Jigisha Patel અને Banni Gajera એ કઈ વાતને લઈને નરેશ પટેલને બ્લેકમેઇલ કરવાનો બનાવ્યો પ્લાન?

Alleged audio of Jigisha Patel and Banni Gajera

Jigisha Patel and Banni Gajera: રાજકોટમાં પાટીદાર સમાજના અગ્રણી નરેશ પટેલ સામે ષડયંત્રનો આરોપ લગાવતી એક ઓડિયો ક્લિપ સોશિયલ મીડિયામાં વાયરલ થઈ છે. આ ક્લિપમાં પાટીદાર મહિલા આગેવાન જીગીશા પટેલ અને ભાવિન ઉર્ફે બન્ની ગજેરા વચ્ચેની કથિત વાતચીત સામે આવી છે, જેમાં નરેશ પટેલને બદનામ કરવાનું ષડયંત્ર રચવામાં આવી રહ્યું છે. આ ક્લિપમાં જીગીશા પટેલે બન્ની ગજેરાને નરેશ પટેલની પ્રતિષ્ઠાને નુકસાન પહોંચાડવાની રણનીતિ ઘડવા માટે પ્રોત્સાહન આપ્યું હોવાનો દાવો કરવામાં આવ્યો છે.

જગીશા પટેલ અને બન્ની ગજેરાનો કથિત ઓડિયો વાયરલ

આ ઓડિયોમાં જીગીશા પટેલ બન્ની ગજેરાને “બંધ મૂઠ્ઠીમાં રમીશ ત્યાં સુધી ગેમ લાંબી ચાલશે” જેવી સલાહ આપતા સંભળાય છે. તેમજ ઓડિયોમાં “ખાલી સીડી મોકલવાની” ચર્ચા થઈ છે તેમજ વાતચીતમાં નરેશ પટેલ ગોંડલના ફાર્મ હાઉસમાં જેતપુરની યુવતી સાથે હતા તેમ કહી રહ્યા છે. તેમજ આ ઓડિયોમાં જીગીશા પટેલ નરેશ પટેલને બ્લેકમેઇલ કરી તેની પાસેથી મિલકત લખાવી લેવા અથવા તો મોટી રકમ વસૂલવાનું કહી રહી છે. ઓડિયો ક્લિપ વાયરલ થતા સમગ્ર સૌરાષ્ટ્રમાં ભારે ચકચાર મચી જવા પામી છે.

નરેશ પટેલને બ્લેકમેઇલ કરવાનો બનાવ્યો પ્લાન

આ ઓડિયોમાં શરુઆતમાં વરુણ નામના વચેટીયા મનાતા શખ્સે પોતાને નરેશભાઈ વિશે ચૂપ રહેવા માટે બે લાખ રૂપિયા 7 મહિને આપ્યાનું પણ બન્ની ગજેરા કહી રહ્યો છે. તેમજ આ ઓડિયોમાં જેતપુરની છોકરી અને ગોંડલનું ફાર્મ એવા શબ્દોનો ઉલ્લેખ કરે છે. તેમજ જીગીશા કવરમાં ખાલી સીડી અને ટાઈપ કરેલી ચીઠી મૂકી નરેશભાઈને પહોંચાડવાની અને તેમાં લખવું કે આ વખતે સીડી કોરી છે. હવે વિડીયો સાથે મોકલીશ તેમાં એક છોકરી સાથેનો ફોટો પણ મુકો પણ છોકરીનો ચહેરો બ્લર કરી નાખો નહીંતર એ તેને પૈસા આપીને ફોડી લેશે તેમ કહી રહી છે. તેમજ આ ઓડિયો ક્લિપમાં નવરાત્રીનો ઉલ્લેખ કરવામા આવ્યો છે જેથી આ પ્રકરણ નવરાત્રી આસપાસનું હોય તેવું લાગી રહ્યું છે.

સૌરાષ્ટ્રના પાટીદાર સમાજમાં ખળભળાટ

આ ઓડિયો વાયરલ થતા રાજકોટ અને સૌરાષ્ટ્રના પાટીદાર સમાજમાં ખળભળાટ મચાવ્યો છે. આ ઓડિયોમાં જે વાતચીત કરવામાં આવી રહી છે તેમાં કેટલી હકીકત છે આખો મામલો શું છે તે તો હજુ સામે આવ્યું નથી પરંતુ વાતચીત પરથી એવું લાગી રહ્યું છે કે, જીગીશા પટેલ અને બન્ની ગજેરા નરેશ પટેલનો કોઈ કાંડ જાણતા હોવાથી તેમને ફસાવવા માટેનું ષડયંત્ર રચી રહ્યા હતા. હાલ તો આ ઓડિયો પોલીસના હાથે લાગ્યો છે ત્યારે આગળ શું થાય છે તે જોવું રહ્યુ….