Russia-Ukraine War: આજે રવિવારે( 1 જૂન, 2025) યુક્રેનની સુરક્ષા સેવા (SBU) એ રશિયા પર અત્યાર સુધીનો સૌથી મોટો હુમલો કર્યો હોવાના અહેવાલો છે. SBU એ રશિયન હવાઈ મથકોને નિશાન બનાવ્યા છે. કિવ ઇન્ડિપેન્ડન્ટે એક સૂત્રને ટાંકીને લખ્યું છે કે આ હુમલામાં 40 થી વધુ રશિયન બોમ્બર જેટને નુકસાન થયું છે. સમાચાર એજન્સી એએફપી અનુસાર આજે જ રશિયામાં બે પુલોને પણ નિશાન બનાવવામાં આવ્યા હતા. જેમાં 7 લોકોના મોત થયા હતા.
પ્રાપ્ત માહિતી અનુસાર યુક્રેન દ્વારા કરવામાં આવેલા મોટા ડ્રોન હુમલા બાદ ઓલેન્યા એરબેઝ પર ઘણા રશિયન વ્યૂહાત્મક બોમ્બર્સમાં આગ લાગી છે. એવું કહેવામાં આવી રહ્યું છે કે યુક્રેને રશિયાના એરબેઝ 0106 ને નિશાન બનાવ્યું છે. ઇર્કુત્સ્ક પ્રદેશના રશિયન ગવર્નરે જાહેરાત કરી છે કે યુક્રેનિયન રિમોટ-કંટ્રોલ્ડ યુએવીએ સ્રેડિની ગામમાં એક લશ્કરી એકમ પર હુમલો કર્યો છે.
યુક્રેને કહ્યું છે કે તેણે રશિયાની અંદર અનેક હવાઈ મથકો પર ડ્રોનથી હુમલો કર્યો છે, જેમાં 40 થી વધુ રશિયન બોમ્બર વિમાનોનો નાશ કરવામાં આવ્યો છે, જેનો ઉપયોગથી રશિયા યુક્રેન પર બોમ્બમારો કરવા માટે કરી રહ્યું હતું. યુક્રેન કહે છે કે આ એ જ વિમાનો છે જે વારંવાર યુક્રેન ઉપર ઉડાન ભરે છે અને બોમ્બ ફેંકે છે.
યુક્રેનની સુરક્ષા સેવા (SBU) ના એક અધિકારીએ જણાવ્યું હતું કે તેમના ડ્રોન રશિયન ક્ષેત્રમાં ઊંડે સુધી જવા અને Tu-95, Tu-22 અને મોંઘા અને દુર્લભ A-50 જાસૂસી વિમાન જેવા મોટા બોમ્બરોને નુકસાન પહોંચાડવામાં સક્ષમ હતા.
SBU એ જણાવ્યું હતું કે આ હુમલો રશિયાના ઇર્કુત્સ્કના દૂરના વિસ્તારમાં સ્થિત “બેલાયા” એર બેઝ પર થયો હતો. આ ઉપરાંત “ઓલેન્યા” એર બેઝ પર પણ આગ લાગવાના અહેવાલો છે, પરંતુ હજુ સુધી તેની સત્તાવાર પુષ્ટિ થઈ નથી.
Tu-22 એક હાઇ સ્પીડ એરક્રાફ્ટ છે, જે ખાસ કરીને મિસાઇલો લઈ જઈ શકે છે. યુક્રેન માટે આ વિમાના હુમલાઓને રોકવા સરળ નથી. જ્યાં સુધી તેઓ અમેરિકા અથવા યુરોપની સૌથી અદ્યતન સુરક્ષા પ્રણાલીઓનો ઉપયોગ ન કરે. A-50 એક દુર્લભ અને મોંઘુ જાસૂસી વિમાન છે; રશિયા પાસે આવા લગભગ 10 જેટ છે, જેની કિંમત લગભગ $350 મિલિયન છે.
વિશ્વનું સૌથી મોટું બોમ્બર, Tu-160, 1980 ના દાયકામાં બનાવવામાં આવ્યું હતું, પરંતુ હજુ પણ તેને રશિયન વાયુસેનાનું સૌથી ખતરનાક વિમાન માનવામાં આવે છે. તે ઘણી શક્તિશાળી મિસાઇલો લઈ જવામાં સક્ષમ છે. યુક્રેને કહ્યું કે તેમના પર હુમલો એટલા માટે કરવામાં આવ્યો કારણ કે વિમાનો લગભગ દરરોજ રાત્રે યુક્રેનિયન શહેરો પર બોમ્બમારો કરે છે. યુક્રેનને આશા છે કે આ મોટા પાયે ડ્રોન હુમલો તેમને બોમ્બમારો ઘટાડવામાં મદદ કરશે.
આ હુમલાની હજુ સુધી રશિયા કે અન્ય દેશો દ્વારા સત્તાવાર પુષ્ટિ કરવામાં આવી નથી, અને કેટલીક વિગતો બદલાઈ શકે છે, પરંતુ જો સાચું હોય, તો આ યુક્રેનનો રશિયન હવાઈ શક્તિ પર અત્યાર સુધીનો સૌથી મોટો હુમલો હશે. યુક્રેને કહ્યું છે કે તેના ડ્રોન ઉડતા રહેશે અને તે બદલો લેવાનું ચાલુ રાખશે.
આ પણ વાંચો:
ભારતીય જેટને નુકસાન થયું, CDS અનિલ ચૌહાણનો પહેલીવાર સ્વીકાર
Ahmedabad: નશામાં ચકનાચૂર પોલીસે 3 લોકોને અડફેટે લીધા, પોલીસે લોકોના હાથે માર ખાધો
Amreli માં પોલીસ અને ભાજપા નેતાઓ આમને સામને આવી ગયા!
પૂર્વોત્તર રાજ્યોમાં વરસાદનો કહેર, અત્યાર સુધીમાં 30 લોકોના મોત | Flood
શશિ થરૂર, સલમાન ખુર્શીદ અને મનીષ તિવારી… રાહુલ ગાંધી કેમ અલગ થઈ રહ્યા છે? | Congress
ભારતના મિત્ર ગણાતો રશિયા અને પાકિસ્તાન સાથે કામ કરશે, થયા કરાર
શશિ થરૂર, સલમાન ખુર્શીદ અને મનીષ તિવારી… રાહુલ ગાંધી કેમ અલગ થઈ રહ્યા છે? | Congress
‘ગપ્પુ ગપગોળા ફેકવાનું ક્યારે બંધ કરશે?’ | FENKU | FAKE
