Vadodara: હરણી બોટકાંડ (Harni boat incident) પિડિતોનું સમર્થન કરનાર ભાજપ કોર્પોરેટર આશિષ જોશીને (Ashish Joshi)  પક્ષમાંથી સસ્પેન્ડ કરી દેવાનો મામલો હાલ ચર્ચાનો વિષય બન્યો છે. ભાજપે તેમના પર પાર્ટીની છબી બગાડવાનો આરોપ લગાવ્યો છે. તેમને પાર્ટીમાંથી કાઢી મુકવાનું સાચુ કારણ તાજેતરમાં વડોદરામાં યોજાયેલા મુખ્યમંત્રી ભૂપેન્દ્ર પટેલના કાર્યક્રમમાં તેમની ભૂમિકાઓ હોવાનું ચર્ચાઈ રહ્યું છે. આશિષ જોશી પર આરોપ લાગ્યો હતો કે ચાલુ કાર્યક્રમમાં મુખ્યમંત્રી સમક્ષ શું બોલવાનું છે, તેની સ્ક્રિપ્ટ પણ આશિષ જોષીએ જ તૈયાર કરી હોવાનો ઘટસ્ફોટ થયો છે. ત્યારે પાર્ટીમાંથી કાઢી મુક્યા બાદ હવે આશિષ જોષીએ નવો ઘટસ્ફોટ કર્યો છે. The gujarat report સાથે વાત કરતા આશિષ જોષીએ અનેક મોટા ખુલાસાઓ કર્યા છે.

આશિષ જોષીએ માંગ્યા પુરાવા

કયા આધારે હકાલપટ્ટી કરવાનો નિર્ણય લીધો તેના જરૂરી દસ્તાવેજો આશિષ જોશીએ પક્ષ પાસેથી માગ્યા છે. આ સાથે તેમણે શિસ્તભંગનું કોઈ કૃત્ય ન કર્યું હોવાનું જણાવીને ખોટી રીતે તેમને સસ્પેન્ડ કરવામા આવ્યા હોવાનું જણાવ્યુ હતું.

શૈલેશ મહેતા પર મોટા આક્ષેપ

ભાજપમાંથી સસ્પેન્ટ થયા બાદ આશિષ જોષીએ ખુલાસો કર્યો છે કે, ડભોઈના ધારાસભ્ય શૈલેશ મહેતાનાના ઈશારે તેમને સસ્પેન્ડ કરી દેવામા આવ્યા છે. શૈલેશ મહેતાએ ખોટી ફરિયાદો કરીને મને સસ્પેન્ડ કરાવ્યો હોવાનું આશિષ જોષીએ નિવેદન આપતા રાજકારણમાં ભારે ગરમાવો આવ્યો છે. તેમણે એવો પણ આક્ષેપ કર્યોછે કે, શૈલેશ મહેતા બોટકાડમાં શાળાના સંચાલકોને બચાવી રહ્યા છે અને પાલિકાને કાર્યવાહી કરતા રોકી રહ્યા છે. તેમજ પક્ષ તેમને રાખે કે ન રાખે પરંતુ તેઓ હરણી બોટ કાંડના પીડિતો માટે લડતા રહેશે તેવો હુંકાર પણ તેમણે કર્યો છે.

આશિષ જોષી શૈલેશ મહેતા વિશે વધુ શું ખુલાસા કર્યા ?  

આ સાથે આશિષ જોષીએ આગામી સમયમાં શૈલેશ મહેતા અંગે પણ પુરાવા આપવા જણાવ્યુ હતુ. ધારાસભ્ય શૈલેશ મહેતાનું હરણી બોટમાં કઈ રીતે કનેક્શન છે ? ધારાસભ્ય આ બધુ કરીને કોને બચાવી રહ્યા છે તેના અંગે શું મોટા ખુલાસા કર્યા જુઓ વીડિયો…