- દિલ્હીમાં આવેલા ભયંકર ભૂકંપ પર લોકોને કરેલી અપીલમાં પીએમ મોદીએ શું કહ્યું?
સોમવારે સવારે 5:36 વાગ્યે દિલ્હી-એનસીઆરમાં ધરતી ધ્રુજી ઉઠી હતી. નેશનલ સેન્ટર ફોર સિસ્મોલોજી અનુસાર, દિલ્હી અને આસપાસના વિસ્તારોમાં 4.0 ની તીવ્રતાનો ભૂકંપ નોંધાયો હતો.
ભૂકંપનું કેન્દ્ર દિલ્હીમાં જમીનથી પાંચ કિલોમીટર નીચે હતું. વડાપ્રધાન મોદીએ તમામ લોકોને સાવધ રહેવાની અપીલ કરી છે.
તેમણે ટ્વિટર પર લખ્યું, “દિલ્હી અને આસપાસના વિસ્તારોમાં ભૂકંપના આંચકા અનુભવાયા. હું દરેકને સલામતીની સાવચેતીઓનું પાલન કરવાની અપીલ કરું છું. સાવધાન રહો. અધિકારીઓ પરિસ્થિતિ પર નજર રાખી રહ્યા છે.
દિલ્હી પોલીસે સંદેશ પર લખ્યું, “અમને આશા છે કે તમે બધા સુરક્ષિત હશો. કટોકટી સહાય માટે 112 ડાયલ કરો.”
દિલ્હીના ભૂતપૂર્વ મુખ્યમંત્રી આતિશીએ ટ્વિટર પર લખ્યું, “દિલ્હીમાં હમણાં જ એક જોરદાર ભૂકંપ આવ્યો છે. હું ભગવાનને પ્રાર્થના કરું છું કે બધા સુરક્ષિત રહે.”
इस CCTV वीडियो से अंदाज़ा लगाइए कि आज सुबह दिल्ली में आया भूकंप कितना ख़तरनाक था।
— Dinesh Bohra (@dineshbohrabmr) February 17, 2025
દિલ્હીની સવારની શરૂઆત ભૂકંપના જોરદાર આંચકાથી થઈ હતી. આ ભૂકંપના આચકા એટલા તીવ્ર હતા કે, લોકો ભર ઉંઘમાંથી ઉઠીને ડરના કારણે ઘરની બહાર દોડી આવ્યા હતા.
દિલ્હીના લોકો માટે સોમવારની સવાર સામાન્ય નહોતી. ખરેખર, આ વિસ્તારમાં ભૂકંપના જોરદાર આંચકા અનુભવાયા હતા.
સોમવારે સવારે 5:36 વાગ્યે દિલ્હી-એનસીઆરમાં 4.0 ની તીવ્રતાનો ભૂકંપ આવ્યો. નેશનલ સેન્ટર ફોર સિસ્મોલોજીએ X પર લખ્યું હતું કે ભૂકંપનું કેન્દ્ર દિલ્હીમાં જમીનથી 5 કિલોમીટર નીચે હતું.
આ ભૂકંપની તીવ્રતા રિક્ટર સ્કેલ પર 4.0 નોંધાઈ હતી.
દિલ્હીના ભૂતપૂર્વ મુખ્યમંત્રી અને આમ આદમી પાર્ટીના નેતા અરવિંદ કેજરીવાલે ટ્વિટર પર લખ્યું: “હું બધાની સલામતી માટે પ્રાર્થના કરું છું.”
નવી દિલ્હી રેલ્વે સ્ટેશન પર હાજર એક મુસાફરે સમાચાર એજન્સી ANI ને જણાવ્યું, “હું વેઇટિંગ લાઉન્જમાં મારી ટ્રેનની રાહ જોઈ રહ્યો હતો. અચાનક એવું લાગ્યું કે કંઈક પડી ગયું છે. પછી વેઇટિંગ લાઉન્જમાં હાજર લોકો બહાર દોડવા લાગ્યા. પછી મેં જોયું કે કંઈ થયું નથી. કોઈએ મને કહ્યું કે ભૂકંપ આવ્યો છે. પછી એવું લાગ્યું કે ઉપરથી ટ્રેન પડી ગઈ હોય કે પુલ પડી ગયો હોય. મેં તેને સંપૂર્ણપણે અનુભવ્યું. લગભગ 5-6 સેકન્ડ સુધી.”
આ પણ વાંચો- ભારતીય શેરમાર્કેટ ICUમાં; નવમા દિવસે પણ મોટો કડાકો; અત્યાર સુધી ₹32.79 લાખ કરોડનું નુકશાન
