અમદાવાદમાં યોજાનારા કોલ્ડપ્લે કોન્સર્ટને નોટિસ મળી છે. અમદાવાદ જિલ્લા બાળ સુરક્ષા આયોગ દ્વારા કોન્સર્ટને નોટિસ આપવામાં આવી છે. જાહેર સ્ટેજ પર બાળકોનો ઉપયોગ ન કરવા આયોજકોને કહેવાયું છે. બાળકોને ઇયરપ્લગ વિના કોન્સર્ટમાં પ્રવેશ નહીં આપવા પણ આયોજકોને નિર્દેશ આપવામાં આવ્યો છે.
દુનિયાભરમાં ચર્ચા જગાવનાર કોલ્ડપ્લેનો કોન્સર્ટ આગામી 25 અને 26મી જાન્યુઆરીના રોજ અમદાવાદના નરેન્દ્ર મોદી સ્ટેડિયમાં યોજવાનો છે. જોકે, કોન્સર્ટ પહેલા જ ફેમસ બ્રિટિશ બેન્ડને ગુજરાત જિલ્લા બાળ સુરક્ષા યુનિટે નોટિસ ફટકારી છે. આ નોટિસમાં લીડ સિંગર ક્રિસ માર્ટિન અને આયોજકોને બેન્ડને પરફોર્મન્સ દરમિયાન સ્ટેજ પર બાળકોનો ઉપયોગ ન કરવાનો આદેશ અપાયો છે. કોલ્ડપ્લેના કોન્સર્ટ પહેલા બાળકોની સુરક્ષા સુનિશ્ચિત કરવા આયોજકોને સૂચના અને ગાઈડલાઈન આપવામાં આવી છે.
સૂચનાનું પાલન નહીં થાય તો થશે કાર્યવાહી
બાળકો માટે ખાસ માર્ગદર્શિકા આયોજકોને આદેશ આપવામાં આવ્યા છે કે કાનની સુરક્ષા માટે કોઈ પણ બાળક ઈયરપ્લગ વગર કોન્સર્ટમાં પ્રવેશ આપવામાં ન આવે. યુનિટે ચેતવણી પણ આપી છે કે 120 ડેસિબલથી ઉપરનો અવાજ બાળકોના સ્વાસ્થ્યને નુકસાન પહોંચાડી શકે છે. સૂચનાઓનું પાલન ન કરવા બદલ આયોજકો સામે કડક કાર્યવાહી થઈ શકે છે.
આ સમાચાર પણ વાંચોઃ વહેલી સવારે પ્રશાંત કિશોરની પોલીસે અટકાયત કરતાં હોબાળો
આ સમાચાર પણ વાંચોઃ કેનેડિયન વડાપ્રધાન જસ્ટિન ટ્રુડો PM પદેથી આપશે રાજીનામું!: દાવો
