India’s Response to China on Arunachal Pradesh: ચીનના શાંઘાઈ એરપોર્ટ પર અરુણાચલ પ્રદેશની ભારતીય મહિલા પેમ વાંગજોમ થાંગડોકના ભારતીય પાસપોર્ટને અમાન્ય ગણાવીને ચીની અધિકારીઓ દ્વારા કરાયેલા અપમાન જનક વ્યવહાર અને અરુણાચલ ચીનનું હોવાનું કરેલું નિવેદન ચર્ચામાં આવ્યા બાદ હવે ફરી એકવાર
ચીને ફરી તેની ઔકાત બતાવી છે અને અરુણાચલ પ્રદેશને પોતાનો પ્રદેશ ગણાવ્યો છે.
ચીનના વિદેશ મંત્રાલયના પ્રવક્તા માઓ નિંગે જણાવ્યું હતું કે ઝાંગનાન (અરુણાચલ પ્રદેશ) અમારો ભાગ છે. તેમણે ઉમેર્યું હતું કે ચીને ક્યારેય ભારતના ગેરકાયદેસર રીતે હસ્તગત કરેલા અરુણાચલ પ્રદેશને માન્યતા આપી નથી.ચીનનું આ નિવેદન શાંઘાઈ એરપોર્ટ પર ભારતીય મહિલા પેમ વાંગજોમ થાંગડોક સાથે દુર્વ્યવહારના આરોપોના જવાબમાં આવ્યું છે.
ચીને પેમ સાથે દુર્વ્યવહારના આરોપોને પણ નકારી કાઢ્યા હતા.માઓએ જણાવ્યું હતું કે તે મહિલા સાથે કોઈ બળજબરી અટકાયત કે ઉત્પીડનનો ભોગ બનાવવામાં આવી ન હતી અને એરલાઈને તેમને આરામ, પાણી અને ખોરાક પણ પૂરો પાડ્યો હતો.
યુકેમાં રહેતી ભારતીય પેમે આરોપ લગાવ્યો હતો કે ચીની અધિકારીઓએ તેમના ભારતીય પાસપોર્ટને અમાન્ય જાહેર કર્યો હતો કારણ કે તેમાં અરુણાચલ પ્રદેશને તેમનું જન્મસ્થળ ગણાવવામાં આવ્યું હતું. તે 21 નવેમ્બરના રોજ લંડનથી જાપાન જઈ રહી હતી.
ચીનના નિવેદન પર પ્રતિક્રિયા આપતા, ભારતીય વિદેશ મંત્રાલયના પ્રવક્તા રણધીર જયસ્વાલે કહ્યું કે અરુણાચલ પ્રદેશ ભારતનો અભિન્ન અને અવિભાજ્ય ભાગ છે.ચીન ગમે તેટલું નકારે, સત્ય બદલાઈ શકતું નથી.ભારતે ચીની અધિકારીઓ સમક્ષ સખત વિરોધ નોંધાવ્યો છે. ભારતે સ્પષ્ટપણે કહ્યું છે કે અરુણાચલ પ્રદેશ દેશનો અભિન્ન અને અવિભાજ્ય ભાગ છે, અને ચીન દ્વારા કોઈપણ ટિપ્પણી સત્યને બદલી શકે તેમ નથી.
જોકે, ચીન સતત દાવો કરે છે કે અરુણાચલ પ્રદેશ ભારતનો નહીં, પરંતુ તેનો ભાગ છે,આજ કારણોસર તે ઘણીવાર ભારતીય નાગરિકો,ખાસ કરીને અરુણાચલમાં જન્મેલા લોકોના દસ્તાવેજો સ્વીકારવાનો ઇનકાર કરે છે.
ત્યારે આ વખતે ભારતે સખત વિરોધ કર્યો છે.
આ પણ વાંચો:
Rupee Hits Record Low Against Dollar: ભારતના ઇતિહાસમાં પ્રથમવાર રૂપિયો આટલો નબળો પડયો:મોંઘવારી વધશે
