World Bank: પહેલગામ હુમલા બાદ ભારત અને પાકિસ્તાન વચ્ચે તણાવ ચરમસીમાએ છે. ગુરુવારે રાત્રે ભારતે પાકિસ્તાન સમર્થિત આતંકવાદી છાવણીનો નાશ કર્યા બાદ પાકિસ્તાને ભારત પર હુમલો કર્યો. ભારતીય સેનાએ પાકિસ્તાનના હુમલાનો યોગ્ય જવાબ આપ્યો છે. હવે પાકિસ્તાન દુનિયાભરમાંથી મદદની ભીખ માંગી રહ્યું છે. આ દરમિયાન, પાકિસ્તાનને વધુ એક મોટો ઝટકો લાગ્યો છે. આ આંચકો સિંધુ જળ સંધિ અંગે આવ્યો છે, જેને પહેલગામ હુમલા પછી ભારત દ્વારા અસ્થાયી રૂપે સ્થગિત કરવામાં આવ્યો હતો.

વિશ્વ બેંકના પ્રમુખ અજય બંગાએ કહ્યું છે કે ભારત અને પાકિસ્તાન વચ્ચે થયેલા સિંધુ જળ સંધિમાં વિશ્વ બેંકની ભૂમિકા તે સમયે ભક્ત મધ્યસ્થીની હતી. એટલે કે, અમારી ભૂમિકા આ ​​સંધિને સરળ બનાવવાની રહી છે. આ સિવાય અમારી કોઈ ભૂમિકા નથી. આ પાકિસ્તાન માટે એક મોટો ફટકો છે. હવે તે વૈશ્વિક મંચ પર પણ આ મુદ્દો ઉઠાવી શકશે નહીં. વિશ્વ બેંક પાસેથી કોઈ મધ્યસ્થ ની અપેક્ષા પાકિસ્તાન રાખી શકશે નહીં.

1960માં બંને દેશો વચ્ચે એક કરાર થયો હતો

સિંધુ, ઝેલમ અને ચિનાબના પાણીની વહેંચણી માટે બંને દેશો દ્વારા 1960માં આ સંધિ પર હસ્તાક્ષર કરવામાં આવ્યા હતા. જોકે 22 એપ્રિલ 2025ના રોજ જમ્મુ અને કાશ્મીરના પહેલગામમાં થયેલા આતંકવાદી હુમલામાં 26 ભારતીયોના મોત બાદ ભારતે દાયકાઓ જૂની સિંધુ જળ સંધિને સ્થગિત કરી દીધી હતી.

પ્રેસ ઇન્ફર્મેશન બ્યુરો (PIB) એ સોશિયલ મીડિયા પ્લેટફોર્મ ‘X’ પર વર્લ્ડ બેંકના પ્રમુખ અજય બંગાને ટાંકીને કહ્યું કે, “અમારી ભૂમિકા ફક્ત સુવિધા આપનારની છે.” વિશ્વ બેંક આ સમસ્યાનો ઉકેલ કેવી રીતે લાવશે તે અંગે મીડિયામાં ઘણી અટકળો ચાલી રહી છે, પરંતુ તે બધી પાયાવિહોણી છે. વિશ્વ બેંકની ભૂમિકા ફક્ત સુવિધા આપનારની છે. વિશ્વ બેંક દ્વારા મધ્યસ્થી કરાયેલ સિંધુ જળ સંધિ, 1960 થી ભારત અને પાકિસ્તાન વચ્ચે સિંધુ નદી અને તેની ઉપનદીઓના પાણીના વહેંચણી અને ઉપયોગને નિયંત્રિત કરે છે.