■ પોતાના અંગત સ્વાર્થ માટે ટ્રમ્પ-નેતન્યાહુની જોડીએ વિશ્વને મુસીબતમાં મૂકી દીધું!!
Donald Trump: અમેરિકન પ્રમુખ ડોનાલ્ડ ટ્રમ્પ અને ઈઝરાયેલના વડાપ્રધાન બેન્જામિન નેતન્યાહુ આ બે માથા ફરેલા નેતાઓએ એવું ઉતાવળુ પગલું ભર્યું કે આજે સમગ્ર વિશ્વની અર્થવ્યવસ્થા ડગમગી ગઈ છે.
આ બંને નેતાઓને હોર્મુઝ સ્ટ્રેટ’ જેવો મહત્વનો દરિયાઈ માર્ગ નજરમાં જ ન આવ્યો કે જ્યાંથી તેલ-ગેસ અને અન્ય જીવન જરૂરીયાતની ચીજ વસ્તુઓ ભરેલા જહાજો પસાર થાય છે આજ જગ્યાએ દુનિયાની ઈન્ટરનેટ સેવા જોડાયેલી છે જો ઈરાન આ બે જ વસ્તુઓ ઉપર ઘા કરે તો તેની સમગ્ર વિશ્વ ઉપર શુ અસર પડે તે વિચાર્યું જ નહીં, અને આ બે પૈકી હજુ તો માત્ર જહાજો જ અટકાવી દીધા છે અને ઈન્ટરનેટ કેબલ કાપ્યો નથી તે સારું છે નહીતો એક સેકન્ડમાં દુનિયા સંપર્ક વિહોણી બની શકે છે.
જહાજો અટકવાથી હાલ તેલ-ગેસની જે અછત સર્જાઈ છે તે અંગે જાણીતા વિશ્લેષકોએ જે ચેતવણી આપી છે તે અતિ ગંભીર છે બીજું કે આખી દુનિયાને મંદીમાં ધકેલી દેનાર ટ્રમ્પ હવે એમ કહીને છૂટી ગયા કે ‘હોર્મુઝ સ્ટ્રેટ’માં ફસાયેલા જહાજો જે દેશના હોય તેઓએ પોતાની રીતે કાઢી લેવા જોઈએ અમે તેમાં કઈ કરી શકીએ નહિ. કારણ કે અમેરિકા આ માર્ગનો કોઈ ઉપયોગ કરતું નથી તેથી અમને કોઈ ચિંતા નથી, ઈરાન આ માર્ગ બંધ રાખે કે ખોલે તેનાથી અમેરિકાને કોઈ ફરક પડતો નથી, આમ ટ્રમ્પ તો મુસીબત ઉભી કરી હવે હાથ અઘ્ધર કરી છૂટી ગયા પણ હવે શું થશે?
ટ્રમ્પની આ હરકતના કારણે બ્રેન્ટ ક્રૂડ ઓઇલનો ભાવ હાલમાંજ 119 ડોલર પ્રતિ બેરલ પર પહોંચી ગયો છે,આ તો એક શરૂઆત છે, ભારતીય રિઝર્વ બેંકના પૂર્વ ગવર્નર અને જાણીતા અર્થશાસ્ત્રી રઘુરામ રાજને તાજેતરમાં એક ઇન્ટરવ્યુમાં કહ્યું હતું કે, જો આ યુદ્ધ એક મહિનાથી વધુ સુધી ચાલ્યું,તો પરિણામો ગંભીર આવી શકે છે. ક્રૂડ ઓઇલના ભાવ 150 ડોલરથી વધીને 200 ડોલર પ્રતિ બેરલ સુધી પહોંચી શકે છે. હાલમાં જ વિશ્વની 15-20% એનર્જી સપ્લાય ખોરવાયો છે. જો સપ્લાયમાં વધુ ઘટાડો થશે તો વિશ્વ ગંભીર આર્થિક મંદી તરફ ધકેલાઈ જશે.
ભારત તેની જરૂરિયાતનું 85% થી વધુ તેલ આયાત કરે છે ત્યારે તેલના ભાવમાં દર 10 ડોલરનો વધારો ભારતની કરન્ટ એકાઉન્ટ ડેફિસિટમાં અંદાજે 1.4 લાખ કરોડ રૂપિયાનો વધારો કરે છે. આ વધારો જીડીપીના 0.5% જેટલો હોય છે. જો ક્રૂડ $200 એ પહોંચશે, તો પેટ્રોલ-ડીઝલના ભાવ વધશે અને રૂપિયો નબળો પડશે પરિણામે જીવનજરૂરીયાતની દરેક ચીજવસ્તુઓ મોંઘી થશે.
હોર્મુઝ સ્ટ્રેટમાં જહાજો પ્રભાવિત થવાને કારણે રાંધણ ગેસની અછત ઉભી થઈ છે બે કે ત્રણ જહાજો આવવાથી તેમાં સુધારો આવી જશે તેવું કહેવુ અતિશયોક્તિ ભરેલું છે હાલ,દેશમાં પેટ્રોલ-ડીઝલના ભાવો વધવાની શરૂઆત થઈ ચૂકી છે ત્યારે આગામી દિવસોમાં સ્થિતિ ગંભીર બનવાના એંધાણ વર્તાઈ રહયા છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
