષ્ટ થઈ રહ્યુ છે.
■ડોલર આટલો મજબૂત કેમ છે? આ રેકોર્ડબ્રેક રૂપિયો તૂટવાના ઘણા બધા કારણો છે
1. ડોલર ઇન્ડેક્સમાં વધારો
છેલ્લા ઘણા દિવસોથી યુએસ ડોલર સતત મજબૂત થઈ રહ્યો છે પરિણામે વિશ્વભરના રોકાણકારો સલામતી માટે ડોલર તરફ વળી રહ્યા છે.
2. વિદેશી ભંડોળ દ્વારા વેચાણ (FII આઉટફ્લો)
વિદેશી રોકાણકારો હાલમાં ભારતીય બજારમાંથી ભંડોળ પાછું ખેંચી રહ્યા છે.
જ્યારે FII વેચાણ ચાલુ રાખે છે, ત્યારે ડોલરની માંગ વધે છે અને રૂપિયો નબળો પડે છે.
3. વૈશ્વિક અનિશ્ચિતતા
યુએસ આર્થિક નીતિ, વ્યાજ દરો પર અટકળો અને વિશ્વના ઘણા ભાગોમાં તણાવ – આ બધું ડોલરની મજબૂતાઈ અને રૂપિયાની નબળાઈમાં ફાળો આપી રહ્યું છે.
■૯૦/$ ને પાર કરવું એ કેમ મોટી વાત ગણાય છે?
રૂપિયો ૯૦ ને પાર કરવો તે બજારના ભરોસો તૂટવાનો અને બદલાવનો સંકેત આપે છે,
આનાથી આયાત વધુ મોંઘી થશે.પેટ્રોલ અને ડીઝલના ભાવ વધી શકે છે.
ઉપરાંત ઇલેક્ટ્રોનિક્સ, મોબાઇલ ફોન અને મશીનરી જેવા માલ વધુ મોંઘા થશે અને વિદેશમાં અભ્યાસ કરતા અને મુસાફરી કરતા ભારતીયો માટે ભારણ વધશે,કંપનીઓનો ફોરેક્સ એક્સપોઝર વધશે.
નિકાસકારોને થોડી રાહત મળી શકે છે, પરંતુ તેઓ આવો ઘટાડો ઇચ્છશે નહીં, કારણ કે અસ્થિરતા વ્યવસાય આયોજનને અસર કરે છે.
■હવે RBI શું કરશે?
સામાન્ય રીતે, જ્યારે રૂપિયો અચાનક નબળો પડે છે, ત્યારે RBI ડોલર વેચીને દબાણ ઘટાડવાનો પ્રયાસ કરે છે. જોકે, 90/$ થી ઉપરનો ભંગ સૂચવે છે કે બજારની માંગ મજબૂત છે અને કેન્દ્રીય બેંકના હસ્તક્ષેપની મર્યાદિત અસર થઈ રહી છે.
■હવે આગળ શું?
નિષ્ણાતો કહે છે કે જો વૈશ્વિક પરિબળોમાં સુધારો નહીં થાય, તો રૂપિયો વધુ ઘટી શકે છે. બજાર હવે RBIના આગામી પગલા અને વૈશ્વિક ડોલરના વલણો પર નજીકથી નજર રાખી રહ્યું છે.
આ પણ વાંચો:
Commonwealthgames2030:ગુજરાતમાં ‘ખેલકુદ’શિખવતા શિક્ષકો નથી અને ઓલેમ્પિકની વાતો થાય છે!
