Daman drugs case : ગુજરાતના છેવાડે આવેલા વાપી અને દમણમાં 5.9 કિલો ડ્રગ્સ ઝડપાયા બાદ તપાસમાં આ ડ્રગ્સ પ્રકરણમાં ભાજપના આગેવાન મનાતા સસ્ક્રીય કાર્યકર મનોજ ઠાકુરની પણ સંડોવણી ખુલતા ચકચાર મચીછે કેમકે તેમના બંગલા સુધી ડ્રગ્સનો રેલો પહોંચ્યો છે.
પકડાયેલ ડ્રગ્સની કિંમત આંતરરાષ્ટ્રીય બજારમાં રૂપિયા 30 કરોડથી વધારે હોવાનું પોલીસ જણાવી રહી છે.આ કેસમાં ફરાર મુખ્ય આરોપી મેહુલ ઠાકુર તે મનોજ ઠાકુરનો ભાઈ હોવાનું સામે આવ્યું છે. દમણના એક ફાર્મ હાઉસમાંથી MD ડ્રગ્સ બનાવવાનું કારખાનું ઝડપાયું હતું.
આ કેસમાં મોહન પાલીવાલ નામના ઇસમની ધરપકડ કરવામાં આવી છે જ્યારે બે મુખ્ય આરોપી ફરાર થયા છે તેમાં એક આરોપી વાપીના આદર્શ બંગલોઝનો રહેવાસી મેહુલ રાજનેસિંગ ઠાકુર છે, જે હત્યા કેસનો આરોપી છે અને હાલ તે જામીન પર છે અને બીજો વાપીના ગાયત્રીનગરનો કેમિસ્ટ વિવેક બલેન્દ્ર રાય હોવાનું જાણવા મળ્યું છે.
બંને આરોપીઓ વિરુદ્ધ FIR નોંધવામાં આવી છે અને તેમને ઝડપી પાડવા માટે ટીમો રવાના કરવામાં આવી છે.પાલીવાલની પ્રાથમિક પૂછપરછમાં ખુલાસો થયો છે કે આ ત્રણેય છેલ્લા ત્રણ થી ચાર મહિનાથી કાચો માલ અને સાધનો એકઠા કરી રહ્યા હતા. તેઓ દમણના ફાર્મહાઉસમાં રાસાયણિક પ્રક્રિયા કરીને ડ્રગ્સ બનાવતા હતા અને તૈયાર MD ડ્રગ્સ ઠાકુરના વાપીના ચલા સ્થિત બંગલામાં જમા કરતા હતા ઝડપાયું કન્સાઇનમેન્ટ મુંબઈ સપ્લાય કરવાનું હતું.
પોલીસે કાર્ટેલના ખરીદદારો, નાણાં પૂરા પાડનારાઓ અને અન્ય સભ્યો સહિતની મોટી સપ્લાય ચેઇન તેમજ નાણાકીય લેવડ-દેવડ અને આંતર-રાજ્ય કનેક્શનની પણ તપાસ કરી રહી છે.
આરોપીઓ દમણના એક ફાર્મ હાઉસમાં MD ડ્રગ્સ બનાવતા હતા. દમણના ફાર્મ હાઉસમાં બનાવેલ ડ્રગ્સ વાપીના ચલાના બંગલામાં રાખતા હતા અને ત્યાંથી સમગ્ર રાજ્ય અને દેશમાં આ ડ્રગ્સ સપ્લાય થતું હતું.
પકડાયેલ આરોપી મોહન પાલીવાલ અગાઉ પણ ડ્રગ્સના બે કેસમાં સંડોવાયેલા છે.પેરોલ પર છૂટ્યા બાદ પેરોલ જમ્પ કરીને ફરી ડ્રગ્સ બનાવવા કારોબારમાં જોતરાઈ ગયો હતો.
જ્યારે વોન્ટેડ આરોપી મેહુલ ઠાકુર પોતાની છબી પ્રતિષ્ઠિત હોવાનું બતાવવા છેલ્લા થોડા સમયથી સ્ટીલમેન ફાઉન્ડેશનના નામથી સામાજિક કાર્યોમાં સક્રિય થયો હોવાની વાત પણ સામે આવી રહી છે.
વાપીમાં જે બંગલામાંથી ડ્રગ ઝડપાયું તે બંગલાનો માલિક મનોજ ઠાકુર છે.જે ફરાર આરોપી મેહુલ ઠાકુરનો સગો ભાઈ હોવાની અને ભાજપનો સક્રિય કાર્યકર હોવાની વાત સામે આવી રહી છે ત્યારે ભાજપના નેતાનું નામ ખુલતા તેની સામે પણ તપાસ શરૂ થઈ છે.
આ પણ વાંચો:
Gujarat politics: AAP નું એલાન, સ્થાનિક સ્વરાજ ચૂંટણીમાં કોઈ ગઠબંધન નહીં, ઈશુદાને જાહેર કરી રણનીતિ
પવન સિંહે મારો ગર્ભપાત કરાવ્યો, મને ગોળીઓ ખડાવી, ભોજપુરી સ્ટારની પત્નીના ગંભીર આરોપ | Pawan Singh’
UP: પુત્રએ દરવાજો ખોલતાં જ માતાને લોહીના ખાબોચીયામાં જોઈ, 20 વર્ષનો ભાઈ ગુમ, આખરે લખનૌમાં શું થયું?
UP: મુસ્લિમ છોકરીઓની સેના બનાવીને મોહમ્મદ રઝા શું કરવા માંગતો હતો?
