Sabarkantha: તલોદ માર્કેટયાર્ડમાં બાજરીના ભાવ ઓછા બોલાતા ખેડૂતો વિફર્યા

Sabarkantha Farmer Pain News: ભાજપા સરકારમાં ખેડૂતોની સ્થિતિ ખબૂ જ ખરાબ થઈ રહી છે. તેમને ટેકાના ભાવ લેવા માટે પણ વલખાં મારવા પડી રહ્યા છે. સરકાર દ્વારા ખેડૂતોની સામુ જોતી નથી. હાલમાં વરસાદી માહોલને કારણે ખેડૂતોને ભારે નુકસાન થયું છે. ખેડૂતોનો પાક ભીંજાઈ ગયો છે. ત્યારે હવે સાબરકાંઠામાં ખેડૂતોને બાજરીના પાકના ભાવ સાવ ઓછા મળી રહ્યા છે. જેથી ખેડૂતોમાં નિરાશા સાથે રોષ ભભૂક્યો છે.

વેપારીઓએ એકસંપ થઈને બાજરીનો ભાવ કર્યો

આજે ગુરૂવારે(29 મે, 2025) સાબરકાંઠા જિલ્લાના વેપારી મથક તરીકે ઓળખાતા તલોદ માર્કેટયાર્ડમાં હરાજી શરૂ થતાની સાથે જ વેપારીઓએ એકસંપ થઈને ઉનાળુ બાજરીનો ભાવ ખૂબ જ નીચો બોલીને હરાજીમાં ભાગ લેતા ખેડૂતોએ હોબાળો મચાવીને હરાજીનું કામકાજ અટકાવી દીધુ હતુ. ખેડૂતોએ કરેલા હોબાળા અંગે માર્કેટયાર્ડના સત્તાવાળાઓને ખબર પડયા બાદ તેમણે આવીને ખેડૂતો અને વેપારીઓ સાથે દરમિયાનગીરી કરી ફરીથી હરાજીનું કામકાજ શરૂ કરાવ્યુ હતુ.

આ અંગે મળતી માહિતી મુજબ સરકાર દ્વારા તલોદ ખાતે તાજેતરમાં શરૂ કરાયેલી ટેકાના ભાવે બાજરી ખરીદી કરવા માટે કેન્દ્રનો પ્રારંભ કર્યો છે. જેમાં સરકારે ઉનાળુ બાજરીના પ્રતિ 20 કિલોના ભાવ અંદાજે રૂપિયા 585 નક્કી કર્યો છે. દરમિયાન ગુરૂવારે તલોદ માર્કેટયાર્ડમાં તાલુકા સહિત અન્ય સ્થળેથી ઉનાળુ બાજરી વેચવા માટે અનેક ખેડૂતો વાહનો લઇને લાઇનમાં ઉભા થઇ ગયા હતા. જયાં લગભગ સવારે 9 વાગે હરાજીનું કામકાજ શરૂ થયુ હતુ.

તો બીજી તરફ વેપારીઓએ એકસંપ થઇને ઉનાળુ બાજરીની ગુણવત્તા ચકાસ્યા વગર પ્રતિ 20 કિલો બાજરીનો ભાવ અંદાજે રૂપિયા 400 થી હરાજી શરૂ કરવાને બદલે કેટલાક વેપારીઓએ રૂપિયા 200 થી 250નો ભાવ બોલી હરાજી શરૂ કરી હતી. જેને લઇને ઉપસ્થિત ખેડૂતોમાં નિરાશા વ્યાપી ગઇ હતી. જેથી ઉશ્કેરાયેલા ખેડૂતોએ વેપારીઓની મનમાની સામે તલોદ માર્કેટયાર્ડના મુખ્ય દરવાજા આગળ કેટલાક ટ્રેકટરો ઉભા કરી દઇને આડશ ગોઠવી દીધી હતી.

ત્યારબાદ તલોદ માર્કેટયાર્ડના ચેરમેન સહિત કર્મચારીઓને ખબર પડતા તેઓએ તરત જ દોડી આવીને વેપારીઓ તથા ખેડૂતો સાથે વાતચીત કરી સમગ્ર ઘટનાથી માહિતગાર થયા હતા. ત્યારબાદ સમજાવટ પછી વેપારીઓએ ખેડૂતો પાસેથી બાજરી ખરીદવા માટે અંદાજે 20 કિલોનો ભાવ રૂપિયા 400થી શરૂ કરીને રૂપિયા 520 સુધીનો બોલીને બાજરીની ખરીદી કરી હતી.

તલોદ માર્કેટયાર્ડમાં ખેડૂતોને ટેકાના ભાવ ન મળતાં હોબાળો બચાવ્યો#thegujaratreport #talod #sabarkantha pic.twitter.com/tSYoVI1Y2Y
— The Gujarat Report (@TGujarat_Report) May 29, 2025