Kaal Chakra Part-56: ગુજરાત, એક રાજ્ય જે વિકાસના નામે દેશભરમાં ચર્ચામાં રહે છે, તે આજે ભ્રષ્ટાચારના આક્ષેપોના કેન્દ્રમાં છે. છેલ્લા 15 વર્ષમાં રાજ્યમાં થયેલા અનેક કૌભાંડોની યાદી એટલી લાંબી છે કે તે સામાન્ય નાગરિકોના મનમાં ગંભીર સવાલો ઉભા કરે છે.
વડાપ્રધાન નરેન્દ્ર મોદીએ 2010માં દાવો કર્યો હતો કે, “વચેટીયાઓ અને ભ્રષ્ટાચારીઓને દૂર કરવામાં આવ્યા છે,” અને “સરકાર એક રૂપિયો ખર્ચે તો 100 ટકા નાગરિકો સુધી પહોંચે છે.” પરંતુ આ નિવેદનોની સામે રાજ્યમાં ખર્બો રૂપિયાના કૌભાંડોના આંકડાઓ એક અલગ જ વાસ્તવિકતા રજૂ કરે છે. આ લેખમાં અમે આવા કેટલાક મોટા કૌભાંડોની વિગતો રજૂ કરીએ છીએ, જે ગુજરાતના રાજકીય અને આર્થિક ઇતિહાસનો એક શરમજનક અધ્યાય બની રહ્યા છે.
1. કોલ ઇન્ડિયા કૌભાંડ: 6,000 કરોડની લૂંટકોલ ઇન્ડિયાનો સસ્તો કોલસો ગુજરાતના નાના ઉદ્યોગોને આપવાને બદલે ઊંચા ભાવે વેચીને 6,000 કરોડ રૂપિયાનું કૌભાંડ આચરવામાં આવ્યું. આ કૌભાંડમાં મોટા ઉદ્યોગપતિઓ અને સરકારી અધિકારીઓની મિલીભગતની શંકા છે, જેના કારણે નાના ઉદ્યોગોને નુકસાન થયું અને જનતાના પૈસાનો દુરુપયોગ થયો.
2. GST બોગસ બિલિંગ: 1 લાખ કરોડનું કૌભાંડGSTના અમલ બાદ 2025 સુધીમાં બિલ્ડીંગ ચોરી અને બોગસ બિલિંગના નામે 1 લાખ કરોડ રૂપિયાનું કૌભાંડ થયું. 282 કંપનીઓએ બોગસ બિલિંગ દ્વારા 6,000 કરોડથી વધુની લૂંટ કરી, જેમાં મહેશ શાહનું 20,000 કરોડનું ચલણી નોટોનું કૌભાંડ પણ સામેલ છે. આ ઉપરાંત, ભરત ભગવાનદાસ સોની દ્વારા અમદાવાદના રાણીપમાં 10,000 કરોડનું GST બોગસ બિલિંગ કૌભાંડ પણ ચોંકાવનારું છે.
3. મનરેગા યોજનામાં ગોટાળો: અબજો રૂપિયાની લૂંટમહાત્મા ગાંધી રાષ્ટ્રીય ગ્રામીણ રોજગાર ગેરંટી યોજના (મનરેગા)માં ત્રણ જિલ્લાઓમાં 2,500 કરોડનું કૌભાંડ થયું, જે આખા રાજ્યમાં અબજો રૂપિયાના ગોટાળામાં પરિણમ્યું. આ યોજના ગરીબ મજૂરોના ઉત્થાન માટે હતી, પરંતુ અધિકારીઓ અને રાજકીય નેતાઓએ મળીને આ ફંડનો દુરુપયોગ કર્યો.
4. ગરીબોનું અનાજ વેચી મારવાનું કૌભાંડ: 1 લાખ કરોડગરીબો માટેનું અનાજ વેચી મારવાનું 10 વર્ષમાં 1 લાખ કરોડ રૂપિયાનું રાજ્યવ્યાપી કૌભાંડ થયું. આ કૌભાંડે ગરીબોના હક્કનું અનાજ બજારમાં વેચીને અધિકારીઓ અને મળતીઆઓને લાભ પહોંચાડ્યો, જ્યારે ગરીબો ભૂખ્યા રહ્યા.
5. જમીન રિસરવે અને બનાવટી પ્રોપર્ટી કાર્ડ: ખર્બોનું કૌભાંડભારતના ઇતિહાસમાં સૌથી મોટું જમીન રિસરવે કૌભાંડ ગુજરાતમાં થયું, જેમાં ખર્બો રૂપિયાની જમીન બદલી થઈ. સુરતમાં બનાવટી પ્રોપર્ટી કાર્ડ દ્વારા સાઈલન્ટ ઝોનના નામે 2,500 કરોડની ખેડૂતોની જમીનોનું કૌભાંડ થયું. આ ઉપરાંત, 2014માં 10,000 કરોડની 9.33 કરોડ ચોરસ મીટર ગૌચર જમીન પર દબાણ કરવામાં આવ્યું, અને 3,000 ગામો ગૌચર વગરના થઈ ગયા. ઉદ્યોગપતિઓને 10 લાખ કરોડની 491 કરોડ ચોરસ મીટર જમીન ટેન્ડર વગર આપવામાં આવી.
6. ગેરકાયદે દારૂ અને શેર માર્કેટ કૌભાંડ: ગેરકાયદે દારૂ વેચવા અને હપ્તા લેવાનું દર વર્ષે 33,000 કરોડનું કૌભાંડ ચાલી રહ્યું છે. સુરતમાં 948 કરોડનું શેર માર્કેટનું ગેરકાયદે ટ્રેડિંગ અને ગેમિંગ કૌભાંડ પણ સામે આવ્યું છે. આ ઉપરાંત, BZ ફાયનાન્સના 11,183 રોકાણકારોના 8,000 કરોડનું કૌભાંડ થયું, જેમાં પોલીસે માત્ર 422 કરોડનું બતાવ્યું.
7. અમૂલ ચીઝ કૌભાંડ: 450 કરોડનો પડદોટેસ્ટ ઓફ ઇન્ડિયા – અમૂલનું 450 કરોડનું ચીઝ કૌભાંડ પર પડદો પાડી દેવાયો, જેમાં ગુણવત્તા સાથે ચેડાં કરીને મોટા પાયે નાણાંનો દુરુપયોગ થયો.
8. ગુજરાત રાજ્ય માર્ગ પરિવહન નિગમ: 111 કરોડનું કૌભાંડગુજરાત રાજ્ય માર્ગ પરિવહન નિગમે 111 કરોડના ખર્ચે 520 મીડીબસ ખરીદવાનું કૌભાંડ કર્યું, જેમાં ટાયર કૌભાંડ પણ સામેલ છે.
9. ગૌહત્યા અને ખનિજ લૂંટ, 24 લાખ કરોડની લૂંટ: 80 લાખ બળદોને કતલખાને ધકેલી દેવાનું ગૌહત્યા કૌભાંડ અને રૂપાણીના 5 વર્ષમાં 8 લાખ કરોડની ખનિજ લૂંટ થઈ. 15 વર્ષમાં આ આંકડો 24 લાખ કરોડ સુધી પહોંચ્યો. સુરેન્દ્રનગરમાં 20 વર્ષમાં 50,000 કરોડનો કોલસો ખાણમાંથી કાઢી લેવાયો.
10. નોટબંધી અને અન્ય કૌભાંડો: 2016ની નોટબંધી દરમિયાન ભાજપની કચેરીઓમાં 1 લાખ કરોડની ચલણી નોટો હોવાનું કૌભાંડ બહાર આવ્યું. આ ઉપરાંત, 19 સહકારી ડેરીઓમાં 2,000 સગાઓની ભરતીનું 2,000 કરોડનું કૌભાંડ અને 50,000 કર્મચારીઓની ભરતીમાં અબજો રૂપિયાનું કૌભાંડ થયું.
11. જળ અને સ્વચ્છતા યોજનાઓમાં ગોટાળા: 25,000 કરોડના ખર્ચે 100 ટકા ઘરોમાં નળથી પાણી આપવાના બદલે 50 ટકા ઘરોમાં 5,000 કરોડનું કૌભાંડ થયું. વ્યક્તિગત શૌચાલય બનાવવા માટે 12,000 રૂપિયા આપવામાં આવ્યા, પરંતુ શૌચાલયો બન્યા નહીં, જેનાથી કરોડોનું કૌભાંડ થયું
12. આયુષ્માન કાર્ડ અને જમીન ઝોન ફેરફાર: 2020માં 61,000 ભૂતિયા આયુષ્માન કાર્ડ રદ કરાયા, અને 1,700 હોસ્પિટલોમાં અબજોનું કૌભાંડ થયું. રાજકોટ, અમદાવાદ, સુરત અને વડોદરામાં 1,111 એકર જમીનના ઝોન ફેરફારમાં 1,000 કરોડનું કૌભાંડ થયું. પ્રજાના પૈસાની લૂંટઆ તમામ કૌભાંડો દર્શાવે છે કે ગુજરાતમાં છેલ્લા 15 વર્ષમાં ખર્બો રૂપિયાની જનતાની સંપત્તિનો દુરુપયોગ થયો છે.
જુઓ કૌભાંડો અને ભ્રષ્ટાચાર વધુ ખૂલાસા…
આ પણ વાંચો:
Politics: ‘આ લોકોને 6 મહિનામાં ભાગવું પડશે, આખું રાજકારણ બદલાઈ જશે’, શું ઉથલપાથલ થવાની છે?
BIHAR: મતદાર યાદીમાંથી સૌથી વધુ મહિલાઓ અને મુસ્લિમ પ્રભુત્વ ધરાવતા જીલ્લાઓના લોકોને હટાવાયા
AMTSનું મોટું કૌભાંડ: એરો ઈગલને ઉંચા ભાવે 225 બસનો કોન્ટ્રાક્ટ, રૂ. 200 કરોડનું નુકસાન!
Shibu Soren: ઝારખંડના પૂર્વ CM શિબુ સોરેનનું નિધન, લાંબા સમયથી બીમાર હતા
UP: નેપાળી યુવતીને ટોળું સમજી બેઠું ચોર, યુવતી ધાબા પરથી કૂદી ગઈ છતાં છોડી નહીં, જાણો પછી શું થયું?
AI ગર્લફ્રેન્ડથી પ્રખ્યાત રોબોટ ‘મેલોડી’ શું કરી શકે છે?, જાણી દંગ રહી જશો
