Gir Somnath Accident: ગુજરાતમાં વધતી અકસ્માતોની ઘટનાઓ બેકાબૂ બની રહી છે. ત્યારે હવે ગીર સોમનાથમાં હચમચાવી નાખતો અકસ્માત થયો છે. વેરાવળ-કોડીનાર હાઈવે પર કણજોતર ગામ નજીક 14 એપ્રિલેની રાત્રે ઈકો કાર અને સ્પ્લેન્ડર બાઈક વચ્ચે અકસ્માત થયો હતો. જેથી લોકોનું ટોળું એકઠું થઈ ગયું હતુ. તે દરમિયાન પૂરઝડપે આવેલા ડમ્પરે ટોળામાં રહેલા 5 લોકોને કચડી નાખ્યા હતા. જેમાંથી 2 લોકોના કરુણ મોત થયા છે. જ્યારે અન્ય લોકોને હોસ્પિટલમાં ખસેડાયા છે. આ અકસ્માતના દ્રશ્યો સૌ કોઈને હચમચાવી નાખે તેવા છે.
પ્રાપ્ત વિગતો મુજબ ગત રાત્રે લગભગ 9:30 વાગ્યે કણજોતર ગામના રાખેજ પાટિયા પાસેથી પસાર થતાં વેરાવળ-કોડીનાર હાઈવે પર ઈકો કાર અને સ્પ્લેન્ડર બાઈક વચ્ચે ભયંકર અકસ્માત થયો હતો. જેથી ઈજાગ્રસ્તોને 108 મારફતે હોસ્પિટલમાં લઈ જવામાં આવ્યા હતા. આ ઘટનાના કલાક બાદ અકસ્માત જોવા ઉભેલા લોકોને કનૈયા એન્ટરપ્રાઈઝના (GJ-11-Z-9555) ઓવર સ્પીડે આવેલા ડમ્પરે કચડી નાખ્યા હતા.
કોડીનાર-સુત્રાપાડા હાઈવે પર પૂરપાટ આવતા ડમ્પરે પાંચ લોકોને કચડી નાખ્યા; બેનાં મોત, 7 ઘાયલ#Kodinar #Sutrapada #Accident #CCTV #viralvideo #thegujaratreport pic.twitter.com/XB9Avq2lp8
— The Gujarat Report (@TGujarat_Report) April 15, 2025
જ્યારે સુભાષ પરમાર અને બાલુભાઈ કલોતરાના ઘટનાસ્થળે જ કરુણ મોત થયા. જ્યારે 7થી વધુ લોકોને સારવાર અર્થે કોડીનારની રાણાવાલા હોસ્પિટલમાં ખસેડવામાં આવ્યા છે. આ ઘટના કેમેરામાં પણ કેદ થઈ છે.
અકસ્માત બાદ લોકોમાં રોષ જોવા મળ્યો છે. પોલીસે ડમ્પરચાલક વિરુધ્ધ કાર્યવાહી હાથ ધરી છે. બીજી તરફ ઈકો અને બાઈક વચ્ચે કેવી રીતે અકસ્માત સર્જાયો તે બહાર આવ્યું નથી.
ગુજરાતમાં આ રીતે રોજરોજ બનતી ઘટનાઓ પાછળ ક્યાયને ક્યાય તંત્ર સહિત વાહનચાલકો જવાબદાર હોય છે. તંત્રની સાથે સાથે વાહનચલાકે પણ પોતાની અને બીજાની સેફ્ટીનું ધ્યાન રાખવું જોઈએ. ઘણા ચાલકો પોતાની મનમાનીથી જ વાહન ચાલાવતાં હોય છે. જે કોઈનુ પણ સાંભળતાં હોતા નથી. તેમની આ મનમાની ઘણીવાર ખોફનાક સાબિત થતી હોય છે.
આ પણ વાંચો:
Surat: દારુડિયાએ સગીર પાસે દારુ પીવા પૈસા માગ્યા, ન આપતાં હત્યા, આ છે દારુબંધીવાળુ ગુજરાત!
PM MODI એ ભક્તોને જૂતા પહેરાતાં કહ્યું હવે પછી આવુ ન કરતો!, કોને મોદીભક્તિ ફળી?
ગુજરાતમાં માનવભક્ષી દીપડાઓથી ખાતરો, વન વિભાગની દાદાગીરી!, શું સરકાર લાવશે ઉકેલ? | Leopard attacks
કોંગ્રેસના મહિલા MLAએ ભાજપ નેતાને ફટકાર્યો, શું છે વિવાદ? | Rajasthan
Bodeli ની ઓરસંગ નદીની દશા અને દિશા કેમ બદલાઈ? પાણી ગયા અને હવે કાંકરા રહી ગયા | VIDEO
