- સટ્ટાકિંગ અમિત મજેઠિયા સહિત 7 લોકો સામે 1200 કરોડ રૂપિયાની હેરાફેરીનો નોંધાયો કેસ
CID ક્રાઈમે સટ્ટા કિંગ અમિત મજેઠિયા આણી મંડળી દ્વારા કરવામાં આવેલા 1200 કરોડ રૂપિયાની હેરાફેરીને લઈને મોટો ખુલાસો કર્યો છે. આ સાથે જ અમિત મજેઠિયા સહિત સાત આરોપીઓ વિરૂદ્ધ ગુનો દાખલ કરીને વધુ તપાસ હાથ ધરી છે. સીઆઈડીને પોતાની તપાસમાં ખુલાસો કર્યો છે કે, તેઓ લોન આપવાનું કહીને જરૂરિયાતવાળો લોકો પાસેથી ડોક્યુમેન્ટ લઈને તેમના નામનું ખાતું ખોલવતા હતો. તે ઉપરાંત સરકારી સહાયના નામે ગ્રામીણ લોકો પાસે ખાતું ઓપન કરાવતા હતા. આ ખાતું ખોલવતી વખતે કહેવામાં આવતું હતુ કે, તમારા ખાતામાં સરકારી સહાયના પૈસા આવશે.
જે તે વ્યક્તિના નામનું બેંક એકાઉન્ટ ખોલાવી આરોપીઓ તેને અમુક રકમ આપ્યા બાદ તેની જાણ બહાર આ બેંક એકાઉન્ટ પર કંપનીનું લાઈસન્સ જેમાં ટ્રેડિંગ કંપની, એક્સપોર્ટ-ઈમ્પોર્ટ કંપની વગેરેના લાઈસન્સ મેળવી બોગસ કંપનીઓ બનાવતા હતા. આ કેસમાં પોલીસે મજેઠિયાના સાગરીત ભાવેશ ભૂરાભાઈ જોષીની કોલકાતાથી ધરપકડ કરી હતી. આરોપીને કોર્ટમાં રજૂ કરવામાં આવ્યો હતો. જ્યાં કોર્ટે આરોપીના 7 દિવસના રિમાન્ડ મેળવ્યા છે.
આ પણ વાંચો-ગયા વર્ષે દેશના આ રાજ્યમાં સૌથી વધુ લોકોને ફટકારાઇ મૃત્યુદંડની સજા; 564 કેદીઓ ફાંસીની રાહે
આ કેસમાં ફરાર ભાવેશ ભૂરા જોષીની પોલીસે કોલકાતાથી ધરપકડ કરી કોર્ટમાં રજૂ કર્યો હતો. જ્યાં સરકારી વકીલ મનિષા સેન્ડરે એવી દલીલ કરી હતી કે, આરોપીએ ગરીબ ખેડૂતો અને લોકોના આઈકાર્ડ તેમજ ડોક્યુમેન્ટ મેળવી બેંકોમા ખાતા ખોલાવ્યા હતા પછી તેના આધારે ઓનલાઈન સટ્ટા બેટિંગ એપ સાથે તે ખાતા જોડી કરોડોનું ટ્રાન્ઝેક્શન કર્યુ છે તે અંગે શું મોડેસ ઓપરેન્ડી હતી અને કેવી રીતે તેઓ કામ કરતા હતા ? ઝડપાયેલ આરોપી સિવાય ઓનલાઈન સટ્ટા બેટિંગમાં કોણ કોણ સંડોવાયેલ છે ? આરોપીઓ હવાલા રેકેડ કેવી રીતે ચલાવતા હતા ? આ તમામ મુદ્દાઓને લઈને દસ દિવસના રિમાન્ડ માંગવામાં આવ્યા હતા.
સરકારી વકીલે વધુમાં કોર્ટને જણાવ્યું હતુ કે, ઝડપાયેલ આરોપી તેના પાસપોર્ટ અને બેંક એકાઉન્ટ વિશે માહિતી જણાવતો નથી, આરોપીને બેંક એકાઉન્ટ ખોલાવતી વખતે કોને મદદ કરી હતી, આરોપી તપાસમાં સહકાર આપતો નથી અને સમય પસાર કરી રહ્યો છે ત્યારે તપાસ માટે 10 દિવસના રિમાન્ડની જરૂર છે. બન્ને પક્ષની રજૂઆત બાદ કોર્ટે આરોપીના સાત દિવસના રિમાન્ડ ગ્રાહ્ય રાખ્યા છે.
આ પણ વાંચો-રણવીર અલ્લાહબાદિયાની જીભ કાપનારને મળશે 5 લાખ રૂપિયાનું ઈનામ; જાણો કોને કરી જાહેરાત
