T. Raja Singh’s Resignation From BJP: તેલંગાણા ભાજપમાં હાલ ખળભળાટ મચી ગયો છે. કારણ કે ભાજપના ફાયરબ્રાન્ડ નેતા અને કટ્ટર હિન્દુત્વની છબી ધરાવતાં ગોશામહલ વિધાનસભાના ધારાસભ્ય ટી રાજા સિંહે ભાજપમાંથી રાજીનામું આપી દીધું છે. તેલંગાણા ભાજપ પ્રમુખ તરીકે એન રામચંદ્ર રાવના નામ પર ભાજપે સંમતિ દર્શાવ્યા બાદ ટી રાજા સિંહે આ નિર્ણય લીધો છે. એવું કહેવામાં આવી રહ્યું છે કે ટી રાજા સિંહ આ નિર્ણયથી નારાજ છે.
The silence of many should not be mistaken for agreement.
I speak not just for myself, but for countless karyakartas and voters who stood with us with faith, and who today feel let down.
Jai Shri Ram 🚩 pic.twitter.com/JZVZppknl2
— Raja Singh (@TigerRajaSingh) June 30, 2025
ટી રાજા સિંહ કોણ છે?
ટી રાજા સિંહ(T. Raja Singh)નેને ટાઈગર રાજા સિંહ તરીકે ઓળખવામાં આવે છે. તેઓ અત્યાર સુધી તેલંગાણાના ગોશામહલ વિધાનસભા મતવિસ્તારથી ભાજપના ધારાસભ્ય હતા. તેમનો જન્મ 15 એપ્રિલ 1977 ના રોજ હૈદરાબાદના ધુલેપેટ ગામમાં લોધી સમુદાયના પરિવારમાં થયો હતો. તેઓ તેમના કટ્ટર હિન્દુત્વના વિચારો માટે જાણીતા છે અને તેમના વિવાદાસ્પદ નિવેદનોને કારણે ઘણીવાર હેડલાઇન્સમાં રહે છે.
ટી રાજા સિંહે 2009 માં તેલુગુ દેશમ પાર્ટી (TDP) થી પોતાની રાજકીય કારકિર્દી શરૂ કરી હતી. આ સમય દરમિયાન તેઓ ગ્રેટર હૈદરાબાદ મ્યુનિસિપલ કોર્પોરેશનના સભ્ય તરીકે ચૂંટાયા હતા પરંતુ 2014 માં તેઓ ભાજપમાં જોડાયા હતા. આ પછી તેઓ 2014, 2018 અને 2023 માં ગોશામહલ વિધાનસભા બેઠક પરથી જીત્યા હતા. તેઓ એક માત્ર ભાજપ ધારાસબ્ય હતા કે જેમણે 2018 માં, તેલંગાણા રાષ્ટ્ર સમિતિ (TRS, હવે BRS)વર્ચસ્વ હોવા છતાં જીત્યા હતા.
ભાજપે 2018 માં સસ્પેન્ડ કર્યા પછી પાછા પક્ષમાં લીધા
ઓગસ્ટ 2022 માં, ભાજપે ટી રાજા સિંહને પયગંબર મુહમ્મદ પરની વિવાદાસ્પદ ટિપ્પણી બદલ સસ્પેન્ડ કર્યા હતા. આ સમય દરમિયાન તેમની ધરપકડ પણ કરવામાં આવી હતી. જો કે ઓક્ટોબર 2023 માં તેમનું સસ્પેન્શન રદ કરવામાં આવ્યું હતું અને તેમને 2023 ની તેલંગાણા વિધાનસભા ચૂંટણી માટે ગોશામહલથી ટિકિટ આપવામાં આવી હતી.
30 જૂન 2025ના રોજ, ફરી એકવાર ટી રાજા સિંહ અને ભાજપ વચ્ચે મતભેદ થયા અને તેમણે ભાજપમાંથી રાજીનામું આપી દીધું. હવે જોવાનું એ છે કે ભાજપ તેમને ફરીથી મનાવી શકે છે કે ટી રાજા કોઈ નવી પાર્ટીમાં જોડાય છે. એવી પણ ચર્ચા ચાલી રહી છે કે શું ટી રાજા સિંહ પોતાની નવી પાર્ટી બનાવશે? આ બધા પ્રશ્નોના જવાબ ભવિષ્યમાં જ મળશે.
