Banaskantha: બનાસકાંઠા જિલ્લાના વિભાજન બાદ ઠેર ઠેર વિરોધ પ્રદર્શન થઈ રહ્યા છે. ત્યારે ધાનેરા કાંકરેજ દિયોદર બાદ આજે ભાભરમાં પણ દિયોદરને ઓગડ જીલ્લો બનાવવાની માંગ સાથે રેલી અને આવેદનપત્રનું આયોજન કરાયું હતુ. પરંતુ રેલીમાં લોકો ન જોડાતા રેલીનો ફિયાસ્કો જોવા મળ્યો હતો જ્યારે સાંસદ ગેનીબેન ઠાકોર(Geniben Thakor) પોતાનો હોમ ટાઉન હોવાથી રેલીથી દૂર રહીને સમર્થન કર્યું હતુ.
ભાભરને ઓગડ જીલ્લામાં સમાવો
બનાસકાંઠા જિલ્લાના વિભાજનને આજે એક મહિના જેટલો સમય થવા આવ્યો છે. જેમાં કાંકરેજ દિયોદર ધાનેરામાં પોતાની માંગને લઈ વિરોધ પ્રદર્શન ચાલી રહ્યા હતા. ત્યારે હવે ભાભર વિસ્તારના લોકોમાં વિરોધનો સૂર ઉઠ્યો છે. ભાભર વિસ્તારના લોકોની માંગ છે કે ઓગડ જીલ્લો સરકાર દ્વારા બનાવવામાં આવે અને ભાભરનો સમાવેશ ઓગડ જિલ્લામાં કરવામાં આવે.
બંધના એલાનનો ફિયાસ્કો
જે માંગને લઈ આજે વહેલી સવારે રેલી અને ભાભર બંધનું એલાન આપવામાં આવ્યું હતું. પરંતુ ભાભર વિસ્તારમાં આ આંદોલનને પ્રતિસાદ મળ્યો ન હતો. તમામ બજાર ચાલુ રહ્યા હતા, અને રેલીમાં પણ પાંખી હાજરી જોવા મળી હતી. જેના કારણે કહી શકાય કે રેલી અને બંધના એલાનનો ફિયાસ્કો જોવા મળ્યો હતો.
ભાજપ પર આરોપ
આંદોલન માં જોડાયેલા લોકોનું કહેવું છે કે ભાજપના નેતાઓના દબાણના કારણે લોકો આજે રેલીમાં લોકો જોડાયા નથી, પરંતુ આવનારા સમયમાં લોકો આંદોલનમાં જોડાશે અને ગાંધીનગર સુધી જવું પડશે તો પણ ભાભર વિસ્તારના લોકો પોતાની માંગને લઈ જવા માટે તૈયાર છે ભાભર બજારમાંથી નીકળેલ રેલી નિષ્ફળ રહેતા ઓગડ જિલ્લા સંકલન સમિતિએ ભાજપ પર આરોપ લગાવ્યા છે.
ભાજપે આરોપો ફગાવ્યા
રેલીના સંકલન સમિતિએ રેલી ફિયાસ્કો મામલે ભાજપ પર તરફથી આરોપો ફગાવી દીધા હતા ભાભર શહેરના પૂર્વ પ્રમુખ અમરત માળીએ કહ્યું કે કોંગ્રસ પ્રેરિત રેલી હતી. તેથી અને ખોટી માંગ સાથે નીકળી હતી. ભાભર તાલુકાના લોકો વાવ-થરાદ જિલ્લા ની રચનાને આવકારે છે.
આ પણ વાંચોઃ RAJKOT: નમ્રતાગ્રીન ફાઉન્ડેશન અને ગ્રીન ગૃપ ચેરિટેબલ ટ્રસ્ટ દ્વારા પ્રથમ સર્વ જ્ઞાતિ સમૂહ લગ્નોત્સવ યોજાયો
