New Delhi Election Result: દિલ્હી વિધાનસભામાં ચૂંટણીમાં આમ આદમી પાર્ટીના મોટા નેતાઓની હાર થઈ છે. અરવિંદ કેજરીવાલ, પૂર્વ ડેપ્યુટી સીએમ મનીષ સિસોદિયા જેવા ઘણા દિગ્ગજો ચૂંટણી મેદાનમાં હારી ગયા. જોકે, સીએમ આતિશી આ ચૂંટણી જીતી ગયા છે. આતિશીએ કાલકાજી બેઠક પરથી ભાજપના ઉમેદવાર રમેશ બિધુરીને 3500 મતોથી હરાવ્યા છે. આ જીત પછી, આતિશીએ ખૂબ ડાન્સ કર્યો છે. ડાન્સનો એક વિડિયો પણ વાઈરલ થયો છે. આ વીડિયો જોયા બાદ રાજ્યસભા સાંસદ સ્વાતિ માલીવાલે તેમના પર કટાક્ષ કર્યો છે.

શેર કરાયેલો વિડિઓ

જીત બાદ આતિશીએ જોરદાર ઉજવણી કરી હતી. તેણે હરિયાણવી ગીત ‘બાપ તો બાપ રહેગા’ પર ખૂબ નાચી હતી. ડાન્સ વીડિયોમાં તેમની સાથે આમ આદમી પાર્ટીના કાર્યકરો પણ જોવા મળી રહ્યા છે. પોતાનો વીડિયો શેર કર્યા પછી, રાજ્યસભા સાંસદ સ્વાતિ માલીવાલે કહ્યું, આ કેવા પ્રકારની બેશરમીનું પ્રદર્શન છે? પાર્ટી હારી ગઈ, બધા મોટા નેતાઓ હારી ગયા અને આતિશી માર્લેના આ રીતે ઉજવણી કરી રહી છે?

ઉલ્લેખનીય છે કે આતિશી અને સ્વાતિ માલીવાલ વચ્ચે ઘણીવાર શાબ્દિક યુદ્ધ જોવા મળે છે. આ પહેલા પણ ઘણી વાર માલીવાલ આતિશી પર કટાક્ષ કરતા જોવા મળ્યા છે. આ ઉપરાંત તેમણે કહ્યું કે ‘કોઈનો અભિમાન લાંબા સમય સુધી ટકતો નથી.’ રાવણનું પણ અભિમાન તૂટી ગયું, આ અરવિંદ કેજરીવાલ છે. આજે દિલ્હી સંપૂર્ણપણે કચરાના ઢગલા જેવું બની ગયું છે. રસ્તાઓ તૂટેલા છે, લોકોને પાણી નથી મળી રહ્યું. વાયુ પ્રદૂષણ તેની ચરમસીમાએ છે. યમુના સાફ ન થઈ. લોકોએ આ જનાદેશ આપ્યો છે કારણ કે તેઓ આ મુદ્દાઓથી પરેશાન છે.

વિડિયો જોવ લીંક પર ક્લિક કરો!

https://x.com/SwatiJaiHind/status/1888255492469997918

કોણ છે આતિશી?

આતિશી સિંહે પોતાનું સ્કૂલિંગ નવી દિલ્હીની સ્પ્રિંગડેલ્સ સ્કૂલમાંથી કર્યું. આતિશીએ દિલ્હીની સેન્ટ સ્ટીફન કોલેજમાંથી ઇતિહાસમાં સ્નાતકની ડિગ્રી મેળવી. આતિશીએ ચેવેનિંગ સ્કોલરશિપ હેઠળ ઓક્સફર્ડ યુનિવર્સિટી (2003)માંથી ઇતિહાસમાં માસ્ટર ડિગ્રી મેળવી. આતિશીએ 2005માં ઓક્સફર્ડની મેગ્ડાલેન કોલેજમાંથી રોડ્સ સ્કોલર બનીને પોતાની શૈક્ષણિક ક્ષમતામાં વધુ વધારો કર્યો. ઓગસ્ટ 2024 માં, આતિશી દિલ્હીના મુખ્યમંત્રી બની હતી.

આ પણ વાંચોઃ Delhi: દિલ્હીમાં AAP સરકારનો સૂરજ આથમી ગયો, હવે અરવિંદ કેજરીવાલ શું કરશે?

આ પણ વાંચોઃ દિલ્હી દરબારમાં બીજેપી પરત ફરતાં પીએમ મોદી કરશે કાર્યકરોને સંબોધિત

આ પણ વાંચોઃ કોણ બનશે દિલ્હીનો નવો મુખ્યમંત્રી? ટોપ પર છે ચાર નામ