kheda: ગુજરાતમાં છેલ્લા કેટલાક દિવસોથી વરસાદી સિસ્ટમ સક્રિય થતા કમોસમી વરસાદ ખાબકી રહ્યો છે જેના કારણે રાજ્યમાં ખેડૂતોની ચિંતા પણ વધી છે. તાજેતરમાં રાજ્યના વિવિધ જિલ્લાઓમાં વાવાઝોડા સાથે માવઠું આવ્યું હતુ. આ માવઠાને કારણે ખેડૂતોના ઉનાળુ પાકને મોટુ નુકસાન પહોંચ્યું છે.
કમોસમી વરસાદથી ખેડાના કઠલાલ તાલુકામાં પાક નુકસાન
મળતી માહિતી મુજબ ખેડા જિલ્લામાં પણ તાજેતરમાં વરસેલા વરસાદથી ખેતી પાકને મોટુ નુકસાન પહોંચ્યું હોવાનું સામે આવ્યું છે. કઠલાલ તાલુકામાં બાજરી, જુવાર જેવા તૈયાર થયેલા પાકોના લણની સમયે વરસાદ વરસતા ખેડૂતોના મોંએ આવેલો કોળીયો છીનવાયો છે.
kheda: ખેડૂતો માટે આફત બન્યો વરસાદ, મોઢામાં આવેલો કોળીયો ઝૂંટવાયો#kheda #gujaratrains #rain #monsoon #monsoon2025 #gujaratmonsoon #weatherupdate #gujaratweather #rainforecast #weather #thegujaratreport pic.twitter.com/WZWRUvGxrH
— The Gujarat Report (@TGujarat_Report) May 30, 2025
ખેડૂતોના માથે આભ ફાટ્યા જેવી સ્થિતિ
ગુજરાતમાં હાલ પડી રહેલા માવઠાએ ખેડૂતોના મોઢામાં આવેલો કોળીયો ઝુંટવી લીધો છે. ખેડૂતોના તૈયાર પાક પર વરસાદી પાણી ફરી વળતા ખેડૂતને મોટું નુકસાન પહોંચ્યું છે. 3 માસ સુધી ખેત મજૂરી કરીને તેમાં ખાતર પાણી બિયારણ સહિતનું ખર્ચ કરીને તૈયાર કરેલો પાક કમોસમી વરસાદમાં ધોવાઈ જતા ખેડૂતોના માથે આભ ફાટ્યા જેવી સ્થિતિનું નિર્માણ થયું છે.
ખેડૂતોને મળશે પાક નુકસાનીનું વળતર ?
જ્યારે પણ વરસાદથી ખેડૂતોને નુકસાન થાય ત્યારે ખેતીવાડી વિભાગ તેમજ રાજ્ય સરકાર દ્વારા પાક નુકસાનીનું સર્વે કરી વળતર ચૂકવવાની વાતો પણ કરવામાં આવતી હોય છે પરંતુ ખરેખરમાં ખેડૂતોને તેનું વળતર મળતું નથી. ત્યારે રાજ્ય સરકાર દ્વારા કમોસમી વરસાદ તેમજ વાવાઝોડાથી ખેતીમાં થયેલા નુકસાનીનું સર્વે કરી ઝડપીથી વળતર ચૂકવવામાં આવે તેવી માગ પણ કરવામાં આવી રહી છે.
આજે આ જિલ્લામાં વરસાદની આગાહી
હવામાન વિભાગે 30 મેના રોજ વાવાઝોડા અને વીજળીના ચમકારાની શક્યતા વ્યક્ત કરી છે. જ્યારે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, રાજપુર, સુરેન્દ્રનગર, વડોદરામાં છૂટાછવાયા સ્થળોએ હળવા વરસાદ માટે યલો એલર્ટ જાહેર કરવામાં આવ્યું છે. જામનગર, પોરબંદર, જૂનાગઢ, મોરબી, દ્વારકા, બોટાદ અને કચ્છ જિલ્લાઓ. 30 મે, 2025 ના રોજ, ગીર સોમનાથ, અમરેલી, ભાવનગર, સાબરકાંઠા, અરવલ્લી, મહિસાગર, દાહોદ, પંચમહાલ, વડોદરા, છોટા ઉદેપુર સહિતના જિલ્લાઓમાં હળવાથી મધ્યમ વરસાદ પડી શકે છે.
આ પણ વાંચો:
રાજકોટમાંથી હીરા ચોરી કરનાર શખ્સ ઝડપાયો, આ રીતે પોલીસે દબચ્યો? | Diamond theft
Punjab: ફટાકડા ફેક્ટરીમાં વિસ્ફોટ, 4 લોકોના મોત, 25 ઘાયલ
Gujarat Weather Update: આજે ગુજરાતના 10 જિલ્લામાં ભારે વરસાદની ચેતવણી, જાણો હવામાન વિભાગની નવી આગાહી
Trump Tarrif: ટ્રમ્પને ટેરિફ લાદવાનું ચાલુ રાખવાની મંજૂરી, જાણો શું દલીલ કરવામાં આવી?
Gram Panchayat Elections: કડી-વિસાવદર મતવિસ્તારની ગ્રામ પંચાયતની ચૂંટણી મોકૂફ, જાણો શું છે કારણ
અફઘાનિસ્તાને પાકિસ્તાન પર હુમલો કર્યો, BLA નો દાવો | Afghanistan | Pakistan | attack
Sabarkantha: તલોદ માર્કેટયાર્ડમાં બાજરીના ભાવ ઓછા બોલાતા ખેડૂતો વિફર્યા
