Surat: સુરતમાં ગત રોજ માતા સાથે જઈ રહેલો 2 વર્ષોનો બાળક ખુલ્લી ગટરના મેનહોલમાં પડી ગયો હતો. તેને બહાર કાઢવા માટે આજે બીજા દિવસે પણ રેસ્ક્યૂ ટીમ દ્વારા કામગીરી ચાલી રહી છે. જો કે બાળકનો બીજા દિવસે પણ પત્તો ન લાગતાં પરિવારજનો આઘાતમાં છે.
બાળકનું રેસ્યૂ સુરત ફાયર એન્ડ ઇમરજન્સી સર્વિસીસ (SFES)ના કર્મચારીઓ તેમજ સ્થાનિક લોકો કરી રહ્યા છે. પાણીના ભારે પ્રવાહને કારણે, એવી આશંકા છે કે બાળક વહી ગયું હશે અને વધુ દૂર પહોંચી ગયું હશે.
આ રીતે તૂટ્યું હતુ હોલનું ઢાકણ
બાળક તેની માતા સાથે રાધિકા પોઈન્ટ નજીક જઈ રહ્યો હતો ત્યારે તે ગટરના ખુલ્લા મેનહોલના ઢાંકણમાં પડી ગયો. ચીફ ફાયર ઓફિસર બસંત પરીખે જણાવ્યું હતું કે ભારે વાહન પસાર થવાને કારણે મેનહોલના કવરને નુકસાન થયું હતું. તેમણે કહ્યું કે એક 2 વર્ષનો બાળક પડી ગયો હતો. બાળકને શોધવા માટે લગભગ 100-150 મીટરના વિસ્તારમાં શોધખોળ કરવામાં આવી હતી. બાળકને શોધવા માટે સર્ચ ઓપરેશન હાથ ધરવામાં આવી રહ્યું છે. બચાવ કામગીરીમાં અહીં 60-70 કર્મચારીઓ તૈનાત છે. હાલમાં બાળકનો કોઈ પત્તો નથી.
બાળકને શક્ય તેટલી વહેલી તકે શોધવા અને બચાવવાના પ્રયાસો કરવામાં આવી રહ્યા છે. હાલમાં બાળક વિશે કંઈ જાણવા મળ્યું નથી.
આ પણ વાંચોઃ Bangladesh Violence: બાંગ્લાદેશમાં ફરી હિંસા? હુમલાખોરોએ શેખ મુજીબુરહમાનના ઘરને આગ ચાંપી, જુઓ વીડિયો
