Andhra Pradesh: હાઈકોર્ટના આદેશના અવમાનથી લાલ ઘૂમ થેયીલ સુપ્રીમ કોર્ટે શુક્રવારે આંધ્ર પ્રદેશના એક નયાબ કલેક્ટરને પદભ્રષ્ટ કરવાનો આદેશ આપ્યો. સુપ્રીમ કોર્ટે આંધ્ર પ્રદેશ સરકારને હાઇકોર્ટના આદેશનું ઉલ્લંઘન કરનારા ડેપ્યુટી કલેક્ટરને ડિમોટ કરવા અને તેને તાલુકા કક્ષાએ મહેસૂલ અધિકારી બનાવી દેવા નિર્દેશ કર્યો છે.

‘કોર્ટના આદેશોનું પાલન ન કરવું એ કાયદાના શાસનના પાયા પર હુમલો’

વાસ્તવમાં હાઈકોર્ટે આંધ્રપ્રદેશના ગુંટુર જિલ્લામાં ઝૂંપડાઓ ન હટાવવાનો નિર્દેશ આપ્યો હતો, પરંતુ અધિકારીએ હાઈકોર્ટના આદેશનો અનાદર કર્યો. જસ્ટિસ બીઆર ગવઈ અને જસ્ટિસ ઓગસ્ટિન જ્યોર્જ મસીહની બેન્ચે હાઈકોર્ટના આદેશની અવગણના પર સખત નારાજગી વ્યક્ત કરી હતી. બેન્ચે કહ્યું કે દરેક અધિકારી, ભલે ગમે તેટલો ઊંચો હોદ્દો હોય, કોર્ટ દ્વારા પસાર કરાયેલા આદેશોનું સન્માન કરવા માટે બંધાયેલા છે. બેન્ચે કહ્યું કે કોર્ટના આદેશનો અનાદર કરવો એ કાયદાના શાસનના પાયા પર હુમલો છે જેના પર આપણી લોકશાહી આધારિત છે.

‘ઉંચા થતાં અધિકારીને નીચો કરાયો’

બેન્ચે કહ્યું, ‘જોકે આપણે ઉદાર વલણ અપનાવીએ છીએ,જોકે બધાને સંદેશ જવો જોઈએ કોઈ પણ વ્યક્તિ, ભલે તે ગમે તેટલો ઊંચો હોય, કાયદાથી ઉપર નથી.’ સર્વોચ્ચ અદાલતે હાઈકોર્ટના આદેશને માન્ય રાખ્યો જેમાં અધિકારીને હાઈકોર્ટના આદેશનું જાણી જોઈને અને સંપૂર્ણ અગણના કરવા બદલ દોષિત ઠેરવવામાં આવ્યા છે. સુપ્રિમ કોર્ટે ઉદારતા દાખવી હાઈકોર્ટે સંભળાવેલી બે મહિનાની જેલની સજા માફ કરી છે.

અધિકારી પર 1 લાખ રૂપિયાનો દંડ પણ ફટકારવામાં આવ્યો હતો.

નોંધનીય છે કે જે અધિકારીને ડિમોટ કરવાનો આદેશ આપવામાં આવ્યો છે. ઉલ્લેખનીય છે વર્ષ 2023 માં મહેસૂલ અધિકારીના પદ પરથી જ ડેપ્યુટી કલેક્ટર પદ પર બઢતી આપવામાં આવી હતી. બેન્ચે અધિકારી પર 1 લાખ રૂપિયાનો દંડ ફટકારવાનો પણ આદેશ આપ્યો છે. આદેશ આપતી વખતે જસ્ટિસ ગવઈએ કહ્યું, ‘અમે ઇચ્છીએ છીએ કે આ સંદેશ દેશભરમાં જાય કે કોર્ટના આદેશનો અનાદર સહન કરવામાં આવશે નહીં.’ તમને જણાવી દઈએ કે જે અધિકારીને ડિમોટ કરવામાં આવ્યા છે તેમણે જ હાઈકોર્ટના આદેશ વિરુદ્ધ સુપ્રીમ કોર્ટમાં અરજી દાખલ કરી હતી.