Maharashtra: મહારાષ્ટ્રના સતારા જિલ્લામાંથી એક સનસનાટીભરી ઘટના સામે આવી છે. ફલટન સબડિસ્ટ્રિક્ટની એક હોસ્પિટલમાં ફરજ બજાવતી મહિલા ડોક્ટર ડૉ. સંપદા મુંડેએ આત્મહત્યા કરી લીધી છે. પ્રાથમિક માહિતી મુજબ, ડૉ. મુંડે છેલ્લા કેટલાક મહિનાઓથી પોલીસ અને આરોગ્ય વિભાગ વચ્ચેના વિવાદમાં ફસાયેલા હતા. તેમણે હાથમાં સુસાઇડ નોટ લખીને આત્મહત્યા કરી લીધી.
મહિલા ડોક્ટરે હાથમાં સુસાઇડ નોટ લખીને જીવન ટૂંકાવ્યું
એવું કહેવાય છે કે તબીબી તપાસ અંગે તેણીનો પોલીસ અધિકારીઓ સાથે વિવાદ થયો હતો. ત્યારબાદ, તેણી સામે વિભાગીય તપાસ શરૂ કરવામાં આવી હતી. તેણીના ઉપરી અધિકારીઓને લખેલી લેખિત ફરિયાદમાં, ડૉ. મુંડેએ જણાવ્યું હતું કે, “મારી સાથે અન્યાય થઈ રહ્યો છે અને જો આ પરિસ્થિતિ ચાલુ રહેશે તો હું આત્મહત્યા કરીશ.”
પોલીસ અધિકારીઓ પર ગંભીર આરોપો
કમનસીબે, ગઈકાલે રાત્રે મહિલા ડોક્ટર સંપદા મુંડેએ આ આત્યંતિક પગલું ભર્યું. મૃતક ડોક્ટરે એક હસ્તલિખિત સુસાઇડ નોટ છોડી દીધી અને કેટલાક પોલીસ અધિકારીઓ પર ગંભીર આરોપો લગાવ્યા. પોલીસ હાલમાં આ મામલાની તપાસ કરી રહી છે.
આ પણ વાંચો:
Vadodara: નશામાં ધૂત કારચાલકે 4 વાહનોને અડફેટે લીધા, સૂતા બાળકનું મોત, લોકો ચાલકને ધોઈ નાખ્યો
Gandhinagar: ધારાસભ્યો માટે આલિશાન ફ્લેટ, સ્વિમિંગ પૂલ, જીમ, પણ જનતાની મૂળભૂત સુવિધાઓનું શું?
