Statement controversy: કોંગ્રેસ નેતા સામ પિત્રોડા ફરીએકવાર વિવાદમાં આવ્યા છે. સામ પિત્રોડાએ એક ઇન્ટરવ્યુમાં કહ્યું કે ચીન તરફથી ધમકી ઘણીવાર અતિશયોક્તિપૂર્ણ હોય છે. તેમણે કહ્યું કે ભારતે ચીનને દુશ્મન માનવું બંધ કરવું જોઈએ. જોકે આ નિવેદન બાદ રાજકારણ ગરમાયું છે. ભાજપે તેમની પ્રતિક્રિયા પર આકરા પ્રહાર કર્યા છે, અને સામ પિત્રોડાને જવાબ આપ્યો છે. ભાજપે આ નિવેદન પર કોંગ્રેસ પાર્ટી પર ‘ચીન પ્રત્યે ઝનૂની આકર્ષણ’ હોવાનો આરોપ લગાવ્યો છે.
ચીન દ્વારા ઉભા કરાયેલા ખતરાનો જવાબ
કોંગ્રેસના વરિષ્ઠ નેતા પિત્રોડાએ કહ્યું હતુ કે બધા દેશોએ સહયોગ કરવો જોઈએ અને લડવાનું બંધ કરવું જોઈએ. શરૂઆતથી જ અમારો અભિગમ સંઘર્ષાત્મક રહ્યો છે અને આ વલણ દુશ્મનો પેદા કરે છે, જેમને દેશમાં સમર્થન મળે છે. પિત્રોડાએ કહ્યું કે આપણે આ માનસિકતા બદલવાની જરૂર છે અને એવું માનવું બંધ કરવાની જરૂર છે કે ચીન પહેલા દિવસથી જ દુશ્મન રહ્યું છે. વાસ્તવમાં, પિત્રોડાએ આ વાત એક પ્રશ્નના જવાબમાં કહી હતી.
ભાજપે આપ્યો જવાબ
પિત્રોડાના નિવેદન પર ભાજપે પ્રતિક્રિયા આપી છે. ભાજપના નેતા સુધાંશુ ત્રિવેદીએ કહ્યું કે સામ પિત્રોડાએ કોંગ્રેસ પાર્ટીના ચીન સાથેના કરારનો ખુલ્લેઆમ પર્દાફાશ કર્યો છે. ગંભીર વાત એ છે કે સામ પિત્રોડાએ જે કંઈ કહ્યું છે તે ભારતની ઓળખ, રાજદ્વારી અને સાર્વભૌમત્વ માટે ખૂબ જ ઊંડો પ્રહાર છે. ભાજપના નેતાએ કહ્યું કે રાહુલ ગાંધીએ વિદેશમાં પણ આવા જ ઘણા નિવેદનો આપ્યા છે.
આ પણ વાંચોઃ Murder: કર્ણાટકમાં ઘરના મોભીએ પરિવારના 3 લોકોને ઝેર આપી મારી નાખ્યા, પોતે પણ કર્યો આપઘાત
આ પણ વાંચોઃ રાજકોટ: મહિલા દર્દીઓની તપાસના વિડિયો યુટ્યુબ પર અપ્લોડ કરતાં તપાસના આદેશ, જીલ્લાની હોસ્પિટલો પર તવાઈ
