આવકવેરા વિભાગને ભોપાલના મેંડોરીના જંગલમાં ગુરુવાર મોડી રાત્રે એક કારમાંથી 52 કિલો સોનું અને 10 કરોડ રૂપિયા રોકડા મળ્યા છે. આશ્ચર્યની વાત એ છે કે જેમાંથી આ ખજાનો જપ્ત થયો છે તે ઇનોવા કાર પર RTO લખેલું હતું અને આ કાર ચેતન નામના વ્યક્તિના નામ પર રજિસ્ટર્ડ હોવાનું સામે આવ્યું છે. જપ્ત કરાયેલા સોનાની કિંમત 40 કરોડ 47 લાખ આંકવામાં આવી છે. જોકે આ સોનું અને રોકડ કોનું છે તે અંગેનો ખ્યાલ આવ્યો નથી. મળી રહેલી માહિતી અનુસાર, હજું સુધી પોલીસ આ વ્યક્તિનું નામ શોધી શકી નથી.

આવકવેરા વિભાગે છેલ્લા બે દિવસમાં મધ્યપ્રદેશ અને ઇંદોરમાં રિયલ એસ્ટેટ વેપારીઓના 51 સ્થાનો પર દરોડા પાડ્યા છે. હવે એ જાણવાનો પ્રયાસ કરવામાં આવી રહ્યો છે કે સોનું અને રોકડનો કનેકશન બિલ્ડર વેપારીઓ અને RTOના પૂર્વ કોન્સ્ટેબલના અહીં ચાલી રહેલી કાર્યવાહી સાથે તો નથી?

ગુપ્ત સૂત્રોમાંથી માહિતી મળી હતી આવકવેરા વિભાગના સૂત્રોએ જણાવ્યું હતું કે તેમને ગુપ્ત માહિતી મળી હતી કે જંગલમાં એક કારમાં ભારે રોકડ છે, જેને ક્યાંક લઈ જવામાં આવી રહી છે. ત્યારબાદ ટીમ ગુરુવારની મોડી રાત્રે લગભગ બે વાગ્યે મેંડોરી પહોંચી હતી. ઇનોવા કારની પાસે 30 કારો સાથે100 પોલીસકર્મીઓ પહોંચી ગયા હતા. શક્ય છે કે પોલીસને પણ તેની માહિતી મળી હશે. જેવી જ આવકવેરા વિભાગે કારની તપાસ લીધી, કારમાં મોટી માત્રામાં રોકડ અને સોનું મળ્યું હતું.

આ સોનું અને રોકડથી કોઈનો સીધો કનેક્શન સામે આવ્યું નથી પરંતુ માની લેવામાં આવી રહ્યું છે કે કાર કોઈ RTO અધિકારી સાથે જોડાયેલી હશે, જેને દરોડાની શંકાને કારણે જંગલમાં છુપાવીને ઊભી કરવામાં આવી હતી. ચેતનના નામ પર આ કાર રજિસ્ટર્ડ છે તે ગ્વાલિયરના રહેવાસી છે અને RTOના પૂર્વ કોન્સ્ટેબલ સૂરભ શર્માના મિત્ર ગણાય છે.

સૂરભ શર્માના ઘરેથી 1.15 કરોડ રૂપિયા જપ્ત ત્યારે 19 ડિસેમ્બરની સવારમાં RTOના પૂર્વ કોન્સ્ટેબલ સૂરભ શર્માના ભોપાલની અરેરા કોલોની સ્થિત ઘરે દરોડા પાડવામાં આવ્યા હતા, જેમાં તેમના ઘરેથી 1.15 કરોડ રૂપિયા રોકડ, અડધું કિલો સોનું, હીરા અને સોનાના આશરે 50 લાખ રૂપિયાનાં દાગીના, ચાંદીની ઈંટો સહિત પ્રોપર્ટીનાં અન્ય દસ્તાવેજો મળી આવ્યા હતા. આ ઉપરાંત શર્માના ઓફિસથી 1.70 કરોડ રૂપિયા રોકડ સહિત પ્રોપર્ટીના દસ્તાવેજો મળ્યા હતા. આ મામલામાં પૂર્વ મુખ્ય સચિવ સિવાય મુખ્ય સચિવ સ્તરના કેટલાક અધિકારીઓના સામેલ હોવાની આશંકા છે. આવકવેરા વિભાગની ટીમ હજી વધુ મોટા ખુલાસા કરવા જઈ રહી છે.